Skip to main content

रॉयल राइड... रॉयल एन्फ़िल्ड.... प्रश्नोत्तरी धागा

लेखक कैलासवासी सोन्याबापु यांनी गुरुवार, 02/10/2014 18:26 या दिवशी प्रकाशित केले.
मिपा परीवारात बरेच रॉयल एन्फ़िल्ड उर्फ़ बुलेट चे चाहते अन मालक आहेत, ह्या धाग्याचा हेतु कुठल्या ही दुसर्या ब्रॅंड च्या बाईक ची खिल्ली उडवणे, किंवा पातळी उतरुन टिका करणे हा मुळीच नाही, फ़क्त स्टॅंड अलोन बायकिंग करण्यापेक्षा , एक ऑर्गनाईझ्ड बायकींग एफ़र्ट म्हणुन हा लेखन प्रपंच, मोदक ह्यांनी प्रथम ह्या धाग्याची कल्पना मांडली... इथे अपेक्षित काय आहे ?? आर .ई. उर्फ़ बुलेट मालक असाल तर आपले अनुभव, कथन, मेंटेनंस टिप्स, इत्यादी आदान प्रदान, नसाल अन रॉयल एन्फ़िल्ड मधे रस असेल तर इथे प्रश्नोत्तराची हक्काची जागा, विकत घेण्यात रस नसेल तर कुठे ह्या बाइक्स उत्तम कंडीशन मधे भाड्याने मिळतील, कुठ्ली एक्स्पिडीशन आर ई वर केली तर मजा , आराम अन ऍडव्हेंचर द्विगुणीत होईल ही चर्चा इथे आपण करुयात. तर श्रीगणेशा स्वरुप, काही योगदान माझे (मोदक ह्यांनी मला, आर ई ची ३५० च का घेतली, एकंदरीत अनुभव काय इत्यादी कथन करण्याची विनंती केली त्याला अनुसरुन) १. मी क्लासिक ३५० का घेतली ?? अ. उत्तम संगम, ३.५ रॉ ताकद अन त्यातल्यात्यात बरे माईलेज (माझ्या पेशात खुप फ़िरावे लागते) ब. जरासा ओल्ड वर्ल्ड चार्म, सदरहु मॉडेल हे रॉयल एन्फ़िल्ड ह्या अगदी सुरुवातीच्या डीझाईन्स वर आधारीत आहे क. रोबस्ट बिल्ड, कमी देखभालीचा खर्च २. क्लासिक ३५० चे फ़ायदे ?? अ. मजबुत तरीही जास्त जड नसणे ब. ट्रेडीशनल कार्ब्युरेटर टेक्नॉलोजी (बायकिंग मधे हे मला महत्वाचे वाटले, ई एफ़ आय मधे फ़्युल पंप वापरले जातात ते ही इलेक्ट्रॉनिक चिप्स ने कंट्रोल्ड, त्यात पेट्रोल ही जास्त जाते, अन आडवळणाला काहीही प्रॉब्लेम आला तर लोकल मेकॅनिक त्यात काहीच करु शकत नाही, ह्या उलट कार्ब्युरेटर असला तर अगदी मेकॅनिक नसला तरी जुजबी माहितीवर आपण स्वतः डॅमेज कंट्रोल करुन परत ती बाईक वर्कशॉप पर्यंन्त आणु शकतो) क. स्पेयर पार्ट्स ची निट अवेलेबिलिटी अन सर्विस सुलभ असणे, ९० मिनिट एक्स्प्रेस सर्विस मधे शोरुम ला हिची व्यवस्थित निगा घेतली जाऊ शकते. ड. उत्तम मायलेज (बायकींग ला हे असणे बरे असते) ई. उत्तम ट्रॅक रेकॉर्ड, शिवाय मायलेज उत्तम असल्याने सायलेंसर चेंज अन इतर अस्थेटीक मॉडीफ़िकेशन्स (हॅंडल बार चेंज, रीम व्हिल्स ) नंतर ही खिशाला काही विषेश चाट बसत नाही ३. क्लासिक ३५० चे तोटे ?? १. जास्तच पॉवर हवी असल्यास ती नाही, "भारताची कल्ट हार्ले सम बाईक" असली तरीही ३५० सी सी आहे. २. ८० किमी/ तास नंतर पुर्ण बाईक कंप पावते ३. कंपनी ने दिलेले टायर भंगार आहेत (बदलल्यावर काही प्रॉब्लेम नाही ड्राय अन वेट दोन्ही ट्रॅक्शन एन्वॉयरमेंट मधे) ४. कंपनी सायलेंसर साधा घेतला तर बरेचदा खड्ड्यातुन काढताना घासतो खालुन, ऑफ़ रोड घ्यावा तर कंपनी पॉलिसी मधे बाय बॅक किंवा एक्स्चेंज बसत नाही, दोन्ही बोकांडि बसतात सायलेंसर्स ५. कंपनी सायलेंसर चा आवाज ’बुले्ट आली बे’ अशी घोषणा करत नाही ६. फ़िटिंग्स अन बोल्ट्स मधे रस्टींग प्रॉब्लेम येतो ३-४ पावसाळ्यां नंतर मला तरी मायलेज हा फ़ायदा इतर तोट्यापेक्षा मोठा वाटला सो मी घेतली, सद्ध्या ३-४ महिनेच झालेत, १५०० किमी झाले आहेत. मोदक भाई, अन इतर , एकंदरीत हे फ़ायदे अन तोटे पाहुन मी क्लासिक ३५० घेतली आहे. :)
वाचने 150746
प्रतिक्रिया 648

