पाऊस

काल खूप दिवसांनी तुला पावसात चिंब भिजताना पाहिलं.. आणि छत्री मध्ये असूनसुद्धा माझा मन भलतंच शहारलं....... जोरदार वाऱ्याने त्यात अजून कहर करावा छत्रीचे तीन तेरा वाजवून त्याने आपला इरादा स्पष्ट करावा.... समोरचा अथांग सागर जणू पावसाने कुशीत घेतलेला आता नजरेसमोर फक्त तू... आणि नजरेत तुझ्या प्रेमाचा ओलावा... समोरून बेफाम लाटा.. वरून चिंब धारा.. पायाखाली गुदगुल्या करणारी वाळू अन सर्वांगला शहारणारा वारा... पूर्ण निसर्गचं आपल्या साथीला असतांना कॅमेरा क्लिक ची गरजच कशाला... निथळलेला तुझा तो चेहरा माझ्या नजरेत मी कधीच टिपलेला... पापण्यांवर जमलेले थेंब हळुवार गालावरून ओघळत होते.... उगाच केसांना दिलेल्या झटक्याने ते बिचारे गडबडले होते... पुढचा पूर्ण वेळ माझं मन.. त्या थेंबातलाच एक भाग बनून राहिला... काल खूप दिवसांनी तुला चिंब भिजताना पाहिलं... आणि छत्री मध्ये असून सुद्धा माझं मन भलताच शहारलं.... माझं पहिलाच प्रयत्न आहे मिपावर काही खरडण्याचा म्हणून सांभाळून घ्यावे हि विनंती..मी मिपा गेली तीन वर्षांपासून वाचतेय तर बरेच मिपा सदस्य ओळखीचेच वाटायला लागलेत..असो.. धन्यवाद..