[शतशब्दकथा स्पर्धा] कोण...?

हो का? असा काही चित्रपट आहे हे खरंच मला माहित नव्हतं. धन्यवाद! :-)

आता जालावर शोधल्यावर 'बाई माझी करंगळी मोडली' हे प्रसिद्ध गाणं त्यातलं आहे हे कळलं, मिळाला तर जरूर बघेन.

तशी ही कल्पना जुनीच असण्याची शक्यता आहे खरी. लहानपणी कधी-काही वाचलं बघितलं तर तेच नवं सृजन म्हणून मनात आकार घेतं. इथंही तसंच झालं असावं. पण शंभर शब्दात बसवता बसवता घाम फुटला हेही खरंच.

शब्दांची मर्यादा असल्याने धक्कातंत्र कळले नसल्यास क्षमस्व. तिला गुपित उघड करून सांगायचे होते. पण त्याने रागावून काही विचार न करता तिला गदागदा हलवून (जे करणे घातक होते) नकळत तिचा मृत्यू घडवून आणला. हाच ट्वीस्ट आहे. 'स्वतःच सिद्ध होणारी भविष्यवाणी'. तीला शांतपणे बोलू दिले असते तर जास्तीत जास्त अजून पाच-दहा वाक्यं तरी बोलू शकली असती. त्यातले गुपित कदाचित कुणावरही अन्याय न करणारे असू शकले असते. सगळ्यांचेच पुढचे आयुष्य अजून सुखकर करणारे असू शकले असते. तिला समाधानाने मरायचे असेल तर...

म्हणून म्हटले की शक्यता अनंत आहेत. कुठलीही शक्यता लेखकाने व्यक्त न करता वाचकांच्या कल्पनाशक्तीवर सोडून देणे हीपण एक कलाच आहे. ह्या शशकला उत्तरार्ध नाही. तो वाचकाच्या मनात पूर्ण होऊ शकतो. मी लिहला तर ते माझे इंटरप्रीटेशन झाले. तुम्ही लिहाल तर ते तुमचे. तुम्हाला आत्ता तो सुचला नसेल म्हणून आवडली नसेल कदाचित. पण याबाजूने थोडा विचार कराल तर आवडेल असं वाटतं.