प्रतिक्रिया

अनिरुद्ध.वैद्य शुक्रवार, 11/09/2015 07:34
जास्त फरक नाही आहे. मलातरी EFI आणि Digital Ignition सोडले तर इतर फरक आढळला नाही!

भटकंती अनलिमिटेड बुधवार, 16/09/2015 17:14
क्लासिक ही जुनी (रेट्रो) स्टाईलची मोटरसायकल आहे. एकदम दमदार रेट्रो स्टायलिंग आणि शहरातील ट्राफिकमध्ये हॅंडलिंगवर अधिक नियंत्रण यासाठी क्लासिक अतिशय योग्य बाईक आहे. अर्थात इंजिनाचेही ३५० आणि ५०० असे दोन ऑप्शन आहेत. अर्थात क्लासिकच्या हॅंडलच्या पोझिशनमुळे फार मोठ्या राईड्सला थकवा जाणवू शकतो, हात भरुन येऊ शकतात. क्लासिकला पुढील चाकाला डिस्कब्रेक आणि मागील चाकाला ड्रमब्रेक आहे. थंडरबर्ड ही थोडी प्रगत डिझाईन असलेली बाईक मोठ्या राईड्ससाठी डिझाईन केलेली आरामदायक सीट्स असलेली बाईक आहे. क्रुझर स्टाईलिंग असलेली बाईक शहरातील ट्राफिकमध्ये हॅंडलिंगसाठी जरा त्रासदायक आहे (पण एकदा सवय झाली की अजिबात त्रास नाही). थंडरबर्डला दोन्ही चाकांना डिस्क ब्रेक, पुढील चाक थोडे मोठे, मागील चाक अधिक रुंद असल्याने मोठ्या राईड्सना "सोफा ऑन व्हील्स" फील येतो. मी स्वतः थंडरबर्ड वापरतो आणि नॉनस्टॉप दिवसाला चारशे किमी चालवली (चहा ब्रेक्स सोडून) आहे. कुठेही थकवा किंवा पाठीला त्रास झाला नाही. ३५०सीसी- कार्बुरेटरवाले इंजिन असल्याने काही प्रॉब्लेम झाला तरी कुठलाही सर्व्हिससेंटरवाला चालू करु शकतो. कमी पॉवर असली तरी सपाट आणि थोडीफार घाटाच्या रस्त्याला अजिबात loss of power जाणवत नाही. फक्त हिमालयातल्या रस्त्यांसाठी जिथे ५०-६० किमी घाटच असतात तिथे ७० किलोच्या दोन व्यक्ती डबलसीट पिदाडायला जरा शक्ती कमी जाणवेल. ५००सीसी- ईएफआय (electronic fuel injection)मुळे आणि मोठ्या इंजिन स्ट्रोकमुळे अधिक शक्ती. पण ईएफआय सहजासहजी दुरुस्त होऊ शकत नाही. त्यामुळे त्याला कुशल मेकॅनिकच हवा. रॉयल एनफिल्डलाही अजून तसे तंत्रज्ञ अधिक संख्येने तयार करणे जमले नाही. हिची शक्ती मात्र कुठेही कमी पडणार नाही.

