Skip to main content

डॉ. कलबुर्गी..यांची हत्या..

लेखक संजय पाटिल यांनी रविवार, 30/08/2015 15:07 या दिवशी प्रकाशित केले.
https://www.google.co.in/url?sa=t&rct=j&q=&esrc=s&source=web&cd=1&cad=r… डॉ. नरेन्द्र दाभोळ्कर, कॉ. गोविन्द पानसरे आणि आता डॉ. कलबुर्गी यांना गोळ्या झाडुन ठार मारण्यात आले. नेमके काय चाललय?
वाचने 41862
प्रतिक्रिया 227

प्रतिक्रिया

फुलथ्रॉटल जिनियस रविवार, 30/08/2015 15:21
हिंदुत्ववादी संघटना आक्रमक झाल्या आहेत,त्यातुनच पुरोगामी लोकांचे खून पडत आहेत.केंद्रात व अनेक राज्यात हिंदुत्ववादी सरकारं असल्यामुळे अश्या खूनातील आरोपींना मोकळे सोडन्याकडे कल वाढला आहे. याला प्रत्युत्तर म्हणुन विद्रोही ,परिवर्तनवादी कार्यकर्त्यांनी हातात बंदुका घेतल्यास आश्चर्य वाटायला नको.

सुबोध खरे सोमवार, 31/08/2015 09:06
विद्रोही ,परिवर्तनवादी कार्यकर्त्यांनी हातात बंदुका घेतल्यास मग नक्षलवादी, जिहादी,उल्फा, नागा बंडखोर कोण आहेत? आणि आत्ता काय ते लाटणे मोर्चा काढतात काय? जाता जाता फुल थ्रोटल -- थ्रोटल म्हणजे ("गळा") आवळणे.

प्यारे१ रविवार, 30/08/2015 15:58
अशा भेकड हत्या करणार्‍या लोकांचा आणि त्यामागे जे कुणी असतील त्या सर्वांचा ती व्र नि षे ध.

डॉ सुहास म्हात्रे रविवार, 30/08/2015 17:16
हत्येचा निषेध. अश्या हत्यांनी काय साधले जाते कोणास ठावूक ?!

श्रीगुरुजी रविवार, 30/08/2015 18:18
कलबुर्गी यांच्या खुनाचा निषेध! कर्नाटक सरकारने त्यांच्या खुन्यांना लवकरात लवकर पकडून न्यायालयात खेचून जास्तीत जास्त शिक्षा मिळण्याकरिता प्रयत्न करावे. कलबुर्गी हे नाव आज आयुष्यात पहिल्यांदाच ऐकलं. हे नक्की कोण, कुठले, त्यांनी नक्की काय केलं इ. बद्दल आजतगायत कणभरही माहिती नव्हती. गुगलल्यावर खालील माहिती मिळाली आणि धक्काच बसला. http://www.niticentral.com/2014/06/22/ur-ananthamurthy-should-leave-peo…
Jnanpith Awardee and distinguished Kannada scholar Professor UR Ananthamurthy (URA) has once again hit the headlines, for the wrong reasons, and as some would say predictable reasons, given his penchant for anti-Hindu writing. URA, as he is commonly known, said that he had once pissed on an idol which was worshiped by the villagers. A crazy act though it may be but apparently he did so because he wanted to prove that the idol had no powers. After his shock-and-shame act, nothing shocking and shaming happened to him and so the learned professor concluded that it was after all, only a stone. The controversy sparked off due to a news report over a speech by MM Kalburgi, former Vice-Chancellor, Hampi University at a public program in Karnataka. Kalburgi in his address reportedly referred to an essay written by URA where the latter recounts a childhood experience when he urinated on a temple deity in a village. Apparently this act was to challenge the belief systems handed down to him in his family which said that everything was sacred.
हे स्वतःला विचारवंत, बुद्धीप्रामाण्यावादी आणि प्रागतिक विचारांचे समजले जाणारे अशी किळसवाणी आणि एका विशिष्ट समाजाच्या भावना व श्रद्धास्थाने दुखावणारी कृत्ये का करतात? अशी कृत्ये करून समाजातील मूर्तिपूजा थांबणार आहे का? इतरांच्या धार्मिक भावना दुखावून त्यांना नक्की कसले विकृत समाधान मिळाले? जरी हे कृत्य बालवयात केले असले तरी त्याबद्दल खेद, खंत न वाटता वयाच्या उत्तरार्धात त्याबद्दल पुस्तक लिहून प्रसिद्ध करून त्यांना नक्की कसले समाधान मिळते? अनंतमुर्तींच्या या किळसवाण्या कृत्याचा निषेध न करता जाहीर सभेत त्याचा संदर्भ देऊन कलबुर्गींनी नक्की काय मिळविले? मूर्तीपूजा ही अंधश्रद्धा आहे हे या कृत्यातून अनंतमूर्तींना सिद्ध करायचे होते तर इतर धर्मात सुरू असणार्‍या मूर्तीपूजेला त्यांनी कधी अशा प्रकारे किंवा इतर कोणत्याही प्रकारे विरोध केला होता का? तसा केला नसल्यास फक्त हिंदू धर्मातील मूर्तिपूजा ही अंधश्रद्धा आणि इतर धर्मातील मूर्तिपूजा ही डोळस श्रद्धा आहे असा त्यांचा समज होता का? असेच कृत्य करण्याचे धाडस त्यांनी इतर धर्मांच्या श्रद्धास्थानांबद्दल दाखविले असते का? मला कधी कधी वाटते की हिंदू अतिसहिष्णु असल्याने बिनदिक्कत कोणीही कसलीही कृत्ये करून सश्रद्ध समूहाच्या भावना दुखावतो आणि भावना दुखावणारा विचारवंत, बुद्धीप्रामाण्यवादी इ. विशेषणांनी गौरविला जातो.

श्रीगुरुजी रविवार, 30/08/2015 18:25
याच संदर्भात कलबुर्गींसंदर्भात अजून माहिती मिळाली. https://www.youtube.com/watch?v=mS5y9Asrzug
BANGALORE: Former vice-chancellor of Kannada University Dr M M Kalburgi's remarks 'there is nothing wrong in urinating on idols,' has sparked criticism in the literary, political and academic circles. The BJP workers staged a protest at Ananda Rao Circle condemning Kalburgi's remarks that were interpreted by many as anti-God. Researcher Dr M Chidananda Murthy termed Kalburgi's statements 'uncivilised and nonsensical'. "His criticism of blind beliefs is not correct. Kalburgi said idols should not be worshiped and it is not wrong to urinate on them. This is pure nonsense," Murthy said. "It is Kalburgi's nature. When he was the V-C, he did not have a problem with temple located within the campus and now he is asking people to abandon temples," he said. At a seminar on the controversial Anti-superstition Bill held here on Monday, Kalburgi had made a mention of Kannada writer U R Ananthamurthy urinating on a stone idol. Ananthamurthy told Express that while superstitions do not exist, people faced constant struggles with God. Recalling his childhood experience, Ananthamurthy said he had once urinated on an idol to check if something happens."I was surrounded by orthodox people and was disturbed about God's existence. So I urinated on a statue. I was filled with love and terror for God," he said. Kalburgi's statement was creating an impact because of Modi's victory in the recent elections, he said. Writer K Marulasiddappa said scientific temperament has to be developed among people and a law cannot do away with superstitions. "Political parties cannot be blamed for the popularity of a faith or superstitions," he said. Bangalore University's former V-C M S Thimmappa said Kalburgi termed urination as an unholy act and that in itself is a blind belief.People get solace from having faith in Gods and their idols and images and unless a person has an alternative suggestion, it is reckless on the part of a mature professor to pass such comments, he said. "He has done this to get a kick out of what Ananthamurthy did as a child and had no intellectual and academic points to bolster his argument," he said.
कलबुर्गींचा खून निषेधार्ह आहे. परंतु त्यांचे वरील उद्गार हे जास्त निषेधार्ह आहेत.

