साहित्य
८ ते १० सुक्या लाल मिरच्या
१ मोठा कांदा, उभा चिरून
६ ते ८ लसणाच्या पाकळ्या
२ माध्यम आकाराचे टोमॅटो, चिरून
१ मोठा चमचा तेल
१ मोठा चमचा व्हिनेगर
१ मोठा चमचा सोया सॉस
१ चमचा काळीमिरी पावडर
१ चिमूट साखर
मीठ, चवीनुसार
कृती
लाल मिरच्या २ ते 3 तास गरम पाण्यात भिजत घाला. बाहेर काढून, तुकडे करून, पाणी निथळून मग व्हिनेगर मध्ये अजून २ तास भिजत ठेवा
पॅन मध्ये तेल गरम करून त्यात लसणाच्या पाकळ्या घाला. थोडा वेळ परतून मग त्यात उभा चिरलेला कांदा घाला. कांदा थोडा वेळ परतून झाला की मग त्यात चिरलेले टोमॅटो घालून मिश्रण परता. गॅस बारीक करून पॅन वर झाकण ठेवून टोमॅटो आणि कांदा मऊ शिजवून घ्या.
भिजवलेल्या सुक्या मिरच्या, व्हिनेगर, सोया सॉस, काळीमिरी पावडर घालून मिश्रण एकजीव करा. चवीनुसार मीठ घालून गॅस बंद करा. एक चिमूट साखर घालून मिश्रण गार होऊ द्या.
गार झालेले मिश्रण मिक्सर मधून बारीक करून घ्या.
सेपेन चटणी स्वच्छ कोरड्या काचेच्या बरणीत भरून गरम गरम मोमोज सोबत खायला घ्या!
प्रतिक्रिया
27 Aug 2016 - 5:53 am | पिलीयन रायडर
अहाहाहाहाहा!!!
मस्तच!
फार तिखट होते का ही?
27 Aug 2016 - 6:24 am | केडी
अर्थात कुठल्या मिरच्या घेताय त्यावर अवलंबून आहे. हि खास मोमोज बरोबर खायला देतात, त्यामुळे थोडी तिखट असते (मोमोज ची चव थोडी ब्लाँड (subtle) असते म्हणून.
27 Aug 2016 - 7:35 am | कंजूस
:)
27 Aug 2016 - 7:44 am | सामान्य वाचक
टिकते का हि चटणी ?
27 Aug 2016 - 10:14 am | केडी
फ्रिज बाहेर टिकेल. पण दिलेल्या मापात केलेली चटणी मोमोज सोबत फार उरणार नाही :-)
27 Aug 2016 - 7:57 am | कैलासवासी सोन्याबापु
केडी सर,
सेपेनची अस्सल पहाडी तिबेटीयन चव हवी असल्यास तेल तिळाचे वापरावे असे सुचवतो मी,स्मोकिंग पर्यंत गरम करून (तिळाचे तेल) मग इतर कृती केली की अजून बहारदार खमंग अन जबरी तिखट सेपेन तयार व्हावी :)
27 Aug 2016 - 10:07 am | केडी
करण्यापेक्षा शेवटी वरून एक चमचा तिळाचं तेल घातलं कि छान लागतं.
27 Aug 2016 - 9:31 am | अजया
तोंपासु!
27 Aug 2016 - 1:20 pm | बाबा योगिराज
खरच तोंपासु.
करून बघायला हरकत नाही.
बाबा पंखेश्वर
27 Aug 2016 - 1:49 pm | सूड
भारी!! तिखट कितपत झेपेल याचा विचार करता गप्प बसावे.
27 Aug 2016 - 2:45 pm | साती
नक्की करून पहाणार.
मी तिळाच्या तेलात करणार.
27 Aug 2016 - 4:56 pm | पैसा
नक्की करणार!
27 Aug 2016 - 9:45 pm | बोका-ए-आझम
कांदा घातलाय. लगेच संपवायला लागणार ना ही? बाकी मोमोजबरोबर असली झणझणीत चटणी, रिपरिप पाऊस आणि मस्त रहस्यकथेचं पुस्तक पाहिजे.
- उमर - ए - आझम.
28 Aug 2016 - 1:03 am | इन्दुसुता
( चटणीची कृती आपल्या वेब साईट वरून घेऊन ) गेल्याच आठवड्यात केले. ऑफिस मध्ये सर्वांना ( आणि अर्थातच मलाही) खूपच आवडले.
स्टफींगचे फोटो काढले पण नंतर काढायची विसरले. मी स्टफींगमध्ये बारीक चिरून फरसबी आणि फ्लॉवरही घातला होता. :)
28 Aug 2016 - 5:23 pm | केडी
पुढल्या वेळी फोटो नक्की टाका. फरसबी आणि फ्लॉवर ची कल्पना पण छान आहे.
28 Aug 2016 - 9:30 am | चंपाबाई
छान
28 Aug 2016 - 5:53 pm | पगला गजोधर
केदार सर,
सदर रेसिपी मला, शेजवान सॉस ची जुळी बहीण वाटते.
अवांतर, तुमचे मिपा नाम परत केदार दीक्षित करा, के डी, म्हटल्यावर खडकी-दापोडी डोळ्यापुढे येतं
28 Aug 2016 - 9:22 pm | कैलासवासी सोन्याबापु
Rx,
दर विकांती "अदालत" शिरेल पाहणेचे करावे!
28 Aug 2016 - 9:36 pm | पगला गजोधर
28 Aug 2016 - 10:14 pm | नूतन सावंत
धन्यवाद.लय भारी.
3 Sep 2016 - 11:40 pm | prasadranade
नक्की तेलंच वापरायचं ना? कुठचं वापरायचं? तिबेटी चटणी आहे म्हणून विचारलं. का याक चं लोणी वापरायचं?