कैलासवासी सोन्याबापु शुक्रवार, 18/09/2015 17:33
आजची रपेट जाऊन येऊन १८० किमी गंतव्य स्थळी जाऊन काम करुन परत येणे ३.५ तास!

मोदक शनिवार, 19/09/2015 11:30
म्हणजे १०० च्या वेगाने गेलात. उगाच कशाला पळवताय बापू? हेल्मेट होते ना?

कैलासवासी सोन्याबापु रविवार, 20/09/2015 07:25
यस यस बिना हेलमेट काहीच नाही अहो ४ लेन चा ईस्ट वेस्ट कॉरिडोर मोकळा सापडला (आमचा डिस्पैच रनर सुटी वर असल्याकारणे हे काम आले होते)

भटकंती अनलिमिटेड बुधवार, 07/10/2015 10:07
राईड अधिकाधिक आरामदायी करण्यासाठी आमच्या ’काळाघोडा’चा हॅंडलबार बदलण्यात आला आहे. रुंद हॅंडल आणि बसण्याच्या पोश्चरमध्ये बदल झाल्याने खरेच भारी वाटते आहे. एखाद्या लॉंगराईडनंतर सविस्तर रिव्ह्यू देईनच. TBTS350

मोदक बुधवार, 07/10/2015 11:45
जागेवर गाडी U टर्न घेताना किंवा घाटामध्ये नागमोडी वळणे घेताना त्रास होत नाही का?

भटकंती अनलिमिटेड बुधवार, 07/10/2015 12:13
यू टर्नला अजून तरी तसा त्रास झाला नाही. ट्राफिकमध्ये मधेमधे घुसता येत नाही हा एक फायदा (किंवा तोटा म्हणा). मी लॉंग राईडला घाटात चालवून रिव्ह्यू देईनच तसा, पण जे काही अनुभव वाचले आहेत त्यांनी तरी तशी तक्रार केली नाही.

जिन्क्स बुधवार, 07/10/2015 12:19
केबल्स (क्लच, अस्सेलरेटर) वेगळ्या लावल्या का? का आहे त्याच फीट झाल्या?

भटकंती अनलिमिटेड बुधवार, 07/10/2015 12:29
सार्‍या केबल्स त्याच आहेत. थंडरबर्डचे आधीचे हॅंडलदेखील बरेच मोठे असल्याने त्याच्या केबल्स पुरेशा लांबीच्या आहेत. एक वर्षाच्या आतील नव्या क्लासिकलादेखील लांबी काही एक्स्ट्रा आहे. पेट्रोलच्या टाकीखाली इलेक्ट्रिक केबल्सचे भेंडोळे गुंडाळून ठेवले आहे. त्याच्या आधीच्या जुन्या गाड्यांना कदाचित केबल्स बदलाव्या लागू शकतात.

मोदक बुधवार, 07/10/2015 12:49
फोटोमध्ये एक केबल ताणल्यासारखी दिसत आहे. आणि जर ती अ‍ॅक्सलरेटर केबल असेल तर डावी़कडच्या टर्नला ती खेचली जात नाही याची काळजी घ्या. बाकी तुमच्या रिव्ह्यू च्या प्रतिक्षेत.

भटकंती अनलिमिटेड बुधवार, 07/10/2015 14:40
आपण सांगितले आणि लगेच पार्किंगमध्ये जाऊन चेक केले. साधारण पाऊण फूट केबल अजूनही स्लॅकसाठी शिल्लक आहे.

मोदक बुधवार, 07/10/2015 15:04
चांगले आहे. लैच मोठी केबल दिली आहे रॉयल एन्फिल्डवाल्यांनी. ;)

कपिलमुनी बुधवार, 07/10/2015 13:08
हँडल स्ट्रेट आहे का ? तसे असेल तर वळणावर , यु टर्नला त्रास होतो असा अनुभव आहे. हँडलचा स्वतंत्र फोटो टाकता येइल का ? आर डी हँडल आहे का हे ?

