आय टी आर .... एक प्रश्न

आजच्या दैनिक सकाळ मधे कोणी कोणता आय टी आर अर्थात आयकर रिटर्न फॉर्म भरावा या संबंधी मार्गदर्शन करणारा लेख आला आहे. त्यात आय टी आर १ हा पगारदार वा सेवा निवृत्त यांचे साठी प्रामुख्याने असल्याचे नमूद केले आहे. पण काही
अधिक निकष लागू होत असतील तर आय टी आर १ हा पगारदार व सेवानिवृत्त यानाही भरता येणार नाही असे म्हटले आहे.
त्यात एक अट अशी आहे की अल्प व दीर्घकालीन भांडवली नफा ( घराची खरेदी किंमत व विक्रि किमत यांचे इन्डेक्सेशन केल्यावर) असेल तर आय टी आर १ भरता येणार नाही. मी गेले वर्षी (२०१५-२०१६ ) घर विकल्याने मला १७ लाख रूपये दीर्घकालीन भांडवली नफा झाला परंतू त्यावर भांडवली नफा कर मी न भरता १७ लाखापेक्षा जास्त रक्क्म विशिष्ट बॉन्ड मधे गुंतवून कर टाळला आहे. आता माझी शंका अशी आहे की मी जर गुंतवणूक न करता कर भरणे पसंत केले असते तर मला आय टी आर १ सोडून दुसरा आय टी आर फॉर्म भरावा लागला असता पण मी गुंतवणूक केल्याने आता माझा दीर्घ भांडवली नफ्याशी संवंधच नाही सबब मी आता आय टी आर १ हाच फॉर्म भरू शकतो ना......? इथे कुणाला असा प्रसंग पूर्वी आला का ? त्यावेळी काय केले? किंवा कुणी सी ए चा अभ्यास करत असतील तर त्याना काही माहिती या संबंधात आहे काय ? असल्यास इथे जरूर माहिती द्यावी ही नम्र विनंति.