लंडनवारीची तयारी

पिश्वे तुम्ही सगळ्यांनी ते गाणं म्हणा की "गोरी गोरी पान , फुलासारखी छान, टक्यादादा आम्हाला एक (एक पुरे ना की जास्त पाहिजेत) वहिनी आण" करा बघु विडंबन.

वा वा वा..... लंटन वारिच्या सुभेच्चा :)

28 -29 ऑगस्ट ला जरा लंडन ला असाल तर न चुकता Notting हिल कार्निव्हल ला जाच ,,, जाम मजा असते ... http://thenottinghillcarnival.com बाकी थोडे सांभाळून घ्याल,,, पोरी बिरी लय चेकाकल्या असत्यात परेडमधल्या.. :)

अरे एक जण तरी उपयोगाचे सल्ले लिहाल का?

टक्या...अभिनंदन !! नीट जा हो...जाताना माईंकडून चार थालीपीठ आणि मुरलेलं लोणचं घेऊन जा विमान प्रवासात खायला. बाकी माझे एक विनोदी स्वप्न आहे . ते पूर्ण करता आले तर बघ दीडशे वर्ष गुलामी केली या साहेबाची. आता आपली वेळ. ज्या हॉटेल मध्ये राहशील तिथल्या वेटरला एकदा रूम सर्व्हिसला बोलव. साहेबी थाटात त्याला चहा बनवायला सांग. आणि चहात साखर कमी झाल्याचे कारण देऊन पेकाटात लाथ घाल त्याच्या. आणि सांग त्याला," तुम साला गुलाम लोग हमारी जुती के नीचे ही रहेगा !!"

माझ्या २ बहिणी, २ काका आणि ५ मैत्रिणी राहतात तिकडे. पार्सले बांधून देतेय त्यांच्यासाठी. ती पोचवून दे फिरता फिरता. :)

जिवाचं लंडन करून या टकोबा. ब्रिटिशही असेच फिरत फिरत भारतात घुसले होते आणि देश ताब्यात घेतला. स्वारीच्या शुभेच्छा. ह्या धाग्यावरून आमचे प.मि., मिपाचे जुने खंदे खंबे आणि बँगलोर सात्विक आहार प्रचार आणि योगासन प्रसार समितीचे संस्थापक सभासद श्री श्री डान्राव हे लंडनला निघताना त्यांना समस्त मिपाकरांनी दिलेल्या शुभेच्छा आणि सल्ल्यांची आठवण झाली. धाग्याची लिंक मिळाली तर डकवा कुणी तरी.

>>UK व्हिसावर कुठे कुठे भटकू शकतो? UK व्हिसावर england, scotland, wales, आणी northern ireland मध्ये फिरु शकतो.europe फिरायला schengen व्हिसा लागतो. >>२ विकांत आणि त्यानंतर १ आठवड्याच्या सुट्टीत किती आणि कुठे कुठे भटकता येईल? विकान्ताला लंडनात फिरणार असाल तर आधि https://tfl.gov.uk/status-updates/planned-works-calendar या लिन्क वर जाउन आपल्याला पाहिजेत त्या Underground lines उपलब्ध असतील की नाही ते तपासुन घ्या. १ आठवड्याच्या सुट्टीत Wales नाहीतर Lake District फिरता येईल. North Wales मधील Llandudno (http://www.visitllandudno.org.uk/outdoors/great-orme-country-park) आणी Snowdonia छान आहेत. South Wales मधील Pembrokshire चे बीचेस छान आहेत.http://www.visitpembrokeshire.com/explore-pembrokeshire/beaches/ >>तिथे बाईक / कार भाड्याने मिळते का? भारतीय Driving license वर कार भाड्याने मिळते. पण इथले वाहतुकीचे नियम बरेच असतात. आधि नियम वाचुन घ्या आणी मगच कार भाड्याने घ्यायची का ते ठरवा ;-). आपण जिला 'सायकल' म्हणतो, तिला लंडनात 'बाईक' म्हणतात. आपण जिला 'बाईक' म्हणतो, तिला लंडनात 'मोटरसायकल' म्हणतात. प्रवासाला आणी लंडन मधील वास्तव्या साठी शुभेच्छा.

१ आठवड्याच्या सुट्टीत जमत असेल तर कॉर्नवॉल किंवा / आणि डेव्हॉन ला जाउन या. अगदी स्वर्ग आहे. मनमोहक निसर्ग , उत्त्तमोत्तम समुद्र किनारा (बीचेस), फिश अ‍ॅण्ड चिप्स , विशेषकरून Titangel Castle & St Michael's Mount हे दोन ठिकाणे खुपच सुंदर आहेत. http://www.stmichaelsmount.co.uk/ http://www.english-heritage.org.uk/visit/places/tintagel-castle/ आणि गड किल्ल्यांना भेटी द्यायच्या असल्यात खालील दुव्याला भेट द्या, खुप स्वस्त पडते. http://www.english-heritage.org.uk/visit/overseas-visitors/ मला फार माहीती आहे असे नाही पन जेवढे सांगता येईल तेव्हढे नक्कीच सांगीन. व्यनि करा हवे तर. लंडन जेव्हढे ऑफीस वेळेव्यतीरिक्त पाहता येईल तेव्हढे पहा पण अख्खा विकांत वाया नका घालवू. स्कॉटलंड मध्ये कमीत कमी एडीनबरा आणि ईन्व्हर्नेस ला भेट देता येईल तर पहा. प्रवासाला आणी लंडन मधील वास्तव्या साठी शुभेच्छा.