मोदक बुधवार, 07/10/2015 14:15
तुम्ही अनुभवी आहातच.. तरीही एक सुचवत आहे. सुरूवातीला पाबे घाट, कादवे घाट, सिंहगड घाट वगैरे घाटात राईड करा. काही अडचण आली तर लगेच घरी परतता येईल. पहिल्यांदाच लाँग राईडची मोठी रिस्क घेवू नका.

कपिलमुनी बुधवार, 07/10/2015 15:14
आर डी हँडल ट्रॅफिक वगळता कंफर्टेबल आहे . अगदी हेअर पिन बेंडवर सुद्धा ! आणि थंडरबर्डला मस्त फिट होते . २ वर्षे तेच वापरत होतो पण मग हिंजवडीच्या ट्रॅफिकमधे त्रास व्हायला लागल्यावर बदलऊन स्टॉक टाकले

भटकंती अनलिमिटेड बुधवार, 07/10/2015 15:54
होय, आरडी हॅंडल क्लासिकपेक्षा थंडरबर्डला जास्त चांगले फिट आणि फील देते. नशिबाने मला ट्राफिकमध्ये सध्यातरी जास्त गाडी चालवावी लागत नाही. घर ते ऑफिस अंतर साडेचार किमी आहे. तेही मोकळा रस्ता रोज (इनो घेणे). त्यामुळे ट्राफिकचा रोजचा त्रास जाणवणार नाही.

अनिरुद्ध.वैद्य गुरुवार, 08/10/2015 12:27
ह्यात एक पूर्ण काळ्या रंगाच बघितलेलं, पण ते नेमक वेट्स लावलेलं नसल्याने थंडरबर्डला बसलच नाही. मला श्रीवाल्याने (भवानी पेठ) सांगितले होते कि बंद झाले म्हणून ;) बाकी गाडी झकास दिसतेय. पोस्चरमध्ये कितपत फरक पडला आणि पाठीला काही ताण?

भटकंती अनलिमिटेड गुरुवार, 08/10/2015 12:48
काळ्या रंगातही हेच हॅंडल मिळते. माझ्या एका मित्राने क्लासिकला असे काळे हॅंडल बसवले आहे. बारएंड वेट्स आपल्या आधीचेच लावले आहेत (त्याने आणि मी देखील). वर तो मधला आडवा बार असेल तर ५०/- किंमत जास्त. पोश्चर अधिक आरामदायी झाल्यासारखे वाटते आहे. आधी मला जमिनीशी कोनात हॅंडलची ग्रिप असायची त्यामुळे अधिक काळ ब्रेक, ऍक्सलरेटर, क्लच वापरले की हातांना (फोरआर्म्स) आणि खांद्यांना रग लागल्यासारखे वाटे. परंतु याचे ग्रिप थोडे अधिक रुंद जमिनीला समांतर असल्याने आडवी ग्रिप (जी आपल्या हातांच्या पंजांची मनगटाची नैसर्गिक रचना आहे) मिळते आणि ताण जाणवत नाही. शिवाय या हॅंडलवर दोन्ही हात कोपरातून सरळ ठेवून आणि किंचित अंशात वाकवून बसण्याचे स्वातंत्र्य मिळते आहे. आधीच्या (स्टॉक) बारवर कम्पल्सरी हात कोपरातून काहीअंशी वाकवून बसावे लागे आणि त्याचा परिणाम खांद्याच्या स्नायूंवर जाणवत असे.

कपिलमुनी गुरुवार, 08/10/2015 13:52
हँडलचा बॅलन्स कसा आहे ? काही लोकल मेड हँडलचा बॅलन्स , अँगल यांचा ईश्शू असतो म्हणून विचारला.

भटकंती अनलिमिटेड गुरुवार, 08/10/2015 14:13
हँडलचा अँगल वगैरे तिथे काऊंटरवर सपाट ठेवून सममिती आहे का, कुठे बाक वगैरे नाही ना हे पाहूनच घेतले. बॅलन्सलाही अजून तरी काही प्रॉब्लेम जाणवला नाही.

