महत्वाची सूचना

सरपंच, खोटे सदस्यखाते घेवून ग्रामपंचायत मधे गोंधळ घालणार्या शिखंडींना कोंडवाड्यात घालून खोडव्यात घ्या.

मायला या धाग्याचं पन काश्मीर हिनर की काय? बाकी तजोंची लय आठवन येउन र्‍हायली.. अजून आले न्हाइत ते? उडाले बिडाले की काय?

अरे सरपंचांचा धागा आहे. महत्वाची सूचना ह्या नावाने आहे. जरा तरी गांभीर्य ठेवा. :(

अनेक धन्यवाद सरपंच, साक्षात्कार झाला.

जे लोक एकमेकांस ओळखतात त्यांनी विशेष पिचकाय्रा खरडीत वापराव्यात.

धन्यवाद मिपावर नाव बदलण्याची सोय आहे का?

सहकार्य होते, राहीलही. सर्वांना समान न्याय असावा असे राहून राहून वाटते. अखिल मिपा नववाचक, नव मिपासाक्षर , मिपासाक्षर ते सभासद, मिपासभासद ते प्रतीसादक,मिपाप्रतीसादक ते लेखक, मिपालेखक ते आस्वादक,मिपाआस्वादक ते प्रतीसादक चळवळ संघाचा फुटकळ सभासद नाखु.

मिपा संस्थळ सदस्य चालवतात मालक संपादक न्हवे त्यामुळे एकदा ध्येय धोरणे(एकतर्फी) स्पष्ट केल्यावर पुन्हा या धाग्याची गरज काय ? एकदा का पक्षपातीपणा अधिकारी लोकांना टाळ्ता आला तरी मिपाचे कल्याण आहे अन ते होत नसेल तर हे मोरल पोलिसिंग फुकट आहे हे अजुनही धागाकर्ते समजू शकले नाहित हे दुर्दैव आहे 2013 ते 2016 मिपाव्र सॉलिड इण्टोलरन्स वाढला होता आशा आहे आता तरी असे होणार नाही संस्थळ मालकसल्लागारांबद्दल आदर आहेच पण झेपत नसेल तर त्यांनी ताण घेतलाच पाहिजे अशी अजिबात अपेक्षा नाही अन वातावरण निट ठेवायला शॉर्टकट मारावेत हे तर अजिबात पसंत नाही

सरपंचांच्या दंगा घालु नका धाग्यावर दंगा झालेला पहिल्यांदाच पाहिला. इथेच चार दोन नमुने आहेत भाषेसंदर्भात..

यानिमित्ताने अन्य एका संस्थळासारखी प्रतिसादाला श्रेणी देण्याची व्यवस्था करता येईल का याचा देखील विचार व्हावा.. यातही कंपूबाजी होईलच यात शंका नाही, पण तरी देखील प्रत्येकालाच आपण किती पाण्यात आहोत हे देखील कळेल असे वाटते.

आता इथली कुठलीही गोष्ट मनाला लावून न घेण्याइतपत निर्ढावलेपण आलेय असे वाटते. स्वेअरिंग प्रकाराचा अनुभव मीही पहिल्यांदा इथेच घेतला.. अर्थात तिथे चिखलात दगड मारण्याची चूक केल्यामुळे अंगावर चिखल उडाल्याची तक्रार मी करू शकत नव्हते, एकतर आपण त्या लेव्हलला जाऊ शकत नाही आणि अशा फुटकळ वादांतून मनस्तापाशिवाय इतर काही हाती लागत नसल्यामुळे दुर्लक्ष करणे श्रेयस्कर असते, कोणाची एखादी गोष्ट खटकली तरी योग्य शब्दांत सांगण्याचाच प्रयत्न असतो मात्र समोरची व्यक्ति आक्रस्ताळेपणा करू लागली तर पुढे उत्तर देणे जमत नाही आणि इच्छा त्याहून होत नाही. आपण शांतपणे प्रतिवाद करत असतो, मात्र समोरची व्यक्ति स्वतःचे फ्रस्टेशन काढ्तांना आपला मुखवटा उतरतोय याचीही पर्वा करत नाही, हुच्चभ्रूपणाचा आव आणून लेखन करणार्‍यांचा मुखवटा निघत असतांना रंग कसा बदलतो आणि खरे रूप कसे समोर येते हे बघतांना गंमत वाटते. सर्वांनीच थोडा समजूतदारपणा आणि मॅच्युरिटी दाखवली तर अशा सूचनांची आणि कारवाईची गरज उरणार नाही.

