Skip to main content

विटाळ

लेखक पालीचा खंडोबा १ यांनी शुक्रवार, 18/12/2015 16:11 या दिवशी प्रकाशित केले.
काचेच्या काळ्या, आरसा नसलेल्या तावदानी फक्त तुझाच चेहरा दिसतो जन्मजात जार तू जारिणीचा संग करतो ! देऊनी माझ्या कळीला फुलाची भूल, काय साधलेस सांगताना जरा शहारते कौमार्याच्या गळी माळलास कामाग्निचा अंगार ! कौमार्याच्या अनवट क्षणी तू शिलगवलास वासनेचा कोळसा माळती माझ्या कुंताली कौमार्ययोग्या आरसा ! कातरवेळी, कुवारवेळेस मी मागते कुकवाचा जोगवा गारठधूक्यात दडल्या चंद्रास माझा विटाळ देईल सांगावा ! तुझ्या परतवाटेस मी फासला शेंदुर गोठणबिंदू गाठणा-या बेवारशी रात्रीस शरीरी पेटे अंगार ! कोवळ्या आर्द्र बोटानी मी चाळवते निखारे उरलेत माझ्या भोगल्या शरीरी रासवटलेले तुझे शहारे ! विजयकुमार.................. 23 / 11 / 2008
लेखनविषय:
वाचने 2421
प्रतिक्रिया 9

प्रतिक्रिया

निनाव सोमवार, 21/12/2015 21:00
जब्बर्दस्त. :) तुम्ही जर का कधी मराठी शब्द शिकविण्य साठी क्लास्सेस वगेरे सुरु केले तर पहिले नाव नोंदणी माझी कराल का प्लीज :)

तुडतुडी मंगळवार, 22/12/2015 15:17
अश्लील , मसालेदार शब्द वापरून लिहिलेल्या अर्थहीन कविता . सं . मं. ने लक्ष घालावे. ह्या आईडीच्या सगळ्या कविता अश्याच प्रकारच्या आहेत . का रं बाबा ५ बायका कमी पडल्या का तुला ?

मारवा मंगळवार, 22/12/2015 19:25
कविता अत्यंत दर्जेदार आहे एक ही शब्द अनावश्यक नाही अश्लील तर अजिबातच नाही तुडतुडी यांचा प्रश्न अत्यंत अश्लील आहे तुडतुडी यांचा अश्लील प्रश्न सं.मं. ने तपासावा भरचौकात अनो़ळखी पुरुषाला असा प्रश्न विचारणे हे किमान आपल्या संस्कृतीत तरी शोभत नाही. याने त्या पुरुषाला संकोच वाटतो लज्जा निर्माण होते त्याचा एक प्रकार विनयभंग होतो.

पालीचा खंडोबा १ बुधवार, 23/12/2015 16:40
मित्रा ह्या कवितेत कोणता अश्लील शब्द आहे ते मला कळेल का ? का आपले उगाच काहीही आरोप करणे हे आपले काम आहे ? आपणास मराठी शब्द कळतात का ? कोणता शब्द अश्लील शब्द ह्यात आहे हे दाखवा