मोदक गुरुवार, 08/10/2015 14:19
फोटोमध्ये ग्रीप कव्हर दिसत नाहीये. कंपनी देते तशीच ग्रीप वापरता का? ग्रीप कव्हर वापरत नसल्यास एखादे मध्यम जाड असे कव्हर बसवून बघा. मला बुलेटसाठी अ‍ॅक्युप्रेशर इफेक्ट देणारे टोकाटोकांचे ग्रीप कव्हर मिळाले आहे. त्यामुळे आराम वाटतो.

भटकंती अनलिमिटेड गुरुवार, 08/10/2015 14:55
ग्लोव्ज वापरत असल्याने कंपनीने दिलेले ग्रिपच वापरतो आहे. पण हे कंपनीचे ग्रिप ग्लोव्ज नसताना कधी कधी पावसात नो-ग्रिप होतायेत.

अनुप कोहळे गुरुवार, 08/10/2015 21:05
होय, मला पण पावसात ग्रीप चा प्रॉब्लेम आला होता. बर्‍याच वेळा हात पुसावे लागले होते.

कैलासवासी सोन्याबापु बुधवार, 07/10/2015 22:15
माझी क्लासिक ३५० वायरिंग चा फार ताप देते आहे काय प्रॉब्लम होतोय माहिती नाही साल पण हैंडल सरळ किंवा उजवीकड़े असले की सेल्फ उचलतच नाही हैंडल डावीकड़े करुन मारला की हाफ बटन स्टार्ट! सर्विस सेण्टर वाला म्हणाला की वायरिंग कट होत असते बदलली एकदा परत तोच प्रॉब्लम!! वैतागलो आहे राव!

टवाळ कार्टा बुधवार, 07/10/2015 22:22
माझी आवेंजर पण हाच त्रास द्यायची...तशीच चालवायचो

भटकंती अनलिमिटेड गुरुवार, 08/10/2015 09:06
वायरिंग हार्नेस घासते आहे कुठेतरी. बॉडीच्या पत्र्याला किंवा चॅसीला घासल्याने बॅटरीकडून येणारी वायर (बहुतेक इंजिन किल स्विच आणि स्टार्टर स्विच या दोन) एका ठराविक पोझिशनला गेली की शॉर्ट होते आणि करंट स्टार्टर मोटरपर्यंत पोचत नाही. तेच डाव्या बाजूला हॅंडल केले की शॉर्ट होत असलेली जागा मोकळी होऊन गाडी चालू होतेय. नक्की कुठे घासते आहे ते एकदा एकदम बैजवार पाहून एकदा घर्षणबिंदू सापडला की तिथे चांगल्या प्रतीच्या पर्मनंट टेपने (३एमसारखा) इन्सुलेट करुन घ्या. रेझिन ग्लूदेखील भारी काम करेल त्यावर.

बाबा योगिराज शनिवार, 05/12/2015 12:33
हां उपाय करुण बाघेन. माझा डिप्पर लाइट आणि इंडिकेटर एका टिपिकल पोसिशन्स ला चालू होतात. क्लासिक ३५०, ३१ मे २०११ ला मिळाली होती. ५ -५.५ वर्ष झालित. गाडीच्या कुठल्या कुठल्या सुट्या भागांकड़े जास्त लक्ष्य द्यायला हव. माला वाटतंय की क्लच चा काही प्रॉब्लम असावा. बाकी कंपनी मध्ये बिलकुल सर्विसिंग करु नए. माजोरडे आणि चोरच असतात सगळे. बाहेरचा एक म्हातारा मेकैनिक बघुन ठेवलाय. प्रत्येक वेळी ५०००-५५००₹ खर्च करवतो, पण एकदम मस्त काम करुण देतो. बुलेट बाबा.