प्यारे१ रविवार, 30/08/2015 18:37
+११११. तरीही हत्या समर्थनीय नाही वाटत.

अंतरा आनंद सोमवार, 31/08/2015 12:44
कलबुर्गींचा खून निषेधार्ह आहे. परंतु त्यांचे वरील उद्गार हे जास्त निषेधार्ह आहेत.
वा तुमच्या भावना या एखाद्याच्या रक्तापेक्षा जास्त बहुमोल आहेत असं मानता यातच सर्व आलं उगाच तोंडदेखला निषेध तरी का करता?

प्यारे१ सोमवार, 31/08/2015 12:57
किंचित असहमत. बर्‍याचदा आपण १० रुपयासाठी खून, जेवणात मीठ कमी पडलं किंवा जास्त पडलं म्हणून खून, अमुक एक गोष्ट ऐकली नाही म्हणून खून वगैरे ऐकतो, वाचतो. यात या सगळ्या क्षुल्लक गोष्टी रक्तापेक्षा जास्त मोलाच्या असतात असं मानायचं असतं का? भावना तीव्र च असतात. त्या शब्दांद्वारे व्यक्त झाल्यावर प्रतिक्रिया (कौटुंबिक वादात बहुतेक वेळा ती 'पति'क्रिया असते) म्हणून खून होतात. ध्वजासाठी जीवाची आहुति वगैरे देणारे, आई वडलांना अपशब्द बोलले म्हणून हाणामार्‍या करणारे, घराण्याबद्दल काही बोललं म्हणून डोकं फोडणारे यांच्याबद्दल काय बोलता येईल? एखाद्याला माणसावर मूत्रविसर्जन करण्याची भाषा करणार्‍या व्यक्तीचं किंवा तिला समर्थन देणार्‍या व्यक्तीचं समर्थन होऊ शकतं का? बहुतेक ९९.९% नाही. त्या व्यक्तीबद्दल घृणा च वाटेल. मग जी बहुसंख्यांची श्रद्धास्थानं आहेत त्याबाबत अशी भाषा का? याशिवाय ज्या गोष्टीमुळं दुसर्‍या व्यक्तीला नंतरची कृती करायला उद्युक्त केलं जातं त्या गोष्टीचा निषेध अधिक प्रमाणावर आणि अधिक तीव्रतेनं केला जायलाच हवा.

श्रीगुरुजी सोमवार, 31/08/2015 13:45
याशिवाय ज्या गोष्टीमुळं दुसर्‍या व्यक्तीला नंतरची कृती करायला उद्युक्त केलं जातं त्या गोष्टीचा निषेध अधिक प्रमाणावर आणि अधिक तीव्रतेनं केला जायलाच हवा.
+१

भृशुंडी रविवार, 30/08/2015 23:20
एक तांत्रिक कुतूहल आहे- कुठल्या सर्च टर्मसाठी गुगलल्यावर पहिल्या १० लिंक्स/ सर्च रिझल्ट niticentral कडे घेऊन जातात? हे कळेल का? आता आणखी एका लिंकनुसार -
U.R. Ananthamurthy’s Bethale Puje Yake Kudadu, in which the Jnanpith award winner narrated his childhood experience of urinating on a stone idol as an experiment to see whether there would be divine retribution of some kind.
. विधान केलं अनंतमूर्तींनी, त्यातही आपल्या बालपणीच्या प्रयोगांबद्दल, त्याचा उल्लेख केला कलबुर्गींनी- आणि त्याचा विपरीत रेफरन्स घेऊन, हा बादरायण संबंध जोडून डायरेक्ट "विचारवंत, बुद्धीप्रामाण्यवादी मंडळी असं का करतात" असं generalization करून टाकता आहात. ही सरासर दिशाभूल आहे. . @भावना दुखावणे, इतर धर्मीय वगैरे - त्यांना आपल्या धर्माबद्दल काही बोलायचं असेल, तो त्यांच्या अभ्यासाचा विषय आहे. प्रत्येकाने तुम्हाला हव्या त्या धर्मातल्या त्रुटींबद्दल बोलायला हवं का? उठसूठ कुठल्याही विषयावर बोलल्याने धार्मिक भावना भडकणार असं म्हटलं, की मग काही करायलाच नको. बरं, दुखावल्या धार्मिक भावना, तर लगेच दारावर टकटक करून गोळ्याच घालून टाकायच्या! अधे मधे काहीच नाही? सुंदर. आवडली ही मेथडॉलॉजी आपल्याला, आणि ह्याचं अप्रत्यक्षरित्या समर्थन करणारे तुम्ही ( "खुनापे़क्षा विधान करणं हे जास्त निषिद्ध आहे") आणि तुमचा सहिष्णु धर्म, राईट? . मेळ बसत नाही ह्या सगळ्याचा.

श्रीगुरुजी सोमवार, 31/08/2015 13:55
विधान केलं अनंतमूर्तींनी, त्यातही आपल्या बालपणीच्या प्रयोगांबद्दल, त्याचा उल्लेख केला कलबुर्गींनी- आणि त्याचा विपरीत रेफरन्स घेऊन, हा बादरायण संबंध जोडून डायरेक्ट "विचारवंत, बुद्धीप्रामाण्यवादी मंडळी असं का करतात" असं generalization करून टाकता आहात. ही सरासर दिशाभूल आहे.
अनंतमूर्तींनी बालवयात घृणास्पद कृती केली. ती कृती न कळत्या बालवयातील केलेली कृती म्हणून कदाचित हलकेपणाने घेता येईल. परंतु नंतर मोठेपणी, कळत्या वयात आपल्या घॄणास्पद कृतीबद्दल त्यांना आयुष्यात कधीही खंत, खेद वाटला नाही. उलट वयाची साठी उलटल्यानंतर एक लेख लिहून त्यात कृतीचे वर्णन करून समर्थन केले. कलबुर्गींनी सुद्धा २०१४ मध्ये वयाच्या ७६ व्या वर्षी त्या कृतीचे समर्थन केले. विचारवंत, बुद्धीप्रामाण्यवादी समजल्या जाणार्‍यांपैकी किती जणांनी या कृतीवर टीका केली आहे? काल असे अनेक तथाकथित विचारवंत कुलबर्गींचे कौतुक करताना त्यांच्या हत्येचा निषेध करीत होते. त्यांच्या हत्येचा निषेध करताना हिंदू देवतांच्या मूर्तीवर लघवी करण्याचे समर्थन करणार्‍या त्यांच्या वक्तव्याचा का निषेध केला नाही? असले बहुसंख्य तथाकथित विचारवंत असे वागत असल्यावर आपोआप generalization होणारच.

