व्हॉटसअॅप समुह

हेल्थ फ्रिक नावाचा एक ग्रुप काही मिपाकर गुप्त पद्धतीने चालवतात असे एकून आहे

अशा समुहात सामील होण्यासाठी आवश्यक फोन नं अॅडमिनची परवानगी घेऊन इथे मिपावर देण्यात यावा.; किंवा ते नको असेल तर माहिती देणार्या संबंधित मिपाकराला व्यनि करुन अधिक माहिती जसे अॅडमिन,त्यांचा फोन नं.किंवा मेल अॅड्रेस घेता येईल.
बर्यापैकी गंभीरपणे चालणार्या समुहांबद्दल इथे माहिती मिळावी.

त्याने काय होईल?

मिपाचा आहे का ग्रुप

तुमचे मिपावर स्वागत आणि पुढील वाटचालीस शुभेच्छा !
भिक नको पण कुत्रा आवर अशी गत झालीये आताशा व्हॉटसअप समुहांची.
पण कोणाला त्यात आवड असेल तर विरोधाचे कारण देखील नाही.

कळावे, लोभ असावा !

आपलाच

फेसबुकीय, ट्वीटरी, व्हाटसपीय आणि चित्रवाहिन्यांवरील चर्चांतून मिळणार्‍या ज्ञानापासून पहिल्यापासून चार हात लांब असलेला - अज्ञानी धर्मराज

माझ्या मते फेसबुक पेक्षा सोय म्हणून वॉटस अ‍ॅप चांगले आहे. पण त्यातला अ‍ॅडमिन खुळा असता कामा नये. संबंधित विषयावर नसलेला मजकूर देणारा माणूस निर्दयपणे ग्रूप बाहेर हाकलण्याची धमक हवी. नातेवाईकांच्या एक ग्रूप मधे स्वतः चे काहीच न टाकणारे सर्व जण असल्याने बाहेर पडलो. नातेवाईक असा विषय असताना तिथे मोदी, केजरीवाल, वारी, काकडीची कोशिंबीर असले विषयाचे फॉर्रवर्ड कशासाठी ?
एका विषयाला वाहिलेले वाटसअ‍ॅप ही कल्पना मस्त आहे. राजकारण, शेअर मार्केट, क्रिकेट, सिनेमा, मुलांच्या समस्या, निर्निराळे कर, सहकारी सोसायटी, खरेदीतील फसवणूक अशा " वाहिलेल्या" विषयांवर असे ग्रूप झाले तर बहार येईल.

मला तरी व्हाॅट्स अॅप टाकाऊ कंटाळवाणे वगैरे झालेले नाही.चांगले ग्रुप असतील तर व्हाॅट्स अॅपसारखी इंस्टंट मजा नाही.पटकन कनेक्ट राहण्यासाठी पण व्हाॅट्स अॅप बरे पडते.फालतु ढकलणार्यां ग्रुप्सना मी थाराच देत नाही.मला विचारल्याशिवाय अॅड केले तर ग्रुप डिलिट करुन टाकते.
व्हाॅट्स अॅपला नावं ठेवणारी एक मैत्रीण वाटेल त्या ग्रुपवर अँड होत असतेच शिवाय सगळीकडे काय सुरु आहे बघायला सतत फोन हातात बाळगते!! असा दुतोंडीपणा करण्यापेक्षा आपल्याला आवडतं त्या लोकांशी, विषयाशी ,व्यवसाय संबंधित असोसिएशन इ शी कनेक्टेड राहायला हे उत्तम साधन आहे असं मला वाटतं.

सहमत आहे.आधी मी व्हॉटस app वापरायचे नाही. पण आता मात्र सवय झाली आहे. इनफॅक्ट आता त्याने आलेली instant कनेक्टिविटी खूप आवडते.

बाई, वाड्यावर या नावाचा एक गट आहे. त्यात फक्त मांसाहारी विनोद आणि इतर संबंधित गोष्टी (!!) टाकाव्यात अशी अट आहे. शाकाहारी विनोद टाकल्यास तंबी देण्यात येते. तरीही परत तसा विनोद टाकल्यास सदस्यत्व रद्द होतं. ;)

वॉट्स अ‍ॅप ग्रुप म्हणजे आपला बहुमुल्य वेळ विनाकारण वाया घालवण्याचे स्थान अस वाटत मला कधी कधी. त्यात आपले अगदी जवळचे काही ठराविक ग्रुप असतात तिथे ठिक आहे पण काही ग्रुप नुसते जोक्स, गुड मॉर्निंग, गुड नाईट ह्या पोस्ट नी भरलेले असतात. मोठ व्यसन आहे हे. माहीत असत काही नाही तरी उगाच उघडून बघायचे काही मेसेज आहे का मिनीटा मिनीटाने.

भारतीय शास्त्रीय संगीताचा एक 'whatsApp group' गेल्या ६ महिन्यापासून कार्यरत आहे. सभासद ९० % वेळा विषायाला धरून लिहितात. कोणाला इच्छा असेल तर ग्रुप मध्ये स्वागत आहे , ९८९२३८८४६० ह्या नंबरवर 'whatsAapp' मेसेज करावा.

ज्यांच्या व्हाट्सप समुहांवर ढकलपत्र, बिभत्स विनोद येत नाही ते एकविसाव्या शतकातील भाग्यवान म्हणायला हवेत.

कनेक्टेड राहणे ही माझी गरज नाही म्हणून त्यावर नाही. ज्यांना गरज असेल ते राहतीलच! एक हेही कारण असू शकेल की माझा नवरा व मुलगा त्यात आहेत. नवरा दिवसातून एकदाच ते निरोप पाहतो त्यामुळे त्यास त्याचा त्रास होत नसावा. मुलगा सतत त्यावरच असतो म्हणून त्याची सवय मोडण्यासाठी मला लक्ष ठेवून असणे भाग आहे. या ना त्या कारणाने अशाप्रकारे माझा व्हॉटस अपशी संबंध येतो पण आवडते का? तर नाही. उपयोगी आहे का? तर (चांगला उपयोग केल्यास) आहे.

एखादा ग्रूप हे अ‍ॅडमिनचे स्वप्न असते . त्याचा विचका होणार नाही अशी त्याला खात्री घ्यायची असेल तर अगदी एक समज म्हणून व्यक्ति न हाकलता मजकूर हाकलण्याचे हक्क अ‍ॅडमिनकडे असावयास हवेत.

सर्व व्हॉटस अ‍ॅप वापरणार्‍या जमातीला 'डि लीट' ही पदवी दिली पाहिजे.

काय अप्पावर माहिती पहिल्यांदा मिळते असा अत्ता पर्यंतचा अनुभव आहे, टवाळपणा करण्यात सुद्धा यात बरीच मजा आहे. सध्या बरेच ग्रुप आहेत त्यात विवध प्रकारची माहिती सातत्याने मिळत आहे.
बाकी,गरज वाटल्यास मी सरळ डिजिटल ब्रेक घेतो.

मदनबाण.....
आजची स्वाक्षरी :- Dhol Tasha- Sivamani's Jugalbandi with the Percussionists