बाबा योगिराज मंगळवार, 08/12/2015 23:25
नै ना वो.... आता साडे तीन लीटर जर इंजिन ऑईलच लागत असेल तर खर्च असाही कामित कमी २५०० हजार च्या आसपास जातो. आणि प्रत्येक वेळी मी काहीतरी नाविन काम करूनच घेतो. जसकी ह्या वेळेस त्याला मुद्दाम दोन्ही चकांचे आउट काढायला सांगितले आहे. इंजिन मधील राबरी नळ्या बदलवानार आहे. झालच् तर ब्रेकचा थोड़ा प्रॉब्लम वाटला, नविन ब्रेक पैड्स. ह्या वेळेस रंग काम काही करणार नाही जरा जास्तच खर्चिक होईल. आणि असही बुलेट चालवायची म्हंटल्यावर वर्षकाठी कमीत कमी १२ ते १५ हजार लागतातच की वो टका भौ. जेव्हड़ी जास्त काळजी घेणार, तेव्हड चांगलच की वो... एका विशिष्ट पॉइंट वर चालू होणाऱ्या लाइट चा प्रॉब्लम सांगितला आणि काय झाल असेल ते ही सांगीतलय. नेमकं काय झालय ते सकाळी कळेल.

बाबा योगिराज बुधवार, 09/12/2015 17:42
गोठ्यात झोपणारास बैलाच्या शेन मुताची घान येते म्हंटल्यास कसे जमेल?

बाबा योगिराज बुधवार, 09/12/2015 17:43
गोठ्यात झोपणारास बैलाच्या शेन मुताची घान येते म्हंटल्यास कसे जमेल?

बाबा योगिराज बुधवार, 09/12/2015 17:43
गोठ्यात झोपणारास बैलाच्या शेन मुताची घान येते म्हंटल्यास कसे जमेल?

बाबा योगिराज बुधवार, 09/12/2015 17:39
वायर तूटलेली होती. नीट करुण घेतली. लाइट इंडिकेटर दोन्ही व्यवस्थित चालु झाले.

सुबोध खरे गुरुवार, 10/12/2015 12:48
।हायला आमच्या एकशिन्गीला( UNICORN) नउ वर्षात मिळून पण एवढा खर्च झालेला नाही.

कपिलमुनी गुरुवार, 03/12/2015 16:51
१० वर्षे जुनी झाल्याने आणि सतत वजन्दार व्यक्तीमत्व बसल्याने गाडीचे सीट बदलायचे अहे. काही टिप्स ? थंडरबर्ड ला स्लिट सीट टाकायचा विचार आहे,

मोदक गुरुवार, 03/12/2015 18:26
मी या पूर्वी हा प्रश्न विचारला नसावा, मला रॉयल एन्फिल्ड क्लासीक ३५० ला मागच्या सीटसाठी बॅकरेस्ट / बॅक सपोर्ट बसवायचा आहे. याबाबत तुमचा अनुभव काय? इंदोर राईडमध्ये सीटची रूंदी कमी आहे हे जाणवले होते. त्यासाठी काय करावे? नवीन सीटचा प्लॅटफॉर्म घेवून फोमचे आकारमान वाढवावे का?

मोदक गुरुवार, 03/12/2015 19:30
ते उंचीला कमी वाटते आहे.. निव्वळ कंबरेला सपोर्ट मिळण्याऐवजी कंबर + पाठीचा थोडा भाग असा सपोर्ट मिळावा अशी अपेक्षा आहे.

आबा गुरुवार, 03/12/2015 19:07
मी दोन महिन्यापासून क्लासिक ३५० वापरत आहे, धाग्यामध्ये सांगितलेला ८० के.एम.पी.एच. ला बाईक कंप पावण्याचा त्रास मला तरी जानवला नाही. पूर्वी डीझेल एंजीनची बुलेट वापरत असे, तीच्यामध्ये हा त्रास होता

आबा गुरुवार, 03/12/2015 22:26
नाही ना, विकली वडीलांनी ४-५ वर्षापूर्वी परंतू थोडेफार पैसे आले की परत विकत घ्यायची इच्छा आहे...

अभ्या.. शनिवार, 05/12/2015 00:05
गप्पे. टॉरस हायेत अजून ७-८ सोलापुरात. सूरज पण आहे दोघा तिघाकडे. घ्यायची का सांग. ५५ अ‍ॅव्हरेज आहे बघ डिझेल ला. सगळी बुलेटच आहे फक्त इंजिन किर्लोसकरचे आहे बहुतेक.

खटपट्या शनिवार, 05/12/2015 15:41
ही गाडी खरच चांगली आहे. पण वायब्रेशन एवढे आहे की गाडीवर बसल्यावर वरच्या खीशातले सामानपण बाहेर पडेल...

