चांदण्यातली रात्र असावी,डोळ्यांमद्धे स्वप्नं असावे अशा क्षणाला ओठी माझ्या,तुझेच केवळ नाव असावे. दुरुन कुठुनसा ओळखीतला,निशिगंधाचा सुगंध यावा, वार्‍यावरती वाहत अलगद,माझ्या श्वासामधे भिनावा. अशा क्षणाला मनात माझ्या,तुझेच केवळ गीत घुमावे, तुझ्या स्मॄतीने डोळ्यांमद्धे,माझ्या नकळत अश्रु जमावे. पाण्याच्या पडद्यातुन जेव्हा,दूर कुठेतरी तुला पहावे, स्वप्न असे की सत्य असे हे,माझिया मना मीच पुसावे. तुझ्या रेशमी स्पर्शाने मग,स्वप्नातुन मी जागे व्हावे, वास्तव सुद्धा असते सुंदर,हे माझ्या प्रत्ययास यावे. मग वाटावे,आपण आता,काळावरही मात करावी, इथेच थांबू द्यावा हा क्षण,फक्त तुझीच साथ असावी... फक्त तुझीच साथ असावी...