श्रीगुरुजी सोमवार, 31/08/2015 14:17
@भावना दुखावणे, इतर धर्मीय वगैरे - त्यांना आपल्या धर्माबद्दल काही बोलायचं असेल, तो त्यांच्या अभ्यासाचा विषय आहे. प्रत्येकाने तुम्हाला हव्या त्या धर्मातल्या त्रुटींबद्दल बोलायला हवं का? उठसूठ कुठल्याही विषयावर बोलल्याने धार्मिक भावना भडकणार असं म्हटलं, की मग काही करायलाच नको. बरं, दुखावल्या धार्मिक भावना, तर लगेच दारावर टकटक करून गोळ्याच घालून टाकायच्या! अधे मधे काहीच नाही? सुंदर. आवडली ही मेथडॉलॉजी आपल्याला, आणि ह्याचं अप्रत्यक्षरित्या समर्थन करणारे तुम्ही ( "खुनापे़क्षा विधान करणं हे जास्त निषिद्ध आहे") आणि तुमचा सहिष्णु धर्म, राईट?
अभ्यासाचा विषय असेल तर कोण विरोध करेल? परंतु देवतेच्या मूर्तीवर असले घृणास्पद कृत्य करून त्याचे नंतर समर्थन करणे योग्य आहे का? असे कृत्य म्हणजे उठसूठ कुठल्याही विषयावर बोलणे नाही. हे अत्यंत घृणास्पद आणि एका विशिष्ट धर्मियांच्या श्रद्धास्थानावर आघात करणारे कृत्य आहे. मी गोळ्या घालण्याचे प्रत्यक्ष किंवा अप्रत्यक्ष समर्थन केलेले नाही. निषेधच केलेला आहे. परंतु माझ्या दृष्टीने आधी केलेले घॄणास्पद कृत्य हे नक्कीच जास्त निषेधार्ह आहे.

श्रीगुरुजी रविवार, 30/08/2015 18:30
अनंतमूर्तींना ज्ञानपीठ पुरस्कार मिळालेला होता. कलबुर्गींना साहित्य अकादमीचा पुरस्कार मिळाला होता. सध्या जगातील प्रत्येक विषयावर वाटेल ते बरळणारे नेमाडे यांना देखील ज्ञानपीठ पुरस्कार मिळालेला आहे. या मानाच्या पुरस्काराकरिता अशा व्यक्ती निवडणार्‍यांची कीव आली.

श्रीगुरुजी रविवार, 30/08/2015 18:56
https://en.wikipedia.org/wiki/M._M._Kalburgi विकीवरून अजून माहिती मिळाली. लिंगायत समाजाचे संस्थापक बसवेश्वर यांच्या संदर्भातही कलबुर्गींनी वादग्रस्त विधाने केलेली दिसतात.
He came under criticism in the 1980s from the lingayats community of Karnataka, after he was accused of making "derogatory references" to Basava, a 12th-century philosopher who is revered by the community, Basava's wife and sister, in his Marga 1, a work on Kannada folklore, religion and culture. In 1989 Kalburgi was forced by the Lingayat temple-chiefs to recant the allegedly derogatory references to the founder of Veerashaivaism, Basava, his wife and sister. The controversy was about two articles in his book Marga 1. In the first, Kalburgi examined several vachanas (poems) written by Basaveshwara's second wife Neelambike and concluded that her relationship with her husband may have been only platonic. In the other article, he pointed out the obfuscation by historians of the birth of Channabasava, another Virashaiva poet. Kalburgi, relying on historical records, argued that Channabasava could be the product of Basava's sister Nagalambike's marriage to Dohara Kakkaya, the cobbler-poet. After recanting his views Kalburgi had said, "I did it to save the lives of my family. But I also committed intellectual suicide on that day."

विनोद१८ रविवार, 30/08/2015 23:45
याचा काही सबळ पुरावा आहे का ??? हाती असल्यास तो हातोहात समोर ठेवावा, म्हणजे अभ्यासणे सोपे होईल.

श्रीगुरुजी सोमवार, 31/08/2015 14:28
लिंगायत हा हिंदुधर्माचाच एक भाग आहे. तो वेगळा धर्म नाही. ही ५ जानेवारी २०१५ ची लिंक बघा. http://www.newindianexpress.com/states/karnataka/%E2%80%98Lingayats-Are… त्यातील काही वाक्ये - Lingayat is an independent religion with its own culture, tradition and a sacred book, said Vishwa Lingayat Mahasabha national president Sanjay Makal. Makal said if Lingayat becomes an independent religion, it would get Central government aid up to `300 crore, which can be used to uplift the community and the religion would get global recognition. Expressing anguish over the status of Lingayats in Hinduism, he said: “Hindus consider us as shudras even though we follow Brahminic tradition. लिंगायत हा वेगळा धर्म असल्याची कायदेशीर घोषणा केंद्र सरकारने करावी अशी गेल्या १०-१२ वर्षांपासून काही लिंगायत नागरिकांनी मागणी केली आहे. परंतु लिंगायत समाजात या मागणीला संपूर्ण पाठिंबा नाही. ऑक्टोबर २०१३ या दिवसी टाईम्स ऑफ इंडिया मध्ये याबद्दल एक बातमी आली आहे. http://timesofindia.indiatimes.com/city/bengaluru/Lingayats-renew-deman… The All India Veerashaiva Mahasabha president and senior Karnataka minister Shamnur Shivashankarappa is lobbying at the Centre to seek 'religious minority' status for Lingayats by seeking a separate identity from Hinduism. But there don't seem to be many takers for this within the community. The demand has been kept alive for the past decade by some Lingayat leaders, most of whom happen to be the Mahasabha's office-bearers. During the last census in 2011, the proponents for delinking Veerashaiva from Hinduism exhorted their community members to opt for the 'Other' in the column for religion during enumeration.

अर्धवटराव रविवार, 30/08/2015 20:20
निवडणुक जींकता येत नसेल तर असे बळी घेऊन विरोधकांना बदनाम करण्याचा प्रयत्न करायचा? हद्द झाली नालायकपणाची.

कवितानागेश सोमवार, 31/08/2015 12:05
.

