केरळी फिश करी

भाजी केलीये ती कढई मातीची आहे का? छान दिसतेय. भाजीपण छान दिसतेय. पण आम्ही बटाटे घालून करू. :)

भारी जमली आहे

मातीचे भांडे छान आहे. त्यात फोडणी करता येते ही नवी माहिती आहे.

वाखुसाआ.

उत्तम सादरीकरण. पुपाप्र.

अयय्यो...हे मिपाकर मंडळी मला फिश इटर बनवुनच सोडणार असते वाटते की हो ! { वडा सांभार } ;) मदनबाण..... आजची स्वाक्षरी :- Ittage Recchipodham... ;) :- Temper

तुला काय गं सगळं साऊथ इंडियन च आवडतं का? :) रंग सुरेख आलाय, सादरीकरण पण झकास ! नक्की करुन बघेन.. मातीच्या कढईचा वास लागला का गं छान?

बघून गेले गं रेसिपी! छान सादर केलीये.

यार,ती शेवटच्या फोटोतली करी कढईसकट टेबलावर आणण्यासाठी कोणती जादू करावी?

खरच तोपासू.

मातीच्या भांड्यातलं काहीपण आपल्याला फार आवडतं. पण तू नेमका मासा केलास.. हरकत नाय.. आम्ही पनीर घालु (जय दिपक बाबा!) रंग एक नंबर आलाय...!

मस्त दिसतिये फिश करी.

फिशकरी छानच दिसतेय, मला ते मातीचं भांडं फारच आवडलंय.. ते असं कढई सारखं वापरता येतं हे माहित नव्हतं. स्वाती

इन्द कर्री रोम्बा नल्ला इरुक्कु! (मलयाळम तेरियादु).

मातीचे भांडे घेतल्यावर ते स्वच्छ कसे करायचे हेच माहित नव्हते म्हणून ईतके दिवस घ्यायची टाळाटाळ करत होतो. आता जाउन घेतोच. बाकि फिश करी बद्दल काय बोलणार.... ह्याच्या बरोबर साउथ ईंडियन मट्टा राईस असेल तर बास....जेउन जी समाधी लागते त्याला तोड नाहि. फोटो छान आलेत.

मस्त पाकृ आणि सादरीकरण.

खूप छान पाककृती आणि फोटो. मातीचं भांडं खूपच मस्तं.

वाव इडली.. मस्तच आहे पाकृ. मी नक्की करुन बघणारे हि करी. ते मातीचे भांडे तर मस्तच. घरी साबांकडे पण आहे एक मातीचे भांडे. त्या त्याच्यामधे प्रॉन्सकरी करतात. भारी एकदम. मी मागच्या वर्षी भारतातुन येताना मातीचे छोटे मडके आणले आहे. त्यात मी बिर्याणी करते. पण तेवढी २ जणांना पुरत नाही त्यामुळे जास्त करणे होत नाही त्यात.

अरे मडक्या.... बद्दल काय बोलताय रे? त्या माशाचा जीव गेलाय त्याबद्दल बोला की काही!

फिश करीची पाककृती जरा वेगळी आहे. करून पाहिली पाहिजे. बाकी, मुख्य गायकापेक्षा वादकांनाच वाहवा मिळाल्याने मैफिलीत रंग भरला नाही.

छान पाकृ! शेवटचा फोटो खास!

छान आहे पाककृती, फोटो ही मस्तं आहेत. मातीचे भांडे फार फार आवडले आहे ;) ह्यावेळेस भारतवारीत मातीचा छोटा तवा आणलाय , त्यावर भाकर्‍या छान, खमंग होतात. मातीचे तवकट आणायची फार इच्छा आहे पण कसे ते कळत नाही.

मला फक्त ते सुंदर मातीचे भांडे दिसत आहे.पत्ता देते पाठवुन देणे. मी पनीर ,बटाटे अस काहि घालुन करावी म्हणतेय.मासे काहि कामाचे नाहित.