आसिफ मंगळवार, 26/01/2016 01:08
होय, ६ वर्षापूर्वी रंग आणि इतर किरकोळ कामे केली होती, २ महिन्यांपुर्वी इंजिनचे काम (वॉल्व जरा आवाज करत होते )निघाले, मग एकदा इंजिन खोलले आहे तर इतरही काय असेल तर करून टाकू म्हणून आमच्या नाग्यादा (नागेश मिस्त्री ) ने सुचविले. मग हे बदलुया ते बदलूया , हे जुनं झालाय करत करत खुप सामान आणले गेले. मग लगे हाथ कलर आणि बफिंग चा विषय निघाला. म्हटलं ते ही करून टाकु .

आर्बि२३९९ बुधवार, 09/12/2015 19:39
माझे अनुभव कथन : माझी thunderbird ५०० होती (एप्रिल २०१३ -डिसेंबर २०१४, साधारण ३०००० running झालं होतं ). पण Royal enfield च्या गाड्यांना लहान मुलांसारखे जपावे लागते असं मला वाटतं !. चेन adjustment ने तर लई काव आणला होता . अन त्यात दोन वेळा battery acid overflow होऊन बुडाखाली धूर निघाला होता त्यामुळे मी विकून टाकली . Thunderbird touring साठी खूप चांगली आहे असा दावा आहे पण दिवसाला ६०० kms पेक्षा जास्त अंतर कापलं की दमायला व्ह्यायचे . त्यात ८० पेक्षा जास्त स्पीड ला body massage फुकट plus एकदम uncertain braking (तरी मी tyres Pirelli चे टाकले होते . Factory fitted एम आर एफ concrete झिजवतील पण त्यांना काही होणार नाही,एकदम कंडम ). अजुन एक म्हणजे अत्यंत घाण आफ्टर सेल्स support . सर्वाधिक dealers ना फक्त फ्री servicing ची कुपन्स फाडण्यात इंटरेस्ट असतो असा माझा तरी अनुभव आहे . त्यामुळे बाहेरचा mechanic शोधलेला बरा (पुण्यात असे बरेच आहेत !) अर्थात सगळेच negative points आहेत असं नाही ! ५०० चा लो एंड grunt दृष्ट लागावी असा आहे . त्यामुळे घाट कुठलाही असो ,२/३ gear मध्ये आरामात खेचायची . त्यात बुलेट ची engines एकदम लो स्पीड असल्यामुळे engine life amazing आहे . हे काही फोटो : चंबा ,हिमाचल प्रदेश चंबा ,हिमाचल प्रदेश साच पास ,हिमाचल प्रदेश Sach pass साच पास ,हिमाचल प्रदेश Sach pass वरंध घाट alt मरवन्थे बीच alt कन्याकुमारी alt वरंध घाट alt

आर्बि२३९९ सोमवार, 28/12/2015 14:48
५०० लवकर मिळत होती म्हणून :) jokes apart , ५०० Fuel Injected आहे अन ३५० carbureted त्यामुळे ५०० ची power delivery स्मुथ आहे असे मला वाटते अन additional torque कुणाला नको ? सध्या माझ्याकडे Kawasaki(ER-6n) आहे.

मोदक सोमवार, 27/06/2016 15:58
माझ्या क्लासीक ३५० ला अ‍ॅलॉय व्हील्स आणि त्याला ट्युबलेस टायर्स बसवायचे आहेत. (कारण बुलेट पंक्चर झाली तर काय होते ते कोणत्याही बुलेट मालकाला विचारा..) बाजारात ७ हजार ते १० हजार पर्यंत दोन्ही व्हील्स मिळत आहेत. मात्र ज्याच्याकडे अ‍ॅलॉय व्हील्स बसवत आहे त्याच्या मते सध्या जे टायर्स वापरत आहे तेच टायर्स (ट्युबशिवाय) त्या अ‍ॅलॉय व्हील्स ला बसतात आणि तसेच चालतात. माझ्या शंका १) ट्युबलेस टायर्स आणि साधे टायर्स वेगळे असतात का? (बहुदा असावेत) २) ट्युबशिवाय नुसते टायर्स अ‍ॅलॉय व्हील्स ला बसवले तर चालतात का? का काही अडचण येवू शकते? ३) माझी गाडी एकदाच पंक्चर झाली आहे आणि त्यावेळी सहा सात इंची खिळा वेडावाकडा घुसला होता. त्यामुळे टायरला जे नुकसान झाले आहे त्यामुळे तो टायर ट्युबलेस म्हणून वापरता येईल का?