बोका-ए-आझम रविवार, 30/08/2015 20:27
चार्ली हेब्दोवर मुस्लिम मूलतत्ववाद्यांनी हल्ला केला आणि तिथल्या लोकांना मारलं तेव्हा धर्माची कुचेष्टा करणं वाईटच. त्याचाच हा परिणाम आहे अशी एक प्रतिक्रिया वाचली होती. इथे फक्त धर्म बदलले आहेत. शिवाय स्वघोषित आरामखुर्चीतले न्यायाधीश काहीही पुरावा सापडलेला नसताना हिंदुत्ववादी संघटनांवर खापर फोडून मोकळे झालेले आहेत. एकूण काय तर इस्लामी धर्मांधांनी घेतलेला सूड समर्थनीय आहे आणि इथे कोणताही पुरावा नसताना हिंदू ब‌ॅशिंग चालू झालेले आहे. शिवाय वैयक्तिक टीकासुद्धा. टाका टाका, अजून आपापल्या मतांच्या पिंका टाका. असं करण्याचे किती पैसे मिळतात ते विचारलं तर लगेच व्यक्तिगत टीका वगैरे म्हटलं जाईल आणि स्वतःची तथाकथित धर्मनिरपेक्ष बडबड सोयीस्कररीत्या विसरली जाईल. दुस-याकडे आरोपाचं एक बोट रोखलेलं असताना बाकीची तीन बोटं स्वतःकडे रोखलेली असतात हे जेव्हा लक्षात येईल तो सुदिन. बाकी चालू द्या.

श्रीगुरुजी रविवार, 30/08/2015 22:26
अनंतमूर्ती किंवा कलबुर्गी यांना विचारवंत म्हणणार्‍यांची कीव येते. एखाद्या विचाराला किंवा कृतीला आपला विरोध असेल तर फक्त सेलेक्टिव्ह विरोध करायचा (म्हणजे हिंदू सोडून इतर धर्मातील मूर्तिपूजेविरूद्ध यांची तोंडातून ब्र काढायची हिम्मत नव्हती आणि ज्या ठराविक ग्रुपला विरोध करायचा त्यांच्या श्रद्धास्थानावर लघवी करण्याचे समर्थन करायचे. हे म्हणे विचारवंत! हे तर खरे अविचारीच आहेत.

भृशुंडी रविवार, 30/08/2015 22:56
श्रीगुरूजी, प्रतिसादांतून मताच्या पिंका टाकून आपला विरोध दाखवून देण्यात काहीच हशील नाही. बरं, विरोध असला तरी तो एका किमान सभ्यतेच्या पातळीवर केला, तर हरकत नाही. पण आपल्या प्रतिक्रियांतून जी काही असभ्य आणि हेतूपुरस्सर टीका दिसून येते, ती किमान पातळी सोडून होते आहे, हे लक्षात घ्या. तेव्हा विषयाशी संबंध नसलेल्या अनंतमूर्तींना वगळू. आता कलबुर्गींना नक्की काय विरोध आहे, त्यांच्या कुठल्या मुद्द्यांवर आक्षेप आहेत आणि त्यावर काय प्रतिवाद आहेत ते मांडा. पण अमुक ह्यांना विचारवंत म्हणू नये, तमक्याची कीव येते, इतर धर्मांवर का टीका नाही केली- ह्या नेहेमीच्याच दिशाभूल करणार्‍या वाक्यांना टाळलंत तर बरं होईल, कारण वडाची साल पिंपळाला लावण्यार्‍या ह्या प्रतिक्रिया कुठल्याही मुद्द्यावर दिसतातच. (पहा-पीके!) --- आणि मी डू आयडी आहे का वगैरे फालतू मुद्द्यांवर न आलेलंच बरं. नेहेमी वाचक मोडमधे असलो तरी असल्या प्रतिसादाला उत्तर दिल्यावाचून रहावलं नाही. थँक्यू.

श्रीगुरुजी सोमवार, 31/08/2015 14:35
तेव्हा विषयाशी संबंध नसलेल्या अनंतमूर्तींना वगळू. आता कलबुर्गींना नक्की काय विरोध आहे, त्यांच्या कुठल्या मुद्द्यांवर आक्षेप आहेत आणि त्यावर काय प्रतिवाद आहेत ते मांडा.
"देवतांच्या मूर्तीवर लघवी करणे चुकीचे नाही" असे कलबुर्गींनी २०१४ मध्ये जाहीररित्या सांगितले होते. त्यांच्या या विचारसरणीला विरोध व आक्षेप आहे.
पण अमुक ह्यांना विचारवंत म्हणू नये, तमक्याची कीव येते, इतर धर्मांवर का टीका नाही केली- ह्या नेहेमीच्याच दिशाभूल करणार्‍या वाक्यांना टाळलंत तर बरं होईल, कारण वडाची साल पिंपळाला लावण्यार्‍या ह्या प्रतिक्रिया कुठल्याही मुद्द्यावर दिसतातच. (पहा-पीके!)
जर तुम्ही एका विशिष्ट धर्मातल्या एका विशिष्ट कृतीला अत्यंत खालच्या पातळीची कृती करून विरोध करता आणि अशा घॄणास्पद कृतीचे समर्थन करता आणि त्याचवेळी इतर धर्मातील अगदी तशाच कृतीबद्दल तोंडातून विरोधाचा चकार शब्दही काढत नाही तेव्हा त्यांच्यावर टीका होणारच. देवीच्या जत्रेत कोंबड्या-बकर्‍यांचे बळी द्यायच्या कृतीला विरोध आणि इदच्या दिवशी कापल्या जाणार्‍या बकर्‍यांच्या बाबतीत मात्र मौन, असे सेलेक्टिव्ह बॅशिंग केल्यावर टीका होणारच.

अंतरा आनंद सोमवार, 31/08/2015 12:49
नका म्हणू त्यांना विचारवंत पण स्वतःच्या घरातली घाण दाखवल्यावर समोरच्याच्या घराकडे बोट दाखवता का? का त्याहीपलीकडे जाउन दुसर्^याच्या घरातली घाण हा आदर्श मानून आपलं घरही तितकं घाण करण्याच्या पाठी लागता का ?

श्रीगुरुजी सोमवार, 31/08/2015 14:38
नका म्हणू त्यांना विचारवंत पण स्वतःच्या घरातली घाण दाखवल्यावर समोरच्याच्या घराकडे बोट दाखवता का? का त्याहीपलीकडे जाउन दुसर्^याच्या घरातली घाण हा आदर्श मानून आपलं घरही तितकं घाण करण्याच्या पाठी लागता का ?
आपल्या आवडत्या दैवतांच्या मूर्तीची पूजा ही स्वतःच्या घरातली घाण कधीपासून झाली? आणि ज्यांना मूर्तीपूजा घाण वाटते त्यांनी विरोधाच्या नावाखाली थेट मूर्तीवरच घाण करायची आणि त्याचे समर्थन करायचे? हे योग्य वाटते का?

