कोबीचे मोमोज

साहित्य शाकाहारी सारणासाठी २०० ग्रॅम पनीर १ गाजर, किसून २ ते ३ पातीच्या कांद्याचा पांढरा भाग, बारीक चिरून १/२ कप बारीक चिरलेली ढोबळी (शिमला) मिरची (असल्यास लाल, पिवळी, हिरवी वापरा) ६ ते ८ लसूण पाकळ्या, बारीक चिरून १ चमचा सोया सॉस १/२ चमचा व्हिनेगर मीठ, चवीनुसार १ चमचा तेल १ चमचा काळीमिरी पावडर १ साखर चिकनच्या सारणासाठी पाव किलो बोनलेस चिकन ब्रेस्ट १ माध्यम आकाराचा कांदा, चिरून १ मोठा चमचा काळीमिरी पावडर १ मोठा चमचा तेल ६ ते ८ लसूण पाकळ्या, बारीक चिरून १ चमचा सोया सॉस १/२ चमचा व्हिनेगर मीठ, चवीनुसार आवरणा करिता १ मध्यम आकाराचा कोबी मोमोज, मूळचा तिबेटियन पदार्थ, सिक्कीम, नेपाळ आणि दार्जिलिंग ह्या भागांतून पसरत हल्ली गल्ली बोळात आणि मॉल्स मध्ये सर्रास मिळू लागलेला आहे. मैद्याच्या आवरणात, सारण भरून हा वाफवून मग सेपेन (एक पारंपरिक तिबेटियन तिखट चटणी/सॉस) बरोबर गरम गरम खायचा हा एक पदार्थ! मैदा, हा तसा आपण शक्यतो टाळतो, तर काही लोकांना तो वर्ज असतो. म्हणून मग मैद्या ऐवजी, कोबीचे पाने वापरून आपण मोमोज चा आस्वाद घेऊ शकतो. एक तर अत्यंत कमी तेलाचा वापर, त्यात वाफवलेला आणि मैदा नं वापरल्यामुळे हा एक पौष्टीक पण चविष्ट पर्याय आहे. कृती पनीर सारणाकरिता एका पॅन मध्ये तेल गरम करून त्यात लसूण घाला. कांदे पात , गाजर आणि ढोबळी मिरची टाकून मिश्रण २ ते ३ मिनिटे शिजू द्या. त्यात काळीमिरी, सोया सॉस, व्हिनेगर घालून ढवळून घ्या. चवीनुसार मीठ आणि एक चिमूट साखर घालून मिश्रण गॅसवरून काढून घ्या. भाज्या पूर्ण शिजवायचा नाहीयेत, कारण नंतर आपण मोमोज वाफवून घेणार आहोत. मिश्रणात पनीर किसून घाला, एकजीव करून हे गार करायला बाजूला ठेवा.   चिकन सारणाकरिता दिलेले सगळे जिन्नस मिक्सर मधून बारीक करून घ्या. कोबीची पानं अलगद वेगळी करून घ्या. मीठ घातलेल्या उकळत्या पाण्यात १ मिनिट ठेऊन मग बाहेर काढा. थोड्याशा गरम पाण्यात पानं भिजून ठेवा. (हे केल्यामुळे पानं नरम राहतील, व मोमोज करताना फाटणार नाहीत). आता तयार सारणाचे एक ते दोन चमचे कोबीच्या पानात भरून कोबीच्या पानाच्या पुड्या बांधा.         मोदक किंवा इडली पात्रात हे मोमोज वाफवून घ्या. व्हेज मोमोज साठी साधारण १५ मिनिटे, तर चिकन साठी साधारण २० ते २५ मिनिटे वाफवून घ्या. (चिकन ब्रेस्ट वापरल्यामुळे, आणि मिक्सर मधून बारीक करून घेतल्यामुळे, शिजायला २० ते २५ मिनिटे पुरतील) गरम गरम मोमोज तिखट सेपेन किंवा शेजवान चटणी/सॉस बरोबर सर्व्ह करा! सेपेन ची पाककृती लवकरच टाकेन. त्याची पाककृती इंग्रजीत माझ्या संकेतस्थळावर आहे.