'महत्वाची सूचना' असे लिहिलेले असताना देखील इतका दंगा कसा काय होतो याचे आश्चर्य वाटते. गेले काही महिने मिसळपावच्या संचालकांनी फारच नेमस्त भूमिका घेतली आहे आणि त्यामुळे एकंदरीतच बरीच मंडळी सोकावली आहेत. 'एक दोनदा तर माझा अमुकाढमुक प्रतिसाद का उडवला' वगैरे प्रश्नांची उत्तरे आणि स्पष्टीकरण संपादक देत होते हे पाहून फारच वाइट वाटले. पूर्वी 'उडवलेले प्रतिसाद अथवा धागे अथवा सदस्यत्व' यांबद्दलच्या तक्रारीची दखलही घेतली जात नसे आणि तेच योग्य होते असे वैयक्तिक मत आहे. फार तर 'चपला अडकवा आणि चालू पडा' असे लिहिले जायचे. ज्याप्रमाणे एखादे चांगले वृत्तपत्र मनाचा ठाव घेते त्याप्रमाणे मिसळपाव.कोम ने अनेक जणांच्या मनात कायमचे स्थान मिळवले आहे. ते स्थान तसेच राहायला हवे असेल तर संचालकांनी चाबूक उगारायला पुन्हा सुरुवात करावी असे मनापासून वाटते.

तुम्हाला मिसळ्पाव ऐवजी मिपक्रम कराय्चेय कॉय्य.

प्रतिसादाचे indent एकच ठेवा (मायबोली प्रमाणे)...वादविवाद खूप कमी होतील.

क्या बात है! मस्त चालू आहे धुळवड. कोणाकोणाला बॅन करायचे शोधायला प्रशांतला दुसर्‍या कोणत्याच धाग्यावर जायला नको! असे समजदार सदस्य पाहिजेत!

बाकी धाग्यावर नेहमीच्या डु आयडी दंगा करतातच, "लक्ष नका देऊ " इत्यादी सूचना हि पाळल्या, या धाग्यावर हि तेच चाललंय . मज्जाय सगळीच

एखादा आयडी जो पर्यंत त्रास देत नाही तो पर्यंत तो डू असूनही काढू नये, हे धोरण आहे इथलं, पण एखादा आयडी आधी काढला गेलाय , आणि तोच माणूस पुन्हा नवीन आयडी घेऊन येतो आणि स्वतः ओळख सांगतो किंवा लिखाणावरून समजतं, तरीही त्या आयडीचा हिशोब square one पासून मोजला जातो का ? आणि असले तर ते चूक नाही का ? आणि जर तसं नसेल तर ते का होतं ? सर्व संपादक आणि मालक लोक आपली कामं सांभाळून हे संस्थळ सांभाळतात, हे कारण मान्य च आहे , आणि त्याबद्दल त्यांच्याबद्दल आदर आहेच. पण हे कामं हाती घेतलाय तर जिथे कडक व्हायला हवं तिथे का होत नाहीये ? मला नाही वाटत या संस्थळाला लेखकांची कधी कमी भासली आहे, पण तरी "जाऊदे रे " हि मानसिकता का ठेवली जाते हे समजलं नाही

Mr. Modi to Obama : How do you manage to grow your country so nicely . . ???? Obama : It's because of Indians . . . Mr. Modi shocked : How because of Indians . . ? Obama : You give jobs to Reserved Indians and we give the jobs to the Deserved Indians.

गिर्जाला उडवणार्‍यांची लायकी पुनरेकवार कळाली. चान चान बरंका.

कडक कारवाई करावी यावर सगळ्यांचेच एकमत आहे तर!