अंतरा आनंद मंगळवार, 01/09/2015 11:04
देवीच्या जत्रेत कोंबड्या-बकर्‍यांचे बळी द्यायच्या कृतीला विरोध आणि इदच्या दिवशी कापल्या जाणार्‍या बकर्‍यांच्या बाबतीत मात्र मौन, असे सेलेक्टिव्ह बॅशिंग केल्यावर टीका होणारच.
याबद्द्ल बोलतेय मी .

dadadarekar रविवार, 30/08/2015 23:12
मुरतीपुजेचा विरोध हा गुन्हा आहे ? आर्यसमाज हेच म्हणत होता ना ? आर्यसमाज्म्हणजे ते पिंडीवर उंदीर चढलेला पाहून पुजा वगैरे सोडुन दिलि ते. न तस्य प्रतिमा अस्ति यस्यनाममहद् यशः

काळा पहाड सोमवार, 31/08/2015 00:41
अजिबात गुन्हा नाही. तो एका धर्माचा प्रेषित नव्हता का मूर्तीपूजेला विरोध करत, ६ वर्षाच्या बालिकेशी लग्न लावताना? आणि कुमारी नसणार्‍या कुमारी मातेचे पुतळे लावतातच ना त्यांच्या धर्मस्थानात. कसा असेल गुन्हा? हां आता एखाद्या अतिरेकी विचाराच्या माणसाचं डोकं फिरलं आणि घातल्या त्यानं गोळ्या तर तो धर्माशी संबंधित विषय थोडाच असेल?

dadadarekar सोमवार, 31/08/2015 06:09
कुंती , सत्यवती यांना एकेक पुत्र होऊनही त्यांचं कौमार्य शाबूत होतं ना ? तुमच्या पुस्तकात असा चमत्कार होऊ शकतो , तर इतर धर्मांतील स्त्रीयानाही असे अनुभव येऊ शकतात ना ?

बोका-ए-आझम सोमवार, 31/08/2015 08:36
४०००-५००० वर्षांपूर्वी स्त्रियांच्या कौमार्याची. एवढं महाभारत वाचूनसुद्धा त्यातलं लक्षात काय राहिलं तर हे. यावरून मेंदू कुठे आहे आणि काय विचार करतोय हे समजतंय. बाकी चालू द्या.

dadadarekar सोमवार, 31/08/2015 09:49
दोन हजार वर्षे मागे त्यांची बुद्ध्ही गेली. मg मी माझीही बुद्ध्ही अजुन दोन हजार वर्षे मागे नेली. त्यांची बुद्धी युरोपच्या टूरवर चालली होती. मी त्या बुद्धीला कुरुक्षेत्रावर नेऊन सोडली.

काळा पहाड सोमवार, 31/08/2015 10:43
चित भी मेरी पट भी मेरा असं होत नस्तं ना भौ. तुम्ही हिंदू धर्मातल्या गोष्टींवर आडून आडून हल्ले करणार, तुमची बुद्धी मागल्या शतकात किंवा त्यापूर्वी तुमच्या सोयीप्रमाणं नेणार आणि आम्ही बुद्धी याच शतकात ठेवायची? अजून पुरेसा मैदानातसुद्धा आलेलो नाही तर चार हजार वर्षापूर्वीचे साहित्य गोळा करायची तुमची धडपड. अभी तो पिक्चर बाकी है मेरे दोस्त.

बोका-ए-आझम सोमवार, 31/08/2015 01:24
हा अजिबात गुन्हा नाही. पण तो व्यवस्थित आणि रीतसर पद्धतीनेही करता येतो. जसा आर्यसमाजाने केलेला आहे. प्रक्षोभक भाषा वापरल्याशिवाय विरोध करताच येत नाही अशी ज्यांची समजूत आहे आणि मूर्तिपूजेमागचं कारण जाणून न घेता जे विरोध करतात त्यांच्याबद्दल काय बोलावे? आणि मूर्तिपूजेला विरोध हा मुद्दाच नाहीये. मुद्दा हा आहे की जर तो तसा असेल तर इतर धर्मांमध्ये जी मूर्तिपूजा होते तिचाही हे विचारवंत विरोध करतात का? जर विरोध आहे तर सगळ्याच धर्मांमधल्या मूर्तिपूजेला हवा. Selective विरोध हा दांभिकपणा आहे.

dadadarekar सोमवार, 31/08/2015 06:12
सिलेक्टिव्ह हे गोड लेबल लावून स्वतःचा तांत्रिकदृष्ट्या बचाव करणे हा जास्ती मोठा दांभिकपणा आहे.

प्रा.डॉ.दिलीप बिरुटे सोमवार, 31/08/2015 07:44
एकाच व्यक्तीने सर्वच धर्माच्या अनिष्ट गोष्टींना विरोध केला पाहिजे असं काही असतं का ? लिंगायत धर्म तसा पुरोगामी धर्म त्याच्यातही न पटणा-या गोष्टी असतील असा समाज धर्मांधतेच्या विळख्यात जात असतील आणि आजच्या काळात तो विचार कालबाह्य असेल तर त्याबद्दल मत मांड्णं, अनिष्ट गोष्टी चालत असतील तर त्याला विरोध केला म्हणुन कोणाची हत्या करणार का ? -दिलीप बिरुटे

बोका-ए-आझम सोमवार, 31/08/2015 08:58
अधिकृतरीत्या म्हणजे सरकारी नियमांनुसार लिंगायत हा वेगळा धर्म मानला जातो का यावर जाणकारांनी प्रकाश टाकावा. त्याचा उल्लेख पंथ असा ऐकलेला आहे. धार्मिक अल्पसंख्यांकांमध्ये मुस्लिम,शीख,ख्रिश्चन, बौद्ध, जैन आणि पारशी यांचाच समावेश होतो. लिंगायत हा शब्द त्यात नाहीये. तस्मात् जाणकारांनी सांगावे.

प्रा.डॉ.दिलीप बिरुटे सोमवार, 31/08/2015 10:41
लिंगायत पंथच आहे धर्म नाही.. -दिलीप बिरुटे

सुबोध खरे सोमवार, 31/08/2015 09:25
प्राध्यापक साहेब कलबुर्गीनि समर्थन केलेली किंवा अनंत मूर्तींनी केलेली गोष्ट सर्वथैव त्याज्य आहे. मूर्ती हे एक प्रतिक असते आपल्या श्रद्धेचे. आपल्या श्रद्धेला तडा जाणार्री गोष्ट कुणी केली तर ती पटणार नाही. मी बलदंड असेन तर मी कुणाच्या आईवर मुत्र विसर्जन किंवा बापावर थुंकलेले चालेल का( येथे धर्माचा संबंध नाही) केवळ ते प्रतिवाद करू शकत नाहीत म्हणून असे करणे समर्थनीय होऊ शकेल का ? मग लोकांच्या श्रद्धास्थानाला हीन धक्का लावण्यात काय हशील आहे.प्रत्येक धर्मात हीन गोष्टी आहेतच. म्हणून त्याचा प्रतिवाद हा विचारानेच करणे आवश्यक आहे. ख्रिस्ताच्या किंवा बुद्धाच्या मूर्तीवर किंवा कुराणावर किंवा एखाद्याने अगदी शेंदूर फासून उभा केलेला देव असेल तरी त्यावर मुत्र विसर्जन हे कृत्य समर्थनीय कसे ठरेल. मग अनंत्मुर्तींचे किंवा कल्बुर्गींचे कृत्य आपण समर्थनीय कसे ठरवणार? अर्थात म्हणून त्यांची हत्या करणे हे कुठल्याहि अर्थाने समर्थनीय नाही आणि तो गुन्हाच आहे आणि त्याला शिक्षा झालीच पाहिजे. त्यांच्या( अनंत मूर्ती किंवा कलबुर्गी) या आचरट कृत्याचा प्रतिवाद हत्येने करणे सर्वथैव चूक आहे. (त्यांच्या तोंडाला काळे फासणे इ. कृत्य कदाचित समर्थनीय असू शकेल). पण त्याचबरोबर त्यांचे कृत्य समर्थनीय हि नाही. आपल्याला एखाद्या १५ वर्षाच्या मुलाने आईवरून अत्यंत घाण शिवी दिली तर आपण त्याच्याशी प्रतिवाद करता का ताबडतोब त्याच्या श्रीमुखात भडकावता? मी आपणास हा प्रश्न आपण सुशिक्षित आणि विचारवंत( प्राध्यापक) म्हणून विचारतो आहे.

