खजुराचं लोणचं

साहित्य १ १/२ वाटी खजूर २ खडे हिंग १ चमचा काळीमिरी १/२ चमचा मेथ्या (दाणे) ३ चमचे मोहरी २ चमचे हळकुंड (नसेल तर हळद पावडर) ६ चमचे लाल मिरची पावडर (३ चमचे काश्मिरी किंवा ब्याडगी आणि ३ चमचे चवीला तिखट असलेली) २ लिंबं १ वाटी तेल (अधिक थोडे मसाले भाजायला) मीठ, चवीनुसार कृती खजूर चिरून बी काढून टाका. खजुराचे उभे बारीक काप करून घ्या. एक पॅन मध्ये एक चमचा तेल टाकून त्यात एक एक करून मेथ्या, काळीमिरी, मोहरी, हळकुंड आणि हिंग वेगवेगळं मंद आचेवर भाजून घ्या. त्याच पॅन मध्ये १ वाटी तेल गरम करायला ठेवा. तेल गरम झालं (थोडा धूर यायला लागला की लगेच) गॅस बंद करून बाजूला ठेवा.      भाजलेल्या मसाल्यांची मिक्सर मधून बारीक पूड करून घ्या. चिरलेल्या खजूरा मध्ये आपण तयार केलेला मसाला, लाल मिरची पावडर, (हळद, वापरत असलात तर), २ लिंबांचा रस आणि चवीनुसार मीठ घालून मिश्रण एकत्र करून घ्या. गरम केलेले तेल घालून लोणचं एकजीव करून घ्या.     एक कोरड्या काचेच्या किंवा लोणच्याच्या बरणीत भरून दोन ते तीन दिवस लोणचं मुरू द्या व मग खायला घ्या!