सोपी मसाला सुपारी

साहित्य बडीशोप- ३ वाट्या ओवा- ३/४ वाटी लवंग-अर्धी वाटीच्या किंचित जास्तं वेलदोडे- अर्धी वाटीच्या किंचित जास्तं सुके खोबरे किसलेले ( किंवा डेसीकेटेड कोकोनट)- १ वाटी तीळ- १ वाटी ज्येष्ठ मध पावडर- दीड वाटी मीठ आणि साखर- चवीपुरते. कृती शोप, ओवा, लवंगा, वेलदोडे, किसलेले खोबरे, आणि तीळ निरनिराळे अगदी खरपूस भाजून घ्यावे. या सगळ्या गोष्टी खमंग भाजणे महत्वाचे आहे, बाकी साहित्याचं प्रमाण थोडं कमी जास्तं झालं तरी चालतं. तीळ आणि ज्येष्ठ मध पावडर सोडून बाकी सगळ्या गोष्टी मिक्सर मधे बारीक कूटून घ्याव्या. कूटलेल्या मिश्रणात भाजलेले तीळ आणि ज्येष्ठ मध पावडर टाकावी. चवीला किंचित साखर आणि मीठ टाकावे. यात सुपारी नसल्यामुळे लहान मुलांनी खाल्ली तरी काहीच हरकत नाही , उलट त्यांना पाचक म्हणून चांगलंच आहे. यात रंगीत शोपेच्या गोळ्या पण टाकु शकता. मस्तं लागतात. माहितीचा स्रोत: माझ्या सासूबाई.