मातीच्या भांड्याचा विषय चर्चिला गेला आहे म्हणून माझे चार पैसे. (झैरात वाटत असल्यास इग्नोर करावे) मुंबई गोवा हायवे (NH17) वरती माणगांव जवळ (पनवेलकडून आल्यास माणगांवच्या अलिकडे १० किमी आणि पुण्यातून गेल्यास ताम्हिणीघाट-निजामपूर-माणगांव-इंदापूर असा रूट आहे) इंदापूर नामक छोट्याश्या गावात श्री. राजेश कुलकर्णी यांचे "आकार पॉट आर्ट" नामक 'स्टुडीओ पॉटरी आर्ट' चे वर्कशॉप आहे. माझ्याकडे असणार्‍या बहुतांश मातीच्या वस्तू त्यांच्याकडून आणलेल्या / तयार करून घेतलेल्या आहेत. पाणी प्यायचे तांब्या-भांडे, सातारी लोटा, गडू, वेगवेगळ्या आकाराचे ग्लासेस, पाणी प्यायचीच मातीची बाटली अशा वेगवेगळ्या घाटाची भांडी त्यांच्याकडे ऑर्डर देवून करून घेता येतात. मी अनेकदा तांब्याच्या (Copper) किंवा मिळतील त्या वस्तू त्यांच्याकडे घेवून जातो व त्यामध्ये हवे ते बदल करून मातीच्या रोज वापरायोग्य वस्तू तयार करून घेतो. वरील प्रकारचे / आणखी कोणत्याही प्रकारचे स्वयंपाकाचे भांडे त्यांच्याकडे मिळू शकेल. फक्त तेथे जाण्यायेण्याची चिकाटी असावी कारण पुण्यातून इंदापूरचे अंतर साधारणपणे १३० किमी आहे. त्यांचे शोरूमही बघण्यासारखे आहे. सजावटीच्या वेगवेगळ्या वस्तू, शोपीस, नेमप्लेट्स, पॅनल्स अशा असंख्य प्रकारच्या वस्तू तेथे मिळतात. स्टुडीओ पॉटरी आर्ट असल्याने मातीचे फिनिशींग एकदम स्मूथ असते व मातीही भारतातल्या बर्‍याच ठिकाणांहून आणि बहुदा काही प्रकार भारताबाहेरून आणवलेली असते. तसेच एकंदर सेटअप अत्याधुनीक आहे. वस्तूंच्या किंमती पाहताना या सर्व बाबी विचारात घ्याव्यात असे आवर्जून नमुद करत आहे. (मातीचा एक तांब्या व एक भांडे यांची किंमत अंदाजे ४००/-, पाणी प्यायच्या ६ ग्लासच्या सेटची किंमत ६००/-) या प्रकारची झाकणाला ग्लास जोडलेली तांब्याची बाटली त्यांच्याकडे पाठवून मातीची बाटली करवून घेतली. यामध्ये सछिद्रता कमी असते त्यामुळे पाणी फारसे गार होत नाही परंतु वॉटर कंटेनर म्हणून घरातल्या घरात वापरण्यास उपयुक्त आहे. त्यांच्या स्टुडीओची एक झलक.. त्यांचा पत्ता.. Behind Indapur S.T.Stand,, A/p:Talashet, Tal: Mangaon, Dist: Raigad, Mumbai-Goa road NH 17, Indapur, Maharashtra 402112 Phone:02140 266 266 आणखी एक.. मागच्या आठवड्यातील इंदूर ट्रीपमध्ये एक वेगळ्या प्रकारचा तवा मिळाला. (हा तवा मध्य प्रदेशातील "धार" येथून आणलेला आहे) या तव्याला "कल्ला" म्हणतात. वरून दिसत आहे तसे स्मूथ तर आतून थोडेसे खरखरीत फिनीशिंग आहे. याला एकसमान अंतरावर आरपार छिद्रे असल्याने फुलका भाजताना नंतर फ्लेमवर भाजून फुगवावा लागत नाही. यावरच भाजतो आणि फुगतो. मातीवर भाजल्याने एकप्रकारचा खमंगपणा येतो.

वा !!!! खूपच मस्त झालीये फिशकरी

अप्रतिम आहेत वस्तु.छान माहिती स्टुडिओची.