सरनार कधी रण :)

या निमित्ताने दोन शब्द माझेही. खरेतर मित्रामुळे हे सन्केतस्थळ कळाले. सह्याद्रीतले ट्रेक हीच एकमेव पॅशन असनार्या मला मिसळपाव खुप आवड्ले. रोज न चुकता मिसळपाव एक फेरी ठरलेली. इथके अनेक लेख नुसते वाचले नाहीत तर डि.व्ही.डि. वर सेव्ह करून इतराना वाचन्यास दिले. राजकारणामध्ये मला काडीचाही रस नव्हता आणि समजही नव्हती. मात्र आज राजकारणावर जे काही बोलू शकतो आणि आमच्या व्हॉट्स अ‍ॅप ग्रूप वर लिहू शकतो, त्याचे १००% श्रेय मिपाला. माझ्या गड्किल्ल्याविषयी माहितीचा इतराना उपयोग व्हावा, या साठी मिपावर आयडि काढला. माझा एक मित्र नविन हॉटेल काढणार आहे, त्याला पेठकरकाकाच्या प्रतिसादाची लिन्क दिली. मात्र नवख्या लेखकाने लिहीलेल्या लेखावरती ज्या पद्धतीने प्रतिक्रीया येतात, त्या बघता इथे लिहावे की नाही हि शन्का मनामध्ये निर्माण झाली आहे. मला विषेश करुन खटकतो तो पॉपकॉर्न नामक प्रकार. माझ्या माहितीत तरी प्रत्येक धाग्यावरती प्रतिक्रीया देणे हे बन्धकारक नाही, असे असताना, उगाच मी वरच्या फान्दीवर बसते, तिकडे सरकून मला जागा दे, चखणा आण, पहील्या सिटवर बसलोय या सर्व प्रतिक्रीया कशासाठी ? जर काथ्थाकूट करायचा नसेल, तर त्या धाग्यावर फिरकू नका किन्वा या विषयावर पूर्वी चर्चा झाली असल्यास, त्याची लिन्क तिथे द्या, धाग्यात नविन मान्ड्णी असल्यास नव्याने चर्चा सुरु करता येइल. पण हे टोमणे का ? प्रत्येकजण इथे केन्व्हा ना केन्व्हा तरी नवीन होतेच ना? अशाने बरेच वाचनमात्र असलेले वाचक की ज्यान्च्या कडे कदाचित खुप चान्गली माहिती किन्वा प्रतिभा असेल ते मिपावर लेखन करायचे की नाही याचा दहादा विचार करतील. मलाही इथे लिहावे की नाही याची शन्का वाटु लागली आहे. बर्याच नवीन आयडिच्या मिपा सदस्यत्वाच्या कालावधीवरून बोलले जाते. सदस्यत्व किती काळाचे आहे हे महत्वाचे की त्याने मान्ड्लेले विचार ? असो. जर माझ्या लेखनामुळे कोणी सदस्य दुखावले गेले असतील तर क्षमस्व. माझी टिका गैरलागू आहे असे वाटले, तर जरूर हा प्रतिसाद उडवावा. मात्र मिपासारख्या चान्गल्या सन्स्थळाविषयी आतून वाटणार्या कळकळीतुन हा प्रतिसाद आला आहे याची नोद व्हावी. इति लेखनसीमा

सर्व सभासदांचे व्हेरिफिकेशन जर बायोमेट्रिक केले तर काय होईल? कसे करणार हेही आहेच.

कमेंट्स पाहून... हा धागा कशा संबंधी आहे असा प्रश्न पडतो. लोक्सनी नेहमीच्याच गप्पा सुरु केल्या आहेत

अर्र्र धूमशान क्शापायी एवढं? शांत व्हा मंडळी.

कुणाच्या विचारांचा दर्जा कुणी ठरवू शकत नाही पण माझ्या वडिलांबद्दलच्या कवितांना घाणेरड्या प्रतिक्रिया आल्या. याबाबत आपले काही मार्गदर्शन मिळेल का? मला अशा लोकांकडे दुर्लक्ष करायचे असते हे माहीत आहे. मला खरेच त्यांची कीव...कीव येते.कुठलाही माणूस असे दुर्गंधीयुक्त विचार घेऊन मोठा होत नसतो.