Skip to main content

सुंदर रूपाचं चांदणं....! (भारत उपासनी)

लेखक दिवाळी अंक यांनी शनिवार, 17/10/2015 23:43 या दिवशी प्रकाशित केले.
. . तुझ्या रूपाचं चांदणं पोरी जपून ठेवावं आणि नक्षत्राचं दान त्यात ओतून ठेवावं //१// असं टिपूर पडलं तुझ्या रूपाचं चांदणं तुला कसं गं सुचलं माझ्या नावाचं गोंदणं //२// तुझ्या रूपाचं चांदणं माझ्या नावाचं गोंदणं तुझा मेंदीचा गं हात माझं नक्षीचं कोरणं //३// तुझ्या हातावर नक्षी माझ्या नावाची कोरली चंद्रकोर आकाशीची उगा स्वतःशी लाजली //४// कशापायी लाजली गं चंद्रकोर आकाशीची मिठी पडली पृथ्वीची दूरवर क्षितिजाची //५// माझ्या काळजाच्या पोटी तुझी पृथ्वी किती मोठी तुझ्या रूपाचं चांदणं त्याला क्षितिजाची मिठी //६// 1 . . (चित्रः पियुशा) . . कवि : भरत उपासनी शारदाकुंज,एन थ्री एल २४,सिडको कॉलनी,पहिली स्कीम,नाशिक ४२२००९. भ्रमणध्वनी : ८०५५८५२९७८. .
दिवाळी अंक वर्ष
दिवाळी अंक २०१५
वाचने 10030
प्रतिक्रिया 10

प्रतिक्रिया

एस शुक्रवार, 13/11/2015 12:36
सुंदर कविता! एकात एक गुंतलेली कडवी आवडली! ह्या कवितेच्या फक्त शीर्षकावरून सुलेखन केले होते. कविता कशी आहे हे माहीत नव्हतं, आत्ता लक्षात कविता वाचल्यानंतर आलं की सुलेखनातही शब्द एकमेकांत गुंफल्यासारखे आले आहेत. :-) फार छान कविता. मागच्या अंकातही तुम्ही कविता दिल्या होतात ते आठवलं.

पैसा शुक्रवार, 13/11/2015 13:30
कविता आवडली. पिवशीने काढलेलं चित्र पण छान!

कवितानागेश शनिवार, 14/11/2015 00:51
छान . आवडली.

पुनवेचा चन्द्र गुरुवार, 26/11/2015 14:50
खुपच छान. तुझ्या हातावर नक्षी....माझ्या नावाची कोरली....चंद्रकोर आकाशीची....उगा स्वतःशी लाजली..... माझ्या काळजाच्या पोटी...तुझी पृथ्वी किती मोठी...तुझ्या रूपाचं चांदणं....त्याला क्षितिजाची मिठी अप्रतिम रचना!!!! शब्द छान गुन्तवले आहेत एकमेकात

नाखु गुरुवार, 26/11/2015 14:53
आणि कवीता दोन्ही मस्त आहेत..