Skip to main content

चोरी

लेखक पालीचा खंडोबा १ यांनी बुधवार, 23/12/2015 16:47 या दिवशी प्रकाशित केले.
न्हाव्याच्या परसातल्या तुळशी वृन्दावनातील देव चोरल्याबद्दल तू मला कोंडून मारले होतेस मग दिवसभर तू डोळे पुसत राहिलीस मी तुला टाळत राहिलो मध्यरात्री जाग आली तेव्हा तुझा हात छातीवर होता अन् पश्चातापचे भाव ठेवून शांत चेह-याने तू निजलेली ! मग अशीच तू कधीतरी निजलीस न उठण्यासाठी ओल्या डोळ्यानी मी स्वत:ला कोंडून घेतले सा-या जगाला टाळत मध्यरात्री जाग आल्यावर दार तसेच बंद होते अन् छाती उघडी तुझा हात नसलेली आता मला पुन्हा चोरी करावीशी वाटत आहे...... हाय ! पण मीच आज कोंडलेला आहे ! विजयकुमार......... ११.०८.२००९, मुंबई
लेखनविषय:
वाचने 3289
प्रतिक्रिया 18

प्रतिक्रिया

निनाव बुधवार, 23/12/2015 18:52
भन्नाट. कसे काय सुचते तुम्हास हे सर्व.. अस सहज लिहून जाता.

नाखु गुरुवार, 24/12/2015 12:25
का रडिवतो भक्तांना !!! खंडुराया काही चुकलं माकल असलं तर सांग तसं ! पण असा तरास दिऊ नगं.. प्र,मात्र नाखु

माहितगार गुरुवार, 24/12/2015 12:31
सुरेख
... अन् पश्चातापचे भाव ठेवून शांत चेह-याने तू निजलेली ! ...
हाच स्पीड ब्रेकर खरा स्पीड ब्रेकर असतो तो कोणत्याही कायदा आणि नितीमत्तेच्या डोसांपेक्षाही अधिक परिणामकारक नाही का ?

माहितगार गुरुवार, 24/12/2015 12:35
न्हाव्याच्या परसातल्या तुळशी वृन्दावनातील देव चोरल्याबद्दल
तुळशी वृन्दावनातील, देव चोरल्याबद्दल हे समजले इथे कविने न्हाव्याचीच प्रतिमा का वापरली आहे ?

पालीचा खंडोबा १ गुरुवार, 24/12/2015 12:58
हि कविता ह्याच सत्य घटनेवर आधारित आहे अशी चोरी माझ्याकडून झाली होती तीही आमावस्येला सत्यनारायण पूजेच्या दिवशी बाकी कविता काव्यांतरीत आहे

शैलेन्द्र गुरुवार, 24/12/2015 12:48
bhannat

सुमीत भातखंडे गुरुवार, 24/12/2015 13:05
.

बोका-ए-आझम शुक्रवार, 25/12/2015 15:40
फारच जिव्हारी लागणारी कविता!

प्रा.डॉ.दिलीप बिरुटे शनिवार, 26/12/2015 19:15
पोहचली कविता. -दिलीप बिरुटे

किसन शिंदे शनिवार, 26/12/2015 20:02
लहानपणी मी ही एका घरातल्या तुळशी वृंदावनातले देव चोरले होते आणि त्यानंतर आईने वळ उठेपर्यंत चोपला होता. कविता पोचली भो आतपर्यंत... _/\_