"अतिरेकी" कोणाला म्हणावे?

खरं म्हणजे कोणत्या कृत्यांना अतिरेकी कृत्ये मानावे याविषयी मतभिन्नता आहे. ( एका मराठी संस्थळावर म्हणे कालचे अतिरेकी शुर वगैरे होते अशी चर्चा खरडवह्यांमधे वाचावयास मिळाली. ) जी व्यक्ती एकाच्या दृष्टीने दहशतवादी असते तीच व्यक्ती दुस-याच्या नजरेने महान देशप्रेमी, क्रांतिकारक, राष्ट्रवादी असू शकते. ब्रिटीश सत्ताधा-यांच्या नजरेत भगतसिग हे एक क्रृर, हिंसक होते. परंतू भारतीयांच्या नजरेत ते परम राष्ट्रभक्त, देशप्रेमी, निस्वार्थ आणि त्यागी युवक होते. जो आपल्या देशाच्या स्वातंत्र्यासाठी हसतमुखाने फासावर गेला. पॆलेष्टाइन मुक्तिसंग्रामाचे नेते यासेर अराफत यांनी म्हटले होते की '' क्रांतिकारक आणि दहशतवादी यांच्यातील फरक मुख्यत: ते कशासाठी लढत आहेत यावर अवलंबून असतो. जे न्यायाच्या बाजूने असतात आणि जे आक्रमकांपासून आणि वसाहतवाद्यापासून आपल्या भूमीच्या मुक्ततेसाठी लढतात त्यांना दहशतवादी म्हणून संबोधने संयुक्तिक होणार नाही. ”

त्यामुळे जरा वैचारिक गोंधळ झाला आहे. म्हणून सध्या कशालाच मत टाकलेले नाही. विचार करुन निर्णय घेतो :)

>> आता थोडे वेगळे अवांतर उदाहरण देऊन हा मुद्दा समजवायचा झाला तर असे, "विमानाला अपघात होऊन जेंव्हा शेकड्यामधे जीव जातो तेंव्हा एकदम धक्का बसतो, आणि एअरलाईन सेफ्टीबद्दल भरभरून बोलले जाते. पण त्याहूनही जास्त एकत्रीत जीव हा जेंव्हा एका वर्षाच्या कालावधीत तुलना केल्यास रस्त्यावरील अपघातात जातो, तेंव्हा काही चर्चा होत नाही अथवा धक्का बसत नाही."
बरोबर आहे...मला अगदी असेच वाटते.
-- लिखाळ.

अतिरेकी ह्या शब्दाची व्याख्या खूपच व्यापक आहे.

आपण "अतिरेकी" हा शब्द ढोबळ मानाने हिंसा करणार्‍या संदर्भातच वापरतो. तो जरी १००% योग्य असला तरी, एकंदरीत ज्या शब्दात त्याचे मूळ आहे तो "अतिरेक" हा शब्द केवळ हिंसेसाठीच लागू नाही . मराठीत तर म्हण देखील आहे, "अति तेथे माती".

इथे ह्या शब्दाचा कीस काढलेला पाहून, 'मिसळपावच्या एकाच वेळेस चार-प्लेट फस्त करणारा' देखिल अतिरेकीच की!

हाहाहाहाहा. आपण अतिरेकी हा शब्द ढोबळ मानाने फार चुकीचा वापरतो तर.

'दहशतवादी' हा शब्द वापरला असता तर वेगळा विचार करावा लागला असता.

खरे आहे.

"तुझं वाचन किती? तू बोलतोयस किती?"
"तुझा पगार किती? तू बोलतोयस किती?"

अतिरेकी म्हणजे कधीनाकधी सगळेच आपण..

आपल्या सगळ्यांनाच पर्याय एक मध्ये कसे बसवणार मग?

दोन दिवसांपासून प्रत्येक शहाणा उठून चर्चा/ कौल/ लेख टाकतो आहे. वैताग आला आहे या पोळ्या भाजणार्‍यांचा. गप्प बसा आपापल्या घरांत सांगायची वेळ आली आहे. काही करायची वेळ आली तर आपल्या शेजार्‍यांकडेही दुर्लक्ष करून "कसं सांगायचं हो तोंड उघडून" असं म्हणणारे पांढर्‍या कॉलर्सवाले आम्ही टाकतो आहोत चर्चांची गुर्‍हाळं.

हात जोडून पुरे करा आता म्हणायची वेळ आली आहे.