दिवा तेवतसे अंधारात... (देवद्वार छंद) [माझं इथलं पहिलंच पोस्ट :) ]

नमस्कार मंडळी. मी कालच पहिल्यांदा या कट्ट्यावरची मिसळ खाल्ली, आणि प्रेमातच पडलो राव! अजुन सगळ्या सिस्टिमची नीट ओळख व्ह्यायची आहे, जमेल हळूहळू... छंदबद्ध रचना करायचीही आवड आहे, म्हटलं तुम्हा जाणकार लोकांच्या नजरेखालून जाऊदेत. [:)] अंधार आजचा राहतो गर्भार उघडते दार पहाटेचे ||१|| अंधाराची वाट अशी उजळते आणिक गळते भीती चिंता ||२|| क्षणात फुलतो मनात प्राजक्त मन हे आसक्त जगण्याला ||३|| एका आशेपोटी होती चमत्कार शरण हे जग श्रद्धावंता ||४|| आत्मविश्वासाचा उदय होतसे दिवा तेवतसे अंधारात ||५||