Skip to main content

रॉ मँगो राईस (कैरी-भात)

लेखक सानिकास्वप्निल यांनी बुधवार, 06/05/2015 13:35 या दिवशी प्रकाशित केले.
. साहित्यः २ वाट्या शिजवलेला भात (शिळा भात असेल तरी चालेल) १ वाटी कैरीचा कीस (कैरीच्या आंबटपणानुसार प्रमाण कमी-जास्तं घ्यावे) २ हिरव्या मिरच्या चिरून कढीपत्ता २-३ लाल सुक्या मिरच्या १ टीस्पून मोहरी १ टीस्पून चणाडाळ १ टीस्पून उडदाची डाळ १/४ टीस्पून मेथीदाणे १/४ टीस्पून हिंग १ टीस्पून हळद १ टेस्पून काजू (तुम्ही शेंगदाणे ही वापरु शकता) मीठ चवीनुसार खोबरेल तेल (रोजचे वापरातले तेल घेतले तरी चालेल) . पाकृ: भांड्यात खोबरेल तेल गरम करून मोहरी. मेथ्या, डाळी व हिंगाची फोडणी करावी. डाळी लालसर परतल्या गेल्या की त्यात हिरव्या मिरच्या, लाल सुक्या मिरच्या, कढीपत्ता व काजू घालून परतून घ्यावे. आता त्यात हळद घालून वरून शिजवलेला भात घालावा व मिक्स करावे. आता त्यात कैरीचा कीस, मीठ घालून हलके मिक्स करुन घ्यावे. झाकण ठेवून एक वाफ काढावी. . हा भात तुम्ही लोणचं, पापड किंवा रस्समसोबत सर्व्ह करु शकता. आधी करुन ठेवला तर कैरीचा स्वाद छान मुरेल. .
वाचने 13902
प्रतिक्रिया 38

प्रतिक्रिया

स्मिता श्रीपाद बुधवार, 06/05/2015 14:15
मस्त दिसतोय यात थोडा ओला नारळ पण घालायचा....मस्त सट्ल ( मराठी प्रतिशब्द ?) टेस्ट येते त्याने.

सानिकास्वप्निल बुधवार, 06/05/2015 14:24
टीप आवडली पुढल्या वेळेस तसे करेन :) पण मी जनरली फोडणी खोबरेल तेलाची करते त्यामुळे त्याचा स्वाद ही छान येतो. धन्यवाद.

माहितगार बुधवार, 06/05/2015 15:46
छायाचित्रांनी भूक छान चाळवली, जरासे मेतकुट अ‍ॅडवण्याचा ऑप्शन वापरल्यास तेलकटपणा शोषला जातो आणि मेतकुटाचा खमंगपणाही येतो. आम्हीही या कैरीखीस भातास चित्रान्नच म्हणतो, चित्रान्न हा शब्द कोण कोणत्या भागात वापरतात ?

माहितगार बुधवार, 06/05/2015 16:54
गूळ कसा घालता येईल कल्पना नाही (गूळ वा साखर अ‍ॅडवल्याने साखरभाताचा टच येईल ?). मुख्य मुद्दा, हा पदार्थ जरासा तरी आंबटपणा आवडून जाणार्‍यांसाठी अहाहा असा सुखकर आहे, आंबट कमी आवडत असल्यास कैरीचा खीस कमी घालणे हाच पर्याय. त्यातली कैरी वजा केली की फोडणीचा भात होईल हे वेगळे सांगणे न लगे :)

सानिकास्वप्निल बुधवार, 06/05/2015 17:02
अगदी बरोबर माहितगार :) धन्यवाद बाकी रायनची आई तुम्ही लेमन राईस कधी खाल्ला आहे का? त्याप्रमाणेच लागतो हा ही आणि कैरीचे प्रमाण आपल्या चवाप्रमाणे बसवू शकता :)

रेवती बुधवार, 06/05/2015 17:57
मस्त ब्राईट दिसतोय. आता कैर्‍या हळूहळू बाजारात यायला लागल्या आहेत. करून पाहीन हा भाताचा प्रकार.

अजया बुधवार, 06/05/2015 18:39
आज आत्ता ताबडतोब करण्यात येत आहे.सकाळचा भात आणि शेजार्यांच्या झाडाची कैरी असा कच्चा माल तयार आहे!!

स्वाती दिनेश बुधवार, 06/05/2015 20:04
मस्त! कैरीभात आवडता आहेच.. आता मैत्रिण येणार आहे तेव्हा कैरीभात करेन. स्वाती

माहितगार गुरुवार, 07/05/2015 11:08
त्यांनी फोडणीत दाणे, दाळी, आणि काजू वापरले आहेत ते तळल्या जाण्यासाठी सहाजिक तेल अधिक वापरले जाणार, दाळींएवजी भट्टीतल दाळं (दाळव) , दाणे काजू नुसते अ‍ॅडवले + भात जरासा ओलसर असेल तर अगदी कमी तेलाच्या फोडणी वर चालवता येते. आणि उरलेला तेलकटपणाचा फिलही घालवण्यासाठी मेतकुट अ‍ॅडवणे हा उत्तम पर्याय असू शकेल.

सानिकास्वप्निल गुरुवार, 07/05/2015 11:23
दोन वाट्यांचा भात असल्यामुळे व फोडणीत इतर जिन्न्स असल्यामुळे तेल त्याप्रमाणे घेतले आहे. तुम्ही सगळं प्रमाण स्वत:च्या आवडीनुसार घेऊ शकता :)