कोकोनट चिकन मसाला

चिकन मसाला माझा ऑलटाइम फेवरेट पदार्थ आहे. नेहमीचाच कांदा-टोमाटो पेस्ट मधला चिकन मसाला खायचा कंटाळा आला की त्यावर माझे निरनिराळे प्रयोग चालूच असतात. त्यापैकी हा एक साधलेला प्रकार. यात मसाला बेस म्हणून कांदा-टोमाटो पेस्ट न वापरता ओले नारळ वापरले आहे. पहा करून कसे वाटते ते.

कोकोनट चिकन मसाला

साहित्य: नारळ- एक मोठी वाटी(100 ग्राम) नारळपाणी- 1 कप (200 मिली) एक मध्यम आकाराचा कांदा, बारीक चिरलेला. एक लहान टोमाटो, बारीक चिरलेला. आलं-लसुन पेस्ट- एक टेबलस्पून कोथिंबीर- गरजेप्रमाणे 3 हिरव्या मिरच्या, देठ काढून अर्ध्यात कापलेल्या काजू- 50 ग्राम मगज(टरबुजाच्या बिया)- एक टेबलस्पून तेल- दोन टेबलस्पून काश्मिरी लाल मिरची पावडर- दीड टेबलस्पून गरम मसाला- अर्धा टेबलस्पून धने पावडर- अर्धा टेबलस्पून हळद- एक टीस्पून चिकन (स्किनलेस, करी कट्स)- 250 ग्राम दही- एक टेबलस्पून कृती: प्रथम दीड टेबलस्पून काश्मिरी लाल मिरची पावडर अर्धी वाटी पाण्यात मिसळून तिचे मिश्रण बनवावे. काजू व मगज एकत्र करून त्याची बारीक पूड करून घ्यावी नारळाचे पाणी व तुकडे एकत्र करून त्याची पेस्ट करून घ्यावी कढइत एक टेबलस्पून तेल गरम करून त्यात बारीक चिरलेला कांदा टाकावा कांद्याचा रंग बदलायला सुरुवात झाल्यावर आले-लसुन पेस्ट टाकून कच्चा वास जाई पर्यंत तळावे कांदा व आले-लसुन पेस्ट भाजल्यावर त्यात हळद, धने पावडर व मीठ टाकून मिक्स करावे. मिश्रणात चिकन घालून त्यात कोथिंबीर व दीड कप पाणी ओतून किमान दहा मिनिटे मध्यम आचेवर शिजू द्यावे. दहा मिनिटानंतर हे चिकन उतरून वेगळ्या भांड्यात काढून ठेवावे. आता परत एकदा कढइत तेल गरम करून त्यात टोमाटो व मिरच्या टाकाव्यात. दोन मिनितंतर यात आपण तयार केलेली नारळ व नाराळाच्या पाण्याची पेस्ट घालून चांगली मिसळून घ्यावी व हे मिश्रण पूर्ण कोरडे होऊन रंग बदलेपर्यंत भाजावे आता यात काजू व टरबुजाच्या बियांची पूड घालून किमान दोन मिनिटे आणखीन भाजावे दोन मिनिटानंतर यात एक टेबलस्पून दही, अर्धा टेबलस्पून गरम मसाला व आपले काश्मिरी मिरचीचे मिश्रण घालून मसाले या मिश्रणात चांगले मिसळेपर्यंत हलवावे. आता, या मिश्रणात आपण शिजवून ठेवलेले चिकन घालून त्यात दीड कप पाणी ओतावे. आता हे मिश्रण 15-20 मिनिटे मध्यम आचेवर शिजवावे (पाणी आटून अर्धे होई पर्यंत) बस्स, तयार आहे आपला कोकोनट चिकन मसाला. चपाती, तंदूर रोटी, नान किंवा राइस सोबत सर्व करा. खाव खिलाओ मज्जा करो!