गॅरी ट्रुमन सोमवार, 31/08/2015 10:32
कलबुर्गीनि समर्थन केलेली किंवा अनंत मूर्तींनी केलेली गोष्ट सर्वथैव त्याज्य आहे. मूर्ती हे एक प्रतिक असते आपल्या श्रद्धेचे. आपल्या श्रद्धेला तडा जाणार्री गोष्ट कुणी केली तर ती पटणार नाही.
+१०००००. याविषयी विवेकानंदांची वाचलेली एक गोष्ट आठवते.कुठल्याशा संस्थानाच्या प्रधानाने विवेकानंदांना मूर्तीपुजेविषयी प्रश्न विचारला.प्रधान म्हणत होता की मूर्ती तर दगड असते.त्यात थोडी देव असतो?विवेकानंदांना त्याच खोलीत लावलेली त्या संस्थानच्या राजाची तसबीर दिसली.त्यांनी त्या प्रधानाला त्या तसबीरीवर थुंकायला सांगितले.त्यावर प्रधान म्हणाला--अहो स्वामीजी मी असे कसे करू? राजे तर माझे अन्नदाता आहेत. त्यावर विवेकानंद हसून म्हणाले की ती तर तुमच्या अन्नदात्याची तसबीर आहे.तुमचे अन्नदाते तर वेगळेच आहेत!! यातून विवेकानंदांना नक्की काय म्हणायचे आहे हे प्रधानाला समजलेच. आजही राष्ट्रध्वजाला वंदनीय का मानले जाते?ते तर एक कापडच असते.राष्ट्रध्वज जाळणे हा कायद्याने गुन्हा आहे. तो का? स्वातंत्र्यलढ्यातही गोळ्या खाऊनही जीवाचा आटापिटा करून ध्वज सांभाळायचा प्रयत्न स्वातंत्र्यसैनिकांनी कसा केला याच्या गोष्टी आपण सगळ्यांनीच ऐकलेल्या आहेत. मूर्तीपुजेत आणि या गोष्टींमध्ये नक्की काय फरक आहे?

बोका-ए-आझम सोमवार, 31/08/2015 11:02
सहमत. आणि पुरोगामी डावे मार्क्सचे, लेनिनचे झालंच तर मानवेंद्रनाथ राॅय यांचे विचार मानतात. समाजवादी लोहियांना मानतात. त्यांच्या विचारांमध्ये जरा बदल करण्याचा प्रयत्न केला तरी त्या माणसाची revisionist म्हणून निर्भर्त्सना करतात. ही पोथिनिष्ठा मूर्तिपूजेसारखीच आहे. तात्विक दृष्ट्या काहीच फरक वाटत नाही. स्कवतःला पुरोगामी म्हणवणारे कम्युनिस्ट त्यांच्या विळ्याकोयत्याच्या प्रतिकाबाबत, चे ग्वेव्हाराच्या त्या प्रसिद्ध फोटोबाबत टोकाचे आग्रही असतात. बरं, त्यांचा सलाम लालच का असतो? हिरवा, पिवळा, काळा वगैरे का नसतो? हीसुद्धा मूर्तिपूजाच आहे. कलबर्गींनीही तसं म्हटलं तर मूर्तिपूजाच केली - फक्त देवाऐवजी अनंतमूर्ती होते, एवढाच फरक आहे.

कैलासवासी सोन्याबापु सोमवार, 31/08/2015 11:12
१०००+, भारतीय कम्युनिज्म यझ आहे

गॅरी ट्रुमन सोमवार, 31/08/2015 11:27
भारतीय कम्युनिज्म यझ आहे
यातील भारतीय हा शब्द काढला तरी या वाक्याचा अर्थ बदलणार नाही :)

कैलासवासी सोन्याबापु सोमवार, 31/08/2015 11:54
दादा बाहेरील कम्युनिज्म चा बेसिक अन काही क्रोनोलॉजी सोडता काही अभ्यास नाही तस्मात् ज्याचा अभ्यास तितकेच बोललो!! :)

मदनबाण सोमवार, 31/08/2015 15:40
हत्येचा निशेध... बाकी, डॉक तुमचा प्रतिसाद वाचल्यावर क्षणभर मला माझाच एक जुना प्रतिसाद आठवला ! मदनबाण.....

प्रा.डॉ.दिलीप बिरुटे सोमवार, 31/08/2015 11:00
डॉक्टर साहेब, वर उल्लेख आला आहे तसा की बालवयात त्यांनी काय कृत्य केलं त्याचं आता समर्थन होऊ शकत नाही, मुर्ती पूजेत कुठलंही शास्त्र नाही किंवा त्यात विज्ञानही नाही म्हणुन त्यावर मुत्र विसर्जन करा असा अर्थ त्यात असेल तर ते चुकच आहे. माणसाच्या रक्तात श्रद्धा इतक्या प्रचंड खोलवर रुजुन बसलेल्या असतात की त्या एका क्षणात बाहेर काढुन फेकता येत नाही. आणि असं काही टोकाचं विधान करुन, किंवा श्रद्धा तोडून कोणत्याही परंपरा विचार बदलत नसतो आधुनिक विचार जनमानसात रुजवावा लागतो. आणि हळुहळु तो विचार समाजात रुजत असतो. >>>> अर्थात म्हणून त्यांची हत्या करणे हे कुठल्याहि अर्थाने समर्थनीय नाही आणि तो गुन्हाच आहे आणि त्याला शिक्षा झालीच पाहिजे. सहमत. विषय संपला. -दिलीप बिरुटे

बोका-ए-आझम सोमवार, 31/08/2015 11:07
बिरुटे सर. पण काहीही पुरावा नसताना त्यांची हत्या हिंदुत्ववाद्यांनी केली असा अपप्रचार करणा-यांचं काय? त्यांच्या हत्येला हत्या हा गुन्हा म्हणून न पाहाता जे हिंदुत्ववादी कारस्थान म्हणून पाहात आहेत आणि तेही पुरावा नसताना - त्यांनी आपल्या मताच्या शिंका टाकताना विचार करायला हवा की नको? याबद्दल तुमचं काय मत आहे? की तिथेही विषय संपला असं म्हणून तुम्ही स्टाफरुमच्या दिशेने निघून जाणार आहात?

