कणिक-नाचणी केक

साहित्यः गव्हाचे पिठ : १ १/२ कप नाचणी पिठ : १/२ कप साखर : १ कप दुध : १ कप दहि : १ कप तुप : १/४ कप बेकिंग पावडर : १/२ चमचा केळ : २ व्हॅनिला इसेन्स : १/२ चमचा ट्रुटिफ्रुटि,सुकामेवा : २ चमचे कृती : प्रथम गव्हाचे पीठ आणि नाचणी पीठ थोडे भाजुन घ्यावे.साखर दुधात विरघळुन घ्यावे.एका भांड्यात गहु पीठ,नाचणी पीठ,बेकिंग पावडर एकत्र करावे.त्यात तुप,दुध साखरेचे मिश्रण घालावे.हे सगळे साहित्य नीट एकत्र करून छान फेटुन घेणे.यात केळ बारिक कुस्करून नीट एकत्र करावे. या मिश्रणात व्हॅनिला इसेन्स व सुकामेवा मिसळुन छान एकत्र करावे.आता हे मिश्रण कपकेकच्या साच्यात वा तुप लावलेल्या केक भांड्यात ओतुन १८० डिग्री वर प्रिहिट केलेल्या ओवन मधे ३५ मि. ठेवावे. सुई केकमधे टोचुन पहावी.स्वच्छ सुई बाहेर आल्यास केक तयार!मस्त सुवास घरभर पसरलेला असेल. आता हे कप केप खायला तयार.हवे असल्यास त्यावर क्रिम,चोकोचिप्स ई.लावुन सजवावे.मुलांना अतिशय आवडतात. * या केकमधे मैदा नाहि.कणिक,नाचणी अशी पौष्टिक पीठ असल्याने मनसोक्त खायला हरकत नाहि. *अंडे नाहि.त्यामुळे शाकाहारी लोक खावु शकतात. *दहि,दुध,तुप,केळ असे घरी सहजी उपलब्ध असणारे पौष्टीक पदार्थ वापरलेत. *सुकामेवा हवा तो वापरू शकता. न्याहारीसाठीहि असे गरमागरम कपकेक्स नक्किच आवडतात.