✍ मराठी साहित्य, संस्कृती आणि लेखनाचे व्यासपीठ

बंडुमामाची बंडुमामी

— पालीचा खंडोबा १,
बंडुमामाची बंडुमामी जगावेगळ बोलायची भविष्यातल्या सोनेरी स्वप्नांची दारे अलगद खोलायाची लाळ गाळत हसताना नको तिथे दाबायची ! सावलीसारखा इल्या तसचं वागायचा भिरभिरणा-या भोव-यासारखा मागे मागे लागायचा पंखवाला स्वप्नातला घोडा हळूच जमीनीवर आणून सोडायचा ! बंडुमामाची सवयच निराळी चिलमीचा बार भारताच रंगायची स्वारी, घरामागच्या छपरात बंडुमामी कबुतरं उडवायची अन् बंडुमामाची गाडी रुळावरनं घसरायची ! कुणी अक्करमाश्या म्हटलं कि इल्या फिदीफिदी हसायचा तेवढ्यापुरता बंडुमामाचा चेहरा धुरात बुडायचा अन् बंडुमामी परसात जाताच जादूचा दरवाजा बंद व्हायचा ! चिलमीच्या धुरात बंडुमामा जळून गेला इल्या आता ओसरीवर एकटाच राहिला, तोपर्यंत स्वप्नातल्या कळ्यांची फुली झाली अन् बंडुमामीची रयाच गेली ! अक्करमाश्या इल्या आता चिलमीच्या धुरात बुडतो कोवळ्या वयात करपलेल्या नजरेला घेवून मी इल्याकडे बघत असतो ! विजयकुमार......... ०९.०९.२००९
2365 वाचन
💬 प्रतिसाद (11)

नाखु
Tue, 12/08/2015 - 08:46 नवीन
असलं आणि अस्सल वाचलंकी ८-१० पकावू धागे वाचण्याचा राग्/क्षोभ शांत होतो म्हणून !!! खंडुराया कृपा असू दे म्हाराजा.... येळ्येळ्कोट जय मल्हार !!!

पालीचा खंडोबा १
Tue, 12/08/2015 - 12:36 नवीन
तुम्ही पण चं लिव्ह्ता कि राव १ द्या टोले अश्या प्रकारातले. विनोदी चांगले लिहू शकाल तुम्ही प्रयत्न करा. बहुतेक तुम्ही पण लिहित असाल पण आमि काय ते वाचला नाय बगा
↩ प्रतिसाद: बोका-ए-आझम