प्रा.डॉ.दिलीप बिरुटे सोमवार, 31/08/2015 11:16
हिंदुत्ववाद्यानीच हे कृत्य केलं असा कोणत्याही पुराव्या शिवाय मी तरी विधान करणार नाही. हिंदुत्ववाद्याचं कारस्थान असंही म्हनणार नाही, पण या पूर्वी असा काही कोणी प्रयत्न केला असेल तर त्यांच्यावर शंका तर येणारच ना ? मी चर्चेत जे पटतं आणि जो विचार आधुनिक जगाशी सुसंगत आहे त्याच्याशी बांधिलकी ठेवून मी स्टाफरुम मधे बसलेलो असलो तरी वाचत लिहित राहीन. -दिलीप बिरुटे

बोका-ए-आझम सोमवार, 31/08/2015 11:44
हा किती घातक असू शकतो याबद्दल मी सांगायला नकोच. त्यामुळे एखादा निरपराध माणूस आयुष्यातून उठू शकतो. यापूर्वी असा प्रयत्न केला असेल तर त्याचाही पुरावा नाहीये. हे म्हणजे पूर्वी ब्रिटिशांनी काही जमातींना सरसकट गुन्हेगार ठरवून त्यांचं आयुष्य बरबाद केलं, तशातलाच आधुनिक धर्तीवरचा प्रकार आहे.

प्रा.डॉ.दिलीप बिरुटे सोमवार, 31/08/2015 13:11
पंधरा दिवसापूर्वीच त्यांनी त्यांची सुरक्षा काढून घ्यायची विनंती केली होती. सुरक्षा द्यावी लागली याचा अर्थ कोणी तरी धमकी दिली असावी ! अशी धमकी देणारे जे कोणी असतील त्यांच्यावर संशय येणारच यात पूर्वग्रहाचा काय सबंध ? -दिलीप बिरुटे

बोका-ए-आझम सोमवार, 31/08/2015 13:49
सुरक्षा काढून घेताच त्यांची हत्या झाली. हा योगायोग जरा अविश्वसनीय नाही वाटत? ज्या माणसाने हिंदू धर्माबाबत वादग्रस्त विधाने केलेली आहेत त्याची हत्या होताक्षणी संशय हिंदुत्ववादी संघटनांवर येणार हे उघड आहे आणि पोलिस त्यामागे लागणार आणि भाजपसारखे हिंदुत्ववादी पक्ष बदनाम होणार - असं कारस्थान असू शकतं. ती शक्यता विचारात न घेता धमकी देणा-यांवर, जे हिंदुत्ववादी संघटनांचे सदस्य होते याचाही पुरावा नाही, संशय येणारच हे जे आपण म्हणताय तोच पूर्वग्रह. माझा मुद्दा सिद्ध केल्याबद्दल धन्यवाद!

श्रीगुरुजी सोमवार, 31/08/2015 14:09
सुरक्षा काढून घेताच त्यांची हत्या झाली. हा योगायोग जरा अविश्वसनीय नाही वाटत? ज्या माणसाने हिंदू धर्माबाबत वादग्रस्त विधाने केलेली आहेत त्याची हत्या होताक्षणी संशय हिंदुत्ववादी संघटनांवर येणार हे उघड आहे आणि पोलिस त्यामागे लागणार आणि भाजपसारखे हिंदुत्ववादी पक्ष बदनाम होणार - असं कारस्थान असू शकतं.
+१ अगदी बरोबर. दाभोळकर आणि पानसरे यांच्या खुनाच्या मागे हाच हेतू असावा असा माझा अंदाज आहे. २००९ मध्ये देशात व महाराष्ट्रात निवडणुक होणार होती. त्या पार्श्वभूमीवर हिंदुत्ववादी संघटनांना व भाजपला बॅकफूटवर नेण्यासाठी मालेगाव प्रकरणात साध्वी प्रज्ञासिंग, कर्नल प्रसाद पुरोहीत इ. ना पुरेसे पुरावे नसताना अडकविण्यात आले आणि २००९ मधील निवडणुकीतील प्रचारात याचा भरपूर वापर केला गेला. २०१४ मध्ये देशात व महाराष्ट्रात निवडणुक होणार होती. दरम्यानच्या काळात २०१३ पर्यंत महाराष्ट्रातील आघाडी सरकारने सनातन प्रभात संस्थेवर बंदी आणण्याचे प्रयत्न २ वेळा केला. कोणताही सबळ पुरावा नसल्याने दोन्ही वेळा ही बंदी आणण्याचे प्रयत्न फसले. त्यामुळे या संस्थेवर बंदी आणण्याचा प्रयत्न तिसर्‍यांदा सुरू झाला होता. दाभोळकरांचा खून २० ऑगस्ट २०१३ या दिवशी झाला. खून झाल्यावर काही मिनिटातच पृथ्वीराज चव्हाणांनी असे जाहीर वक्तव्य केले की या खुनामागे हिंतुत्ववादी संघटना आहेत. असे जाहीर विधान करून तातडीने तपासाची दिशा फक्त सनातनवर केंद्रीत करण्यात आली. खुनानंतर पुढील २ आठवडे सनातनच्या अनेक कार्यकर्त्यांची कसून तपासणी झाली. त्यातून काहीही सापडले नाही. दरम्यान खुन्यांना पुरावे नष्ट करण्यास आणि निसटून जाण्यास भरपूर वेळ मिळाला. सनातन विरूद्धच्या तपासात एखादा किरकोळ धागादोरा मिळाला असता तरी त्याचे निमित्त करून सनातनवर पुन्हा बंदी आणण्याचा प्रयत्न झाला असता आणि त्याचा उपयोग २०१४ च्या निवडणुकीत करून घेता आला असता. या खुनामागे तत्कालीन सत्ताधारी पक्षातील कोणतरी कट्टर सनातनविरोधी प्रबळ नेता असावा असा माझा अंदाज आहे. आधी दाभोळकर, नंतर पानसरे आणि आता कलबुर्गी. भाजप व मोदी यांच्याशी विकासाच्या मुद्द्द्यावर झुंज देणे अशक्य असल्याचे लक्षात आल्याने आता अशा हत्या करून हिंदुत्ववादी संघटनांची म्हणजेच पर्यायाने भाजप व मोदींची प्रतिमा कलंकित करण्याचा हा प्रयत्न असावा असा माझा अंदाज आहे.

