अंगाई..

अंगाई

मी लहान असताना झोपण्यापूर्वी आईला खूप त्रास देत असे . त्यावेळी आजच्या T.V. सारखी साधने नव्हती त्यामुले मला झोपवता , झोपवता आई थकून जायची मी तिला रोज हैराण करून सोडायचो आणि मग ती अंगाई गायची , आता आईलापन जास्त आठवत नाही मग जेवढी आठवली तीच इथ देतोय ....... "कृष्णा घालितो लोळण , आली यशोदा धावून , काय रे मागतोस बाळा तुला देते मी आणून ", "आई मला चांदोबा दे आणून त्याचा चेंडू मी बनविण , असला रे कसला बाळा तू जगाच्या वेगळा ." " कृष्णा घालितो लोळण , आली यशोदा धावून , काय रे मागतोस बाळा तुला देते मी आणून ", " आई मला चांदण्या दे आणून त्याच्या लाह्या मी बनविण , असला रे कसला बाळा तू जगाच्या वेगळा" " कृष्णा घालितो लोळण , आली यशोदा धावून , काय रे मागतोस बाळा तुला देते मी आणून ", "आई मला साप दे आणून त्याचा चाबूक मी बनविण , असला रे कसला बाळा तू जगाच्या वेगळा" मी झोपलो असा पाहून आई हळूच उठून जाऊ लागली कि अंगाई बंद झालेली पाहून मी भोकाड पसरले म्हणून समझायच अन आई दुसरी अंगाई म्हणू लागायची , " राजा राणी ची नको , चिऊ ताई ची नको गोष्ट सांग आई मला रामाची वेळ माझी झाली आता झोपेची , वेळ माझी झाली आता झोपेची ." "आयोधेचा राजा राम पहा , सीतेचा पती राजा राम पहा ......................................... अंगाई ऐकत आईच्या कुशीत झोप कशी यायची कळत सुद्धा नव्हत , नकळत संस्कार सुद्धा घडत होते. आज या जमान्यामध्ये अशा जुन्या प्रथा , परंपरांना स्थान नसलेलं पाहून दुख होते. आता ना कोणत बाळ अंगाई साठी रडत ना कोणती आई अंगाई गाते .? -------------------------------------------------------------------------------------------------------------------------------------------- टिप :- माझ्या आईकडून लहानपणी ऐकलेल्या आणि आईला आत्ता आठवत असलेल्या अंगाई वरून हे लिहित आहे. --------------------------------------------------------------------------------------------------------------------------------------------