सा रे ग म लिटील champs ही स्पर्धा कोण जिन्केल?

लय भारी

आता घराला आन गोठ्याला कौल लावावे कि पत्रा? मला वाटत स्लॅब लईच महाग पर्याय आहे. पत्रा आपला स्वस्त. प्रकाश घाटपांडे

अदितीसाठी एकदा जोरदार टाळ्या झाल्या पाहिजेत.

प्रथमेशने गायलेले गाणे , बाळासाहेबांनी दिलेली दाद , त्यांनी सांगितलेला खळ्यांचा किस्सा.. ..आमच्यासारख्या बाप्यांनाही पाझर फुटावा अशा गोष्टी. फारच सुंदर एपिसोड होता तो. बाय द वे , खळे-वाडेकर हे अतिशय डेड्ली काँबिनेशन आहे . चालींचा अनवटपणा एकवेळ राहू द्या. खळ्यानी वाडकरांकरता दिलेल्या गाण्यातली लय ही भानगड भीषण असते ! "लय भारी" !! (मंगेशकर आणि वाडकर दोघांनीही लयीचा मुद्दा कार्यक्रमात सांगितला आहे ) काही उदाहरणे देतो म्हणजे स्पष्ट होईल : - काळ देहासी आला खाऊ - जेव्हा तुझ्या बटांना , उधळी मुजोर वारा -धरिला वृथा छंद एकेक गाण्याचा ताल समजून घेताना गाफा !!!:-)

हे असे आहे तर , तरीच बाकीचे स्पर्धक कॉलबॅक ला आले नाहित असो! बोललो की तात्या बोलतो म्हणतात! परंतु हे सर्व राजकारण मी खूप जवळून पाहिले आहे/पाहात आहे! मी स्वत: ख्याल संगीताशी जास्त निगडित आहे परंतु चित्र व भावसंगीतातलीही बरीच मंडळी माझ्या ओळखीची आहेत, परिचयाची आहेत, माझ्या बैठकीतली आहेत! त्यांच्यामुळेच मला अंदरकी बात, पैशांचे राजकारण, गटबाजी, हेवेदावे इत्यादी अनेक गोष्टी समजतात! असो.. परंतु ही जीवघेणी स्पर्धा, एस एम एसच्या पैशांच्या राजकारणात गुणी कलाकारचा बळी जाणार, सापशिडी काय, प्रत्येक गाण्यावर चर्चा काय, वयाच्या मानाने आवाच्या सवा प्रसिद्धी काय, लतादिदीसोबत फोटो काय, रायगडभूषण काय! जे चाललं आहे ते सगळं ठीकच आहे म्हणायचं..! परंतु या सगळ्यात कला ही कुठेतरी घुसमटतच जाणार आहे, जाईल! तसे होऊ नये एवढीच आमची कळकळ! ती सर्व मुलं गुणी आहेत हे निर्विवाद परंतु तात्पुरतं यश, एस एम एसचे छाती फोडणारे पैशाचे राजकारण आणि त्यातले जयपराजय, इत्यादी गदारोळात त्या मुलांचंच गाणं कुठेतरी हरवेल की काय अशी भिती वाटते. अपयश पचवणे खूप सोपे असते परंतु वयाच्या मनाने वारेमाप यश, प्रसिद्धी इत्यादी गोष्टी पुढेमागे त्या गुणी मुलांना पचवणे जड जाईल, लॉगटर्मचा विचार करता ते त्यांच्या गाण्याकरताच धोक्याचे ठरेल/ठरू शकेल असा माझा अनुभव सांगतो..! असो, आपण काय बोलत नाय बा! बोललो की तात्या बोलतो म्हणतात, त्याला काय कळत नाय म्हणतात! सदर धागा हा, "सा रे ग म लिटील champs ही स्पर्धा कोण जिन्केल"" या संबंधात आहे. कुणीही जिंको, त्या स्पर्धकाचे मी आत्ताच हार्दिक अभिनंदन करतो..आणि त्याला/तिला त्याच्या/तिच्या पुढील कारकीर्दीकरता सुयश चिंतितो..! आपला, (गाण्यायले फारसे काही न कळणारा, व ऑर्थोडॉक्स विचारांचा!) तात्या.

स्पर्धेच्या गुणदान पद्धतीत एकूण संशयाला बरीच जागा आहे! आम्ही ज्या गोष्टींबद्दल फार पूर्वी आरडाओरड केली होती, निषेध व्यक्त केला होता, त्या गोष्टी आत्ता आत्ता लोकांच्या ध्यानात येऊ लागलेल्या आहेत! असो, हेही नसे थोडके..! चालू द्या.. (झी किंवा कुणाच्याही एस एम एस चे मिंधे न होता, उपासमार करून तावून सुलाखून निघलेल्या बाबूजी/भीमसेनांचा भक्त) तात्या.

तात्या तुमच्यावर अविश्वास नाही. पण जो सर्वोत्तम गायक आहे त्याची अशी पैशासाठी अडवणूक होईल असं वाटत नाही. म्हणजे तो झी चा मूर्ख पणा म्हटला पाहिजे. तसा रोहित राउत हा कोणाचा तरी सॉलिड वरदहस्त घेउन आल्यासारखा वाटतो. की जो केव्हाच बाहेर गेला असता तरी अजून टिकून आहे आणि कधितरि बरा गायला की तुझा ग्राफ चढता आहे असं त्याचं कौतुक होतं म्हणजेच तो सुधारला आहे. आर्या, प्रथमेश यांना स्पर्धा करण्याच्या दर्जाचा नाही हे खरं. अवंती का कुणास ठाउक सरळ मुलगी वाटते. ती पैसे देउन आत राहिली असेल असं वाटत नाही. अगदी चांगली गाणारी अवंती अचानक खराब कशी गायला लागली आणि एकदम सगळे जण तिच्या बाबतीत उगाच खार खाउन असतात असं वाटतं. तसं असेल तर शमिका बाहेर जाऊन शाल्मली परत येणं वादग्रस्त वाटतं. मुग्धा गोड आहे आणि चांगली गातेही तिच्या वयाच्या मानाने पण त्याचा अति फायदा मिळतो आहे तिला विशेषतः एस एम एस मध्ये. त्यामुळे शेवटी पुण्याची आर्या एस एम एस कमी पडले म्हणून मुग्धाच्या मागे पडेल की काय असं वाटतं. ते गुण मोजताना एक प्लस आणि मायनस साइन ही सरळ सरळ ऍडजस्ट्मेंट वाटते सोयीस्कर. गुण मोजायला साप आणि शिडी कसली ! मुलं खुप छान गातात हे चतुरंगांचं म्हणणंच खरं... अवांतर: तात्या छोट्या गोड मुलांचं सुगम गायन आणि पन्नास साठ वर्षापूर्वीची पंडितजींची साधना हा ऍपल मँगो संबंध वाटतो.