Skip to main content

४० वर्षाच्या मुलाचा हट्टीपणा कसा कमी करु?

लेखक त्रिवेणी यांनी रविवार, 07/08/2016 18:29 या दिवशी प्रकाशित केले.

माझा ४० वर्षाचा नवरा प्रचंड हट्टी आणि नाटकी आहे. तो कुठलीही गोष्ट न सांगता, नीट करत नाही,शेवटी माझा संयम संपतो व त्याची परिणीती त्याला शाब्दिक फटके पडण्यात होते आणि ज्याचे मला नंतर फार वाईट वाटते.
त्याला म्हणे मी रागावते आणि शाब्दिक फटके देते याची भिती वाटते.हे अस बोलून तो त्याच्या आई-बाबांची सहानुभूती मिळवतो आणि शेवटी सगळं त्याच्या मनासारखे करतो.
मला वाटते माझा नवरा खरंच भयंकर नाटकी आहे.त्याला खरच भिती वाटली असती तर तो चांगल्या नवर्यासारखा वागला असता.
१.मी नक्की काय करावं की ज्यानी नवर्याचा हट्टी आणि नाटकीपणा कमी होईल?
२. त्याच्या वागण्यात काय बदल घडवून आणू? की ज्यामुळे तो इतर बायकांच्या नवर्याप्रमाणे समजुतदार होईल?

आपली नम्र
जोशी पुण्यात पन्गा

लेखनविषय:
लेखनप्रकार
वाचने 23242
प्रतिक्रिया 111

प्रतिक्रिया

इस्पिक राजा सोमवार, 08/08/2016 11:21

१.मी नक्की काय करावं की ज्यानी नवर्याचा हट्टी आणि नाटकीपणा कमी होईल?

त्याच्याशी जरा चांगले वागुन बघा. नवरा आहे तो. तुमच्या ऑफिसमधला प्युन नाही आहे. जरा प्रेमाने, हसुन, न करवादता बोला, त्याच्या घरच्यांची काळजी घ्या, आईवडिलांचा मान ठेवा, फरक पडेल कदाचित.

२. त्याच्या वागण्यात काय बदल घडवून आणू? की ज्यामुळे तो इतर बायकांच्या नवर्याप्रमाणे समजुतदार होईल?

इतर समजुतदार बायकांसारखे वागायचा प्रयतन करा. अवघड जाइल थोडे सुरुवातीला, त्रासही होइल. पण तेच हिताचे आहे हे कळुन येइल.


पोकल बांबुचा प्रयत्न करुन झाला पण बाळ बधत नै. बरीच लाटणीही धारातीर्थ पडलीत.

काउंन्सेलर्सची मदत घ्या. नाहितर सरळ डिव्होर्स लॉयर शोधा. काउंसेलर अर्थात तुमच्यासाठी आणी वकील तुमच्या नवर्‍यासाठी. पोकळ बांबु आणी लाटणांचा सढळ हस्ते उपयोग दोन्ही बाजुंनी होत असेल तर तुम्हाला दोघांनाही मानसोपचारांची फार गरज आहे असे सुचवेन.

अजया सोमवार, 08/08/2016 16:36

अशा रितीने त्रि ची शंभरी भरली आहे.
अखिल जालीय सासू संघटनेकडुन एक गेमिंग कन्सोल,एक हेल्मेट ,चिलखत आणि एक हेडफोन देऊन त्रि च्या नवर्याचा मालकांचा त्यांच्या धैर्याला सलाम म्हणून सत्कार करण्यात येत आहे ;)