✍ मराठी साहित्य, संस्कृती आणि लेखनाचे व्यासपीठ
Submitted by मित्रहो on
(कवि कुसुमाग्रज उर्फ तात्यासाहेब शिरवाडकर यांची माफी मागून) ओळखलत का सर मला, दारात आला कोणी केस नव्हते विस्कटलेले, डोळ्यात नव्हते पाणी क्षणभर बसला, नंतर हसला, बोलला छाती काढून, ‘इनकम टॅक्सची धाड आली, गेली मान वाढवून’ कैदाशिनीसारखी नुसती कागदी घोडी नाचली, सारी खाती गोठविली, स्वीस बँक मात्र वाचली. कॅश वेचली, लॉकर सील केली, दागिणेही नेले गादीखाली म्हणून प्रॉपर्टीचे पेपर तेवढे वाचले वकीलाला घेउन संगे सर आता लढतो आहे एकेक मुद्दा काढतो आहे, चिखलफेक करतो आहे फोनकडे हात जाताच हसत हसत उठला ‘ओळख नको सर’, जरा कोडगेपणा वाटला. काढून घेतले पद, तरी अजूनही काढतोय फणा, पाठीवरती हात ठेउन, तुम्ही फक्‍त चर म्हणा! मित्रहो https://mitraho.wordpress.com

टवाळ कार्टा
Wed, 04/15/2015 - 11:35 नवीन
:)

चुकलामाकला
Wed, 04/15/2015 - 13:08 नवीन
;०;०

मित्रहो
गुरुवार, 04/16/2015 - 10:33 नवीन
मनापासून धन्यवाद जी ओळ सुचल्यामुळे ही कविता लिहायला घेतली ती म्हणजे "तुम्ही फक्त चर म्हणा" कुसुमाग्रजांची मूळ कविता माझीही आवडती कविता आहे आणि त्याला हात लावायची हिंमत होत नव्हती. तरीही प्रयत्न केला. कुसुमाग्रजांच्या कवितेत एक गोष्ट होती तेंव्हा या विडंबनात पण मग गोष्टच असायला हवी हा विचार करीत इतर ओळी लिहील्या. शेवटी सुचलेली ओळ "‘ओळख नको सर’, जरा कोडगेपणा वाटला"

नाखु
गुरुवार, 04/16/2015 - 10:52 नवीन
अशी कोडगे मंडळी पाहायला मिळाली आहेत. (फक्त काय मीच खातो का माझ्या खात्यात बघ किती खातात त्यामानाने मी स्वस्तात काम करतो असे कोड्गे समर्थनही अनुभवले आहे. === कंपनी कामाने सर्कारी दफ्तरकिड्यांशी संबंध ठेवावे लागणारा नाखु

संदीप डांगे
Fri, 04/17/2015 - 21:57 नवीन
संपली आहे दारू तरी, संपला नाही चना, ग्लासात ओतुन पुन्हा थोडी, फक्त पी म्हणा... पुढे काही सुचतंय का कुणाला...?

अविनाश पांढरकर
Tue, 04/21/2015 - 09:07 नवीन
संपली आहे दारू तरी, संपला नाही चना, ग्लासात ओतुन पुन्हा थोडी, फक्त वढ म्हणा... जास्त समर्पक वाटतंय
↩ प्रतिसाद: संदीप डांगे