कैलासवासी सोन्याबापु सोमवार, 27/06/2016 16:19

अलॉय व्हील्सच्या बिलकुल नादी लागू नका!

कारणे खालीलप्रमाणे 1 गाडी वजनदार आहे उगा प्लॅस्टिक नाही 2 ऑफरोडिंग करण्यात खूप अडचणी येतात अन बंधने येतात 3 मायक्रोक्रॅक्स डेव्हलप होतात रिम्स मध्ये, त्या कुठल्याक्षणी कसा दगा देतील भरवसा नसतो, आमच्या एका मित्राने ओरिजिनल नामांकित कंपनीचे फिन रिम्स (कडबा कटर प्रमाणे 2 फिन्स असणारे) घातले होते, गाडी ग्रामीण भागात खूप फिरे, गाडीचा आस म्हणजेच होल्डिंग पिन का काय म्हणतात त्याच्याजवळ बारीक क्रॅक झाल्या होत्या एकदा जोरात खड्डा आला तर पुढली राम 2 तुकडे झाली अन गडी फेकला गेला ते त्याच्याच डेंटिन्गपेंटिंग मध्ये काही हजार गेले, तस्मात सांभाळून मिफुस समाप्त आता तुमचे प्रश्न १) ट्युबलेस टायर्स आणि साधे टायर्स वेगळे असतात का? (बहुदा असावेत) - होय वेगळे असतात. २) ट्युबशिवाय नुसते टायर्स अ‍ॅलॉय व्हील्स ला बसवले तर चालतात का? का काही अडचण येवू शकते? -असे बसवलेले कधीच ऐकले नाहीत ३) माझी गाडी एकदाच पंक्चर झाली आहे आणि त्यावेळी सहा सात इंची खिळा वेडावाकडा घुसला होता. त्यामुळे टायरला जे नुकसान झाले आहे त्यामुळे तो टायर ट्युबलेस म्हणून वापरता येईल का? -चालत असल्यास बसवायला हरकत नाही, झालेल्या भगदाडास जर puncture curing epoxy solution (मिळते बाजारात ट्यूबलेस टायरचं puncture काढायच्या किट मध्ये) भरून सांधता आले तर तेच टायर वापरता येईल अवांतर, लद्दाखहुन आला आहात तेव्हा जमल्यास टायरं बदलूनच टाका असे सुचवतो अतिअवांतर लद्दाखचे पुढले भाग लवकर टाका हि विनंती अजून किती वेळ करावी ते सांगा मालक जरा

मोदक सोमवार, 27/06/2016 16:39
धन्यवाद बापु. हे असले पण रिम नको का? त्या कडबाकुट्टी रिमचा प्रॉब्लेम माहिती होता म्हणून हे दिसल्याक्षणी विचार मनात आला.. . आणि हो.. पंक्चर काढल्यानंतर टायरला काहीही सोल्युशन लावले नव्हते.

कैलासवासी सोन्याबापु सोमवार, 27/06/2016 16:42
मला वाटते ही सिक्सटीन स्पोक्ड हार्ले स्टाईल रिम्स ची कॉपी असावी, जर लावायचेच असे ठरले असेल तर ओरिजिनल हार्ले 16 स्पोक शोधा, त्याला 16 आरे असतील अन quality सुद्धा उत्तम मिळेल बाकी थोडा वेळ द्या तुम्हाला punctureless टायर संबंधी उत्तर जमल्यास सचित्र देतो :)

अनिरुद्ध.वैद्य सोमवार, 27/06/2016 16:48
रिपोर्ट चांगला आहे. पराडो / अल्टिमेट कंपनआचे अलॉय बरे असतात असे वाचुन आहे. अजुन्तरी स्वानुभव नाही.

कैलासवासी सोन्याबापु सोमवार, 27/06/2016 16:54
जावईबोआ आमचा एक मित्र 2 पाती प्राडो मुळेच तर जमा झाल्ता अकोल्याले हड्डीच्या हस्पतालातनी =))