टका,अभिनंदन. यूथ हॉस्टेलची मेंबरशिप घे.बेड आणि ब्रेकफास्टची छान सोय असते.एकदा मेंबर झालं की जगभर सोय होते.

मी काही लंडनमध्ये राहत नाही तरी तिथे फिरायच्या अनेक संधी आल्या म्हणून हे अनुभवाचे बोल. खरं तर एक स्वतंत्र लेखच लिहायला हवा पण आत्ता इथे लिहितो. राहण्यासाठी आम्ही एकदा EasyHotel नामक प्रकार try केला होता. अगदी छोटी म्हणजे आपल्या घरातली बाथरूम पेक्षा थोडीशी जास्त जागा असते पण ती अगदी मोक्याच्या जागी आणि एकदम स्वस्त (compared to त्या area मधील इतर ऑपशन्स) online पाहून ठरवता येईल आवडेल की नाही ते. (http://www.easyhotel.com/) बाकी लंडन राहण्यासाठी महागडे आहे. दुसरा option म्हणजे अगदी दूर राहणे आणि tube ने रोज ये जा करणे पण त्यात खूप वेळ जातो लंडनच्या कोणत्याही मोठ्या रेल्वे स्टेशन वर (ट्यूब नाही) प्रॉपर रेल्वे जसे व्हिक्टोरिया स्टेशन - ट्यूबचा दिवसाचा अथवा 2-3 दिवसाचा पास बाहेरपेक्षा स्वस्तात मिळतो. तिथेच तो घ्या. तो बस मध्ये पण चालतो. जवळ गुगल मॅप्स आणि मॅट्रिक्स सिमकार्ड विथ data असू द्या, मग कुठेही जाणे अवघड नाही. या ट्यूब तिकिटावर काही ठिकाणी entry फीमध्ये सवलत मिळते (उदा. टॉवर ऑफ लंडन मध्ये) गाडी अथवा bike रेंट करणे सोपे असले तरी ते कटकटीचे आहे , लंडनमध्ये तरी. पार्किंग खूप महाग आहे, लंडनमध्ये कंजेशन surcharge टोल अश्या अनेक भानगडी आहेत त्यामुळे uber आणि tube हे सगळ्यात जलद आणि स्वस्त पडते. हौस म्हणून वीकेंड ला गाडी रेंट करता येईल. बहुदा इंडिअन लायसेन्स चालून जाईल पण सगळे नियम पाळून आणि मुख्य म्हणजे safely गाडी चालवणे हा अवघड प्रकार आहे. पाश्चात्य देशात अगोदर चालवली नसेल तर हे साहस एकट्याने करू नका. कोणी स्थानिक मदत असेल तर करा. कारण fines खूप जबर आहेत. एक तर इतकी roundabouts आहेत वर स्पीड लिमिट्स आणि लहान रस्ते. त्यामुळे थोड्या काळासाठी गाडी रेंट न करणे हे जास्ती शहाणपणाचे होते. लंडनमध्ये संबंध महिना पाहता येतील अश्या अनेक जागा आहेत, त्यातल्या माझ्या आवडीच्या खालील जागा Tower ऑफ लंडन - इथे फक्त कोहिनुरचा नव्हे तर राजघराण्याचा पूर्ण खजिनाच आहे त्यामुळे मस्ट गो जवळच लंडन ब्रिज आहे, पलीकडे सिटी. त्यामुळे या दोन जागा पहिल्या तर अक्खा दिवस जातो Saint Paul कॅथेड्रल - भव्य आणि उत्कृष्ट architecture तळघरात न्यूटन वगरे प्रख्यात लोकांची थडगी आहेत ट्रॅफल्गार sqaure इथे architecture नॅशनल गॅलरी असे अनेक पाहण्यासारख्या जागा आहेत ब्रिटिश लायब्ररी मध्ये इंडियासंबंधी काही ना काही प्रदर्शन चाले असते ते पहा ब्रिटिश Museum हे मात्र नक्की पहा - एक पूर्ण दिवसही पुरत नाही सगळे पाहायला. हे पाहून कंटाळा आला तर Hyde पार्क सतत दिसत राहते, तिथे चक्कर मारा Greenwitch केम्ब्रिज ऑक्सफोर्ड ही जवळची गावे. ती पहा. Henry the 8th याचा राजवाडा आणि केसिंग्टन राजवाडा हा पाहण्यासारखा आहे. राजघराण्याला पुरवठा करणारे Harrods नक्की पहा - एक एक महाग आणि आकर्षक वस्तू आहेत वरच्या मजल्यावर. संध्याकाळच्या वेळी लंडन आय ची सफर थेम्स नदीवरची बोटीची सफर Buckingham Palace मध्ये काही ठराविक दिवशी आत जाऊ देतात. मी आगाऊ online बुकिंग करून ठेवले होते. आतले फोटोस online आहेत. ते पाहून ठरवा आत जायचे का ते. मला तरी नक्कीच जावेसे वाटेल अजून एकदा. अजून एक स्मरणीय ट्रीप म्हणजे वेस्टमिन्स्टर पार्लमेंटच्या आतली टूर. यालाही आगाऊ बुकिंग करावे लागते. पण तो राजवाडा आणि विशेषतः त्या guide ची खास इंग्लिश विनोदी फटकेबाजी या मुले ही ट्रीप अजूनही आठवणीत आहे. माझी (आणि बायकोची) एक आवडती सफर - लंडनच्या व्हिक्टोरिया अथवा जवळच्या स्थानकावर डबलडेकर बस पकडायची, जमले तर सकाळी 8-9 च्या सुमाराला - स्ट्रॅन्ड किंवा ट्रॅफल्गार sqaure कडे जाणारी. जागा पकडायची ती ड्राइव्हर च्या एकदम वरची front सीट. तिथून स्ट्रॅन्ड इत्यादींच्या जुन्या इमारती आणि रस्ते काय खास दिसतात. जुन्या मुंबईची आठवण येते - खूपच साम्य आहे शैली मध्ये. दुपारचा चहा (आफ्टरनून टी) हा एक special ब्रिटिश प्रकार आहे , जमलं तर करून पहा. आणि खाण्याबद्दल तर सांगायलाच नको. जगभरचे सगळे options मिळतात. भारतीय जेवण लंडनमध्ये माझ्या उपहारगृहात भारतापेक्षा चांगले मिळते असा लंडनच्या शेफचा दावा आहे ! अजून काही सांगतो आठवलं तर.

