Skip to main content

कविता

लेखक शैलेन्द्र यांनी गुरुवार, 24/12/2015 09:55 या दिवशी प्रकाशित केले.

तू म्हणतेस कवितेतल, तुला काही कळत नाही
पण म्हणून काही तुझ, कविता होण टळत नाही

हलकी हसतेस नजरेतून, अदा जीव घेवून जाते
मतल्यासह एक सुंदर, गझल सहज होवून जाते
ही बेहोशी सखे, कुठल्या मैफीलीत मिळत नाही,
अन म्हणून काही तुझ, कविता होण टळत नाही..

मुक्तछंदात बोलताना, गुंफून घेतेस सहज आर्या ,
तुझ्या मात्रा मोजताना, गाते अभंग माझी चर्या,
काय लघु, काय गुरु, हिशोब काही जुळत नाही,
पण म्हणून काही तुझ, कविता होण टळत नाही..

कविता म्हणजे काय ग, शहाण्यासारख वागायचं,
थोडं जगात सांगायचं , अन बराच मनात भोगायचं,
आपली कविताही कधी, आपल्यालाच कळत नाही,
पण म्हणून काही आपल, कविता होण टळत नाही..

- शैलेंद्र

काव्यरस
भावकविता
लेखनविषय:
वाचने 5840
प्रतिक्रिया 29

प्रतिक्रिया

शैलेन्द्र गुरुवार, 24/12/2015 10:22

धन्यवाद,
अरे mac वर टाईप नाही करता येत मराठी
(हा जाहिरातीचा प्रयत्न नव्हे ;) )

नाखु शुक्रवार, 01/01/2016 14:06

एक तो विशाल्या आणि दुसरा तू....

हाडाचे कवी ( नाहीतर आम्च्या कवीतांनाच हाड हाड म्हणतात)

प्रतिसाद मात्र नाखु

स्वप्नज रविवार, 03/01/2016 08:17

पण म्हणून काही तुझ, कविता होण टळत नाही...

फारच सुरेख. अप्रतिम काव्य.

शैलेन्द्र रविवार, 17/01/2016 22:05

तुम्ही दाद दिलीय असं समजूनच मी प्रवास चालू ठेवतो सर :) :)