भुमन्यु मंगळवार, 01/09/2015 00:20
हीच भावना दाभोळकर, पानसरे ह्यांच्या हत्येवेळीही आली होती. बंगळूर महानगर पालिकेचे निकाल नुकतेच लागलेत, त्यातही स्युडो सेक्युलर पक्ष पडले आहेत. ह्या सर्व घटना अगदीच योगा-योगाच्या असु शकत नाहीप. अवांतरः जर काँग्रेसचा इतिहास विचारात घेतला तर, बरेच गैर गांधी घराण्यातले पंतप्रधान पदाचे दावेदार अकस्मिक मृत्युनेच वारलेत.

dadadarekar सोमवार, 31/08/2015 11:16
कर्नाटकातील ज्येष्ठ विचारवंत व कन्नड विद्यापीठाचे माजी कुलगुरू एम. एम. कलबुर्गी यांच्या हत्येसंदर्भात बजरंग दलाशी संबंधित एका पदाधिकाऱ्याच्या ट्विटने खळबळ उडाली आहे. हे ट्विट व्हाॅट्सअॅपवर व्हायरल झाले आहे. बजरंग दलाचा सहसमन्वयक भूविध शेट्टी याच्या नावे हे ट्विट आहे. यात कलबुर्गी यांच्या हत्येची जबाबदारी स्वीकारण्यात आली. 'आधी यू. आर. अनंतमूर्ती लक्ष्य होते, आता एम.एम. कलबुर्गी. हिंदुत्वाची टर उडवा आणि मरण पत्करा, यापुढे के. एस. भगवान तुमचा नंबर आहे,' असे हे ट्विट नंतर रात्री काढून टाकण्यात आलेे. या ट्विटरवरून कर्नाटक पोलिसांनी तपास सुरू केला आहे. शेट्टीच्या नावे गरुड पुराण ट्विटर अकाउंट असल्याचे समजते. यावर आधी बरेच वादग्रस्त ट्विट झाल्याची माहिती सूत्रांनी दिली. मात्र, असे कुणी आहे अथवा नाही याबाबत विश्व हिंदू परिषद वा बजरंग दलाच्या नेत्यांनी अनुमोदन दिले नाही.

बोका-ए-आझम सोमवार, 31/08/2015 11:35
असं ट्वीट हा पुरावा होऊ शकत नाही. कोर्टात सिद्ध झालंय का? Indian Evidence Act नुसार (जो भाजप सरकारने बनवलेला नाही) हा बजरंग दल किंवा विश्व हिंदू परिषद त्यात सहभागी होते याचा पुरावा म्हणता येणार नाही. शिवाय कर्नाटकात काँग्रेसचं सरकार आहे. ते खरं काय ते शोधून काढतील अशी अपेक्षा आहे.

dadadarekar सोमवार, 31/08/2015 12:52
त्यांचा खून बजरंगदलाने केलाय असे मी म्हटलेले नाही. पेप्रात आलेलं तुम्हाला व इतराना दाखवणं. इतकेच मीकेले

भृशुंडी सोमवार, 31/08/2015 09:42
बोका-ए-आझमजी, तसं नसतं हो. दांभिकतेचा तुमचा युक्तीवाद तर्कविसंगत आहे. त्याच न्यायाने मी असंही म्हणू शकतो, की तुम्ही फक्त कलबर्गी/अनंतमूर्तींनाच विरोध करताय, बाकीच्यांचं काय? त्यांनाही (शोधा) आणि विरोध करा नाहितर तुम्ही दांभिक आहात. तेव्हा असं काही नसतं. ज्या विषयाबद्दल आत्मीयता आहे त्यातल्या त्रुटी समोर आणणं हे सर्वथैव अभ्यासकाच्या विषयक्षेत्रावर अवलंबून आहे. मग तो हिंदू धर्म असेल किंवा आणखी काही.

बोका-ए-आझम सोमवार, 31/08/2015 10:34
बाहेर आणल्या जातात त्याच्यावरही ब-याच गोष्टी अवलंबून आहेत. स्वामी विवेकानंद किंवा बाबासाहेब अांबेडकरांनीही हिंदू धर्मातल्या त्रुटी दाखवल्या आहेत पण त्यामागचा त्यांचा हेतू हा कुचेष्टेचा नव्हता तर सुधारणेचा होता. कलबर्गींची हत्या होणं हे वाईटच आहे - ती त्यांनी हिंदू धर्मावर टीका केल्यामुळे झाली आणि हिंदुत्ववाद्यांनी केली याचा काहीही पुरावा अजून समोर आलेला नसताना - आणि Nothing is selective over here असं तुम्ही म्हणताय आणि ज्या विषयाबद्दल आत्मीयता असते त्या विषयातल्या त्रुटी दाखवणं हे सर्वथैव अभ्यासकाच्या अभ्यासक्षेत्रावर अवलंबून आहे असंही म्हणताय त्यालाच selective म्हणतात ना? तुम्हाला तुमच्याच प्रतिसादातली ही तर्कविसंगती दिसत नाही का?

प्रा.डॉ.दिलीप बिरुटे सोमवार, 31/08/2015 13:41
>>>>>>>>>कलबर्गींची हत्या होणं हे वाईटच आहे - ती त्यांनी हिंदू धर्मावर टीका केल्यामुळे झाली हिंदुत्ववाद्यांनी केली याचा काहीही पुरावा......... डॉक्टर कलबर्गी यांनी हिन्दुधार्मावर टिका केली म्हणून त्या गोष्टीचा प्रचंड राग येऊन मुस्लिम, ख्रिश्चन, बौद्ध या धर्मातील किंवा अन्य पन्थातील कोणी परंपरावादी माथेफिरू असे कृत्य करू शकतो हा संशय घेता येऊ शकतो ! :) -दिलीप बिरुटे

प्यारे१ सोमवार, 31/08/2015 13:46
हिंदुत्ववादी आणि हिंदूधर्मीय मध्ये गल्लत होतेय सर. बा द वे हिंदूंमध्ये संधीसाधू राजकारणी, नेते, बिल्डर लोक इ.इ. कमी नाहीत.

बोका-ए-आझम सोमवार, 31/08/2015 14:43
प्रतिसाद नीट वाचा. कलबर्गींची हत्या हिंदू धर्मावर टीका केल्यामुळे झाली आणि हिंदुत्ववाद्यांनी केली याचा पुरावा - असं म्हटलंय. म्हणजे हत्या हिंदू धर्मावर टीका केल्यामुळे झाली याचाही पुरावा नाहीये आणि हिंदुत्ववाद्यांनी केली याचाही पुरावा नाहीये.तुमचा विद्यार्थी नसलो तरी बरं आहे हो मराठी माझं ;)

प्रा.डॉ.दिलीप बिरुटे सोमवार, 31/08/2015 07:36
कवी, नाटककार, समीक्षक आणि साक्षेपी इतिहासकार ज्यांनी आयुष्यभर विवेकाचा, वैज्ञानिक दृष्टिकोनाचा आणि मानवतेचा आग्रह धरला अशा डॉ.एम.एम.कलबुर्गी यांच्या हत्येचा मी निषेध करतो. -दिलीप बिरुटे

चौकटराजा सोमवार, 31/08/2015 09:11
मी स्वतः मूर्तिपूजा करतो. पण एक सांस्कृतिक करमणूक म्हणून. मूर्तित देव पहाणार्यांची मला कीव येते पण मी ती त्याना बोलून दाखवून दुखविण्याचे पातक कशाला करू ? हं असा आपला फंडा आहे. गणपतीची मूर्त ही मूर्तच आहे तो प्रत्यक्ष गणपति नवे हे खरेच तरीही त्या मूर्तीला पाण्यात विसर्जन करताना दगड फेकल्याची वागणूक मिळता कामा नये इतके तारतम्य गरजेचे आहे.