टकाशेठ, स्वारीच्या शुभेच्छा. तिथे जाऊन तुम्हीही झेंडा लावा. अटकेपार तसे खाडीपार जाऊन अवश्य सगळं हिंडून या. लंडन प्यारीस सगळं बघून या. तो टोपीकर माकडांनी हडपलेला कोहिनूरही बघून या आणि एकूणच मज्जा करा. गेम ऑफ थ्रोन्समधील कुणी क्यारेक्टर्स दिसले फिरताना तर पापाराझ्झींचे बाप बनून गनिमी काव्याने त्यांच्याबरोबर फटू काढावयास विसरू नका. रच्याकने: सातारच्या राजाचे प्रतिनिधी रंगो बापूजी हे १८४० पासून पुढे बारातेरा वर्षे इंग्लंडात राहिलेले. तिथे जाणारा तो पहिला मराठी माणूस.

अजूनेक रिक्वेष्टः तिकडून जाऊन आल्यावर एक फर्मास मुक्तपीठीय शैलीत प्रवासवर्णन होऊन जाऊंदे.

=))) हो हो मुपि प्रवासवर्णन हवेच!

टक्कूमक्कू लंडनला ? आकाशातला बाप लंडनवासियांचे भले करो !! आमेन !

टक्या नीट जा हो... राणी भेटली तर मी राम राम म्हंटल आहे, हे आठवणीने सांग. हल्लीच प्रिन्स इकडे गेंडे पाहुन गेला म्हणे... त्यामुळे तू तिकडे काय पाहिलेस ते सचित्र लिहुन प्रसिद्ध कर. चांगली गोरी गुबगुबीत फिंरगीण दिसली तर कटवुन "मोकळा" हो... आपण फॉरिनची टकीण असा पिच्चर काढु ! ;)

मदनबाण.....

आजची स्वाक्षरी :-ये जवानी हद कर दे, बूढ़े जवां को मस्त कर दे, कोई न जाने कल क्या हो, आने वाला पल क्या हो, ले मज़ा ले ज़िंदगी का ज़िंदगी का ज़िंदगी का... ;) :- Sarfarosh

लंडन मधे कोवेंट गार्डन येथे माउसट्रॅप , द विकेड या नाटकांचे प्रयोग अनेक वर्षे होत आहेत असे ऐकले आहे . प्रसिद्ध अभिनेता जुड लॉ हा "हेन्री - ४" या नाटकात काम करतो . हॅरी पॉटर सिरीज मधला रॉन ग्रिफिथचे काम करणारा रुपर्ट प्रिंट याचे "मोजो" हे नाटकही गाजले आहे .

लंडन वारीला शुभेच्छा !!!

लंडन प्रवासात ऑयस्टर कार्ड खूप उपयोगी असते. तसेच वापस येताना त्यातील अनामत रक्कम परत मिळते (पावती असल्यास ) https://oyster.tfl.gov.uk/oyster/entry.do

लंडनवारीसाठी मनापासून शुभेच्छा. कमीतकमी पैशांत जास्तीतजास्त स्थळे बघायला मिळोत ही सदिच्छा. याठिकाणी कोणी स्थळावर कोट्या करु नयेत.