ऑक्सिटॉसिन अलिंगनौषधी

ऑक्सिटॉसिन वाचल आणि माझा कॉलेज मधला निबंध आठवला. खरतर, ऑक्सिटॉसिन हे गरोदर बायांना देतात, बाळंतपण सुरळीत होण्याकरता. आणि त्याचे वाईट परीणाम पण झालेले आहे. त्यामुळे जरा आश्चर्य वाटल. पण तसा विचार केला तर त्याचे उपयोग पण होऊ शकातात, जास्त करुन Autistic मुलांकरता, त्यांना भावना कळायला कठीण जात. असो, बाजारात आलकीच कळेल कशाकरता येत आहे ते. :)

ऑक्सिटोसिनबद्दल हे संशोधन (ममत्ववर्धक) बरोबर असले, तरी सध्या तरी मेंदूच्या आतील मज्जासंस्थेपर्यंत पोचू शकेल अशा प्रकारचे ऑक्सिटोसिन-प्रिपरेशन उपलब्ध नाही. (सध्या ते तिथे पोचवण्यासाठी आडदांड सुईने पाठीच्या कण्यात टोचावे लागते.) पण ते मेंदूपर्यंत पोचलेच पाहिजे असा नियम नाही. ते मेंदूपर्यंत पोचले असे वापरणार्‍यास ठामपणे वाटले, तरी पुरे असते. अनेक पदार्थ असे असतात, की "रतिसुखवर्धक आहेत" असे कोणी म्हटल्यास रतिसुखवर्धन करतात. त्या अर्थी असे पदार्थ नि:संशय कार्यक्षम असतात. अशा वेळी कार्यक्षमतेचे आणि किमतीचे विचित्र त्रैराशिक असते. असे औषध खूपच स्वस्त असले, तर ते कार्यक्षम असल्याबद्दल विश्वास बसत नाही. पण खूपच महाग असले तर अपेक्षाभंग होऊ शकतो. त्यामुळे अशा प्रकारच्या औषधांच्या विक्रेत्याला औषधाची किंमत फारच विचारपूर्वक ठरवावी लागते. योग्य किमतीला ऑक्सिटोसिनचा स्प्रे विकला, आणि फक्त ज्यांना मनापासून असे काही हवे, त्यांनाच विकला, तर विक्रेत्याचा आणि ग्राहकाला दोघांना चांगला फायदा होऊ शकेल.

माणसातील मर्यादित एकनिष्ठाही याच द्रव्यामुळे असावी असा कयास आहे हे द्रव्य काढून टाकायला काय करता येईल... --अवलिया काय तुम्ही संपर्कासाठी व्यनी वापरता? खव नाही? अरेरे!!! मग मिपाच्या गुढ इतिहासात कशी भर टाकणार? व्यनी सोडा खव वापरा.

आपला स्वभाव-पिंड मेंदुतील जैवरासायनिक बदलांमुळेच असतो/घडतो असे वैज्ञानिक गृहितक दिसते. ते सप्रमाण सिद्ध करता येण्याजोगे असावे. मला हा विषय रसपूर्ण वाटतो आहे. ईश्वरदर्शन होताना मेंदूमध्ये काय क्रिया होतात ते पाहून ती रसायने स्त्रावणारी संप्रेरके कुणी काढील आणि समाधी-ईश्वरदर्शन-मनवाप्रति करुणा-प्रेम-वात्सल्य औषधानेच निर्माण होईल की काय! म्हणजे समाजसेवक व्हायचे आहे का? योगी व्हायचे आहे का? एक औषधी कोर्स दिला की समाजसेवक/योगी तयार :) -- लिखाळ.

माहितीच नवीन आहे, तेव्हा त्याच्या उपयोगाबद्दल काय बोलावे बॉ आता ! ऑक्सिटॉसिन भारीच औषध दिसते !

आयला! ऐकावं ते नवलंच! प्रेम व एकनिष्ठा वाढवण्यासाठी अलिंगनौषधी म्हणून ऑक्सिटॉसिन थेट बाजारात देखील येऊ घातले आहे. ते कितपत यशस्वी होईल? हम्म! यशस्वी झालं तर काही लोकांची ( की आमची? ;) ) अंमळ पंचाईतच होऊ शकेल! आपला, (चालू अविवाहीत!) तात्या.

काय पंचाईत होत नाही तात्या. ऑक्सीटोसीन चा बाप माणसात असते. त्याचे नाव ऑक्स ची टोचीन. ह्या वर काहीही उपाय नाही.

प्रेम आणि एकनिष्ठा वाढवण्याची गरज ज्यांना वाटते त्यांना नक्कीच उपयोगाला येईल असे वाटते! माहिती विचारप्रवर्तक आहे, पण मृदुला यांनी आपलेही मत मांडले असते तर चर्चेत अजून रंगत आली असती. अवांतर - औषधाचे परिणाम हे डोसावर अवलंबून असावेत. बाळंतपणात मला ऑक्झिटॉसिन द्यावे लागले होते, पण (सर्वच स्त्रियांना होते त्याप्रमाणे) मूल जन्माला आल्यानंतर फक्त थकवा जाणवत होता. मुलीबद्दल प्रेमही जरा स्थिर झाल्यावर जाणवू लागले, असे आठवते. बहुदा तोवर बाहेरून दिलेल्या ऑक्झिटॉसिनच्या मोठ्या डोसाचा परिणाम ओसरला असावा.

शब्द समजायला खूप त्रास झाला अ-लिंगनौषधी असे एकदा वाटलं ...न-औषधी असे एकदा वाटले. शेवटी मजकूर वाचल्यावर ते आलिंगन्-औषधी आहे असे कळले. मस्करी समजून सोडून देणे.