हुरडा पार्टी!

छान आहेत फोटो..
शेवट्चा मावळत्या दिनकराचा फोटो खूप छान.
- (सर्वव्यापी)प्राजु
https://praaju.blogspot.com/

आम्हाला का नाही बोलावलंत ?
मी नगरला काही वर्षे होतो....तेव्हा "रानवारा" मधे जात असू.
त्या सर्व गोष्टींची आठवण झाली.
इथे दिल्लीत कुठला हुरडा मिळायला ?
तुमच्या शेवटून तिसर्‍या फोटोतला थोडासा आम्हीही खाल्ला.....!!
मज्जा आली.
धन्यवाद...!!!

मस्तच.
फोटो पाहुन खुप छान वाटले :)

मस्तच .... :)

--अवलिया

अवलियाची अनुदिनी

हुरडा पार्टी जाम मिसतोय राव!

अनामिक

वारलो, संपलो, खपलो..!

शेवटचा फोटू अक्षरश: जीवघेणा!

हुरडा पार्टीला सलाम...!

तात्या.

अभिजित तुमच्या लेखामुळे आणि चित्रांमुळे अनेक आठवणी जागल्या. धन्यवाद!
रानवार्‍यात आणि हिरवाईत बागडताना बच्चेकंपनी आनंदात दिसते आहे :)
नगरचा गूळभेंडी (ही ज्वारीच्या बियाण्याची जात आहे) हुरडा खाऊन साजरे केलेल्या कित्येक पार्ट्या आठवल्या. डिसेंबर जानेवारी महिन्यातला हा हमखास ठरलेला कार्यक्रम असे. धगधगत्या आगटीवर भाजलेली कोवळी कणसे, सोबत चटणी, दहीसाखर (ती खायला कसणाचेच काढलेले तुरे), गूळ आणि प्यायला चरवीभरुन उसाचा रस अशा सगळ्या सरंजामात गप्पांच्या फडात आणि चेष्टामस्करीत रंगलेल्या वातावरणात मनाने एक फेरफटका मारून आलो! :)

चतुरंग

मजा आली,फोटो मस्तच

>>मी झाडाबिडावर चढून पूर्वजांशी सलगी साधण्याचा प्रयत्न केला.
== हे फार छान केले आपल्या पुर्वजांशी आपली नाळ कायम जोडलेली राहायला हवी ! ;)

हुरडा पार्टि एकदम टकाटक झालेली दिसत आहे ;) पार्टी आणी फोटु दोन्ही आवडले.

|!¤*'~` प्रसाद `~'*¤!|
"समर्थाचिया सेवका वक्र पाहे । असा सर्व भूमंडळी कोण आहे ।।"
आमचे राज्य

हुरडा पार्टी जोरात. फोटोही झकास आहेत. :)

शेवटचा फोटु मात्र खासच. एखाद्या खुप आनंद देणार्‍या प्रवासाचा शेवट झाल्यावर एका प्रकारची उदासिनता येते. तो दिवस आत्ताच परत सुरु व्हावा असे वाटते.

खास गावरान पार्टीची छायाचित्रे झकास आहेत. हेवा वाटला सर्वकाही पाहून. अजून सविस्तर फोटोग्राफी करायला हवी होती असे वाटले.
'गोडी अपूर्णतेची लाविल वेड तेंव्हा
हुरड्यातल्या दाण्यांनो उमलू नकाच केंव्हा.....'

निष्कर्ष म्हणजे मेंदू थकल्याचे लक्षण!

हुरडा पार्टी बघायला मजा आली.

मज्जाच मज्जा आहे बॉ !

एकदम मस्त "चित्रमय सफर" घडवलीत "हुरडा पार्टीची", मजा आली वाचुन व जुन्या आठवणी जाग्या झाल्या.

