Skip to main content

.....ही मनाची अंतरे...

लेखक चुकलामाकला यांनी बुधवार, 22/07/2015 21:36 या दिवशी प्रकाशित केले.

कोस अथवा मैल ही पडतील येथे तोकडे
सांगा कशी मोजायची ही मनाची अंतरे...

होतसे संवाद अपुला ते दिवस गेले कुठे
स्पर्शातुनी वितळायची ही मनाची अंतरे...

जन्म घेती नवनवे वाद का शब्दातुनी
मौनातुनी वाढायची ही मनाची अंतरे ....

एकमेकाना इथे का आज सारे टाळती
सांगा कशी मिटवायची ही मनाची अंतरे....

लांब आहे जायचे, अन प्रवासही एकटा
उमजून हे सांधायची ही मनाची अंतरे....

काव्यरस
शांतरस
लेखनविषय:
वाचने 5365
प्रतिक्रिया 21

प्रतिक्रिया

बहुगुणी बुधवार, 22/07/2015 23:34

जन्म घेती नवनवे वाद का शब्दातुनी
मौनातुनी वाढायची ही मनाची अंतरे ....

हे खासच!