लहानपणी सिजनमध्ये मामाच्या गावात गेल्यावर कुणी मामाचा मित्र हमखास सकाळीच "पोरांनु, सांच्याला हुरडा खायाला शेतात जायचं आहे" अशी काडी टाकुन जायचा. बरं हे "सांच्याला हुरडा" प्रकरण एकदम "हाय टी" सारखे असते, इथे नुसता हुरडा अभिप्रेत नसतो तर त्याबरोबर दुपारचे खास रानातले जेवणही गॄहीत धरले जाते.
मग आई, मामी व घरातल्या व नात्यातल्या हजर असणार्‍या इतर स्त्रिया ह्या खास "हुरडा पार्टीच्या" तयारीला लागायच्या. दुपारी आपलं पोटाला आधार म्हणुन " थालपीटं, मेथीचे धपाटे, वांग्याची भाजी, मटकी उसळ, (जमलंच तर ) पिठलं , दही, भजी" असा खास रानातल्या जेवणासाठी योग्य बेत असायचा ...
रानात गेल्यावर मनोसोक्त विहरीतल्या पाण्यात खेळुन कडकडुन भुक लागल्यावर मग तिथलाच रानमेवा जसे की ऊस, ढाळा ( ओला हरबरा बहुतेक ), शेंगा, गाजरं वगैरे तुडुंब खायची, जर अजुन इच्छा असली तर उगाच आपलं नावाल चार घास खायचे व पुन्हा हुंदडायला जायचे. मोठ्ठी माणसं तोवर तिथेच एखाद्या मोठ्ठ्या झाडाची सावली बघुन जर आराम करत गप्पा मारत ...

मग साधारणता सुर्य जरा पश्चिमेला झुकला की रानातला गडी "आकटी ( हुरडा भाजायची भट्टी ) " पेटवायला घेत व त्याबरोबरच बाकीचे कोवळ्या हुरड्याच्या पेंड्याच्या पेंड्या आणुन टाकत. मग आम्हाला धरुन आणुन हुरडा खायला बसवले जाई, लहानपणी हे काम फार त्रासाचे वाटे. मस्त बोंबलत हिंडायचे सोडुन हुरडा खाण्यात इंटरेस्ट होता कुणाला ?
मोठ्ठी माणसं मात्र एकदम तब्येतीत बसली असत, तोवर इकडुन "शेंगादाणे-लसणाची चटणी, मीठ, गुळ, भाजलेले शेंगदाणे,जवसाची चटणी" असा हुरड्याबरोबर अविभाज्य असणारा "चकणा" समोर येई , त्याला चिवडुस्तोवर खरपुस भाजलेला "हुरडा" पुढ्यात येई व कार्यक्रम सुरु होई.
कधीकधी जास्त गरम हुरडा तोंडात टाकल्यावर कोणीतरी "आं, पोळलंऽऽऽ" असा सुर काढत, लगेच त्यावर शेतातले गडी आमच्या मामाला " काय राव, तुमचं शेरातलं पाव्हनं लैच कवळं हैती की वो " असा अभिप्राय देई व मामाही हसुन ते कबुल करी ...
आमचा उत्साह पहिल्या १५-२० मिनीटातच संपे पण मोठ्ठी मंडळी मात्र आरामात , तब्येतीत चांगले १-२ तास तरी कार्यक्रम पुढे चालवत ...
हुरड्यावर पाणी प्यायचे नसते म्हणुन "सुमधुर ताक" पिउन हा कार्यक्रम संपे व सुर्य मावळतीला आला की आम्ही घराकडे परतु ...
असो.

अवांतर :
अभिजीतरावांनी जर "वर्णन" लिहले असते तर जास्त मज्जा आली असती.

अतिअवांतर :
अंदाजे ३ वर्षापुर्वी "द. मा. मिरासदार" यांच्याबरोबर त्यांच्या नातेवाईकाच्या शेतात झालेल्या "हुरडा पार्टीची" अजुन आठवण आहे.
तो लुसलुशीत गरमा गरम हुरडा व त्याबरोबरीला "दमां"नी सगळ्यांच्या घेतलेल्या मिश्कील फिरक्या असा मस्त बेत जमुन आला होता.
फोटोही आहेत, आत्ता इथे सापडले तर नक्की टाकेन ...!

------
( आठवणीत हरवलेला ) छोटा डॉन