आम आदमी पक्षातील दुही......

अतिशय दुर्दैवी

असे झाले तर दुर्दैवी म्हणावे लागेल.
"बघा ,आम्ही सांगतच होतो" म्हणणार्यांची न.मो. फौज आता पुन्हा जोमाने आंतरजालावर कामाला लागणार असे ह्यांचे म्हणणे.

यादव आणि भुषण पिता पुत्र ह्यांना आप मधुन काढले कींवा ते स्वता बाहेर गेले तर काही फरक पडत नाही.
लोकांनी मते फक्त केजरीवाल ला दिली आहेत. ह्या दोघांना जर समज असेल तर ते आपले हसे करुन घेणार नाहीत.

राजकारण दिसतं तितकं सोपं नसतं.

केजरीवाल पुन्हा तोंडावर पडला ना; तर अख्खा देश दिल्लीवर हसेल.

हे दुर्दैवी आहे . भाजप आणि कॉंग्रेस या दोन चोरांपेक्षा वेगळे दिसतात म्हणून लोकांनी आप ला मतदान केल होत . त्यांनी पुन्हा भाजप आणि कॉंग्रेस चा कित्ता गिरवला तर अपेक्षा कुणाकडून ठेवायच्या हा प्रश्न उभा राहील

यादव ह्यांच्या इतकेच महत्वाचे असलेले प्रशांत भूषण ह्यांना पक्षातून काढले जाण्याची दाट शक्यता निर्माण झाली आहे.

पक्षातून नाही हो, पॉलिटिकल अफेअर्स कमिटीमधून.
पण तसे झाले तर तेसुद्धा दुर्दैवी असेल एव्हढे मात्र नक्की.

या सगळ्या घटनेवर केजरीवाल यांनी केलेले ट्विट फार आवडले मला.

I am deeply hurt and pained by what is going on in the party.
This is betrayal of trust that Delhi posed in us
I refuse to be drawn in this ugly battle.
Will concentrate only on Delhi's governance.
जनता के भरोसे को किसी भी हालत में टूटने नहीं दूंगा

आम्ही केजरीवाल, योगेंद्र यादव, कुमार विश्वास यांची ‘भक्ती’ करत नाही.
आम्ही आम आदमी पार्टीच्या विचारधारेचे आणि कामांचे समर्थन करतो.

योगेंद्र यादव यांनी रविश कुमारला दिलेली मुलाखत पाहिली का ?
तुमच्या अनेक प्रश्नांची उत्तरे मिळतील तुम्हाला.
https://www.youtube.com/watch?v=0tNRPZFJ9o8

सांगणे कठीण आहे.

बाकी आप मध्ये पक्षांतर्गत लोकपाल आहे. हि स्वागतार्तः गोष्ट आहे . बाकी घराणेशाही आणि एकाधिर शाहीने ग्रासलेल्या आपल्या दोन मोठ्या राष्ट्रीय पक्षांनी पण याच अनुकरण केल पाहिजे

तेच तर . त्यामुळे पक्ष व्यक्तिकेंद्रित (पक्षी भाजप ) किंवा घराणे केंद्रित (पक्षी काँग्रेस ) बनणार नाही . सत्तेचे पाशवी केंद्रीकरण होणार नाही . पण हे दोन्ही पक्षांना परवडणारे नाही

योगेंद्र यादव अतिशय शांत, सभ्य गृहस्त वाटतात, ते पक्षाचे रणनीतीकार आहेत, असे असले तरी दिल्लीच्या लोकांनी केजुकडे पाहून मत दिलेली आहेत. म्हणून जो पर्यंत केजु-सरकार आश्वासनांची पूर्तता करत आहे तो पर्यत केजु-सरकार व्यवस्थित चालणार.

हे चहाच्या पेल्यातील वादळ आहे. १-२ दिवसातच शमेल व परिस्थिती शांत होईल. तोपर्यंत माध्यमांना ब्रेकिंग न्यूज मिळत राहील.

लेख वर आणन्याची गरज आहे.

आप मधील काही पदाधिकारी गेले काय किंवा राहिले काय! आप पक्ष आपली दिल्लीच्या जनतेला दिलेली अवास्तविक आश्वासने येत्या पाच वर्षात पूर्ण करू शकणार नाही हे सत्य आहे . हे खापर फुटेल त्या वेळेला भूषण बापलेक आणि योगेंद्र महत्वाच्या पदावर कदाचित नसतील इतकेच.

Friends, I beg apology from all my Aap colleagues. I respect Prashantji & was angry with him for talking to media.I was doing the same on SM .
I have deleted all my tweets.. I feel I too have made a BIG MISTAKE of going public. I stand corrected. I thank the vol who corrected me.
- Anjali Damania

I shd not have commented about Bhushans in public. We've fought for many public causes together & will hopefully continue to work as a team .
Have deleted my tweets. Am accountable to every last volunteer & will forever work to strengthen the party.
- Ashish Khetan

प्रशांत भूषण आणि योगेंद्र यादव हे PAC मध्ये असणार नाहीत.

संपला 'आआप'मधील वाद. हे चहाच्या पेल्यातील वादळ नसून साधी फुंकर होती.

१४ फेब्रुवारीला झाडू खरेदी केला आहे. अजून काय वाय फाय पकडत नाही..

आप च्या विजयामुळे तसा मला फार आनंद झाला नाही. पण पुढील ५ वर्ष त्याचं कामकाज बघून नंतरच आपलं मतं द्यावं असं ठरवलं आहे.
सध्याच्या घडामोडी दुर्दैवी आहेत पण प्रत्येक पक्षाला यातून जावेच लागते. त्यामुळे आप वर टीका करणे योग्य नाही असं वाटतं.
प्रदेशाध्याक्षाच्या निवडीवरून सध्या काँग्रेस मध्ये सुद्धा वादंग माजले आहे. पण हे आपण गृहीतच धरले असल्यामुळे त्यावर चर्चा होत नाही

राष्ट्रीय कार्यकारिणी मध्ये काय घडले?
https://www.firstpost.com/politics/last-minute-drama-behind-yadav-bhushans-ouster-kejriwal-played-hardball-threatened-to-quit-2136449.html

मयंक गांधी यांनी आज एका ब्लॉग वर राष्ट्रीय कार्यकारिणी मध्ये काय घडले यावर आपले मत मांडले आहे.
https://indiatoday.intoday.in/story/aaps-mayank-gandhi-blog-defies-kejriwal-gag-yogendra-yadav/1/422379.html

या सगळ्यांमधून मला एक प्रश्न पडला आहे तो असा कि नेमके कोणत्या कारणासाठी या दोघांना PAC मधून बाहेर ठेवण्यात आले? त्याची कारणे पक्षाकडून अजूनपर्यंत आली नाहीत. असे का व्हावे?

हा एक कुठलीही एक विशिष्ट विचारधारा नसणारा पक्ष फुटावा आणि तो मफलरवाला संधीसाधु तोंडावर आपटावा ही श्री चरणी प्रार्थना...एकदा मुर्ख बनवलय. हा अश्या स्वस्तातल्या गोष्टी देउन दिल्लीच्या अर्थकारणाची वाट लावेल.

आज सकाळी बातमी आली कि योगेंद्र यादव आणि प्रशांत भूषण यांना पक्षामधून काढून टाकावे अशी मागणी आमदारांनी केली आहे.
त्यानंतर दुपारी योगेंद्र यादव आणि प्रशांत भूषण यांनी कार्यकर्त्यांसाठी एक पत्र जारी केले.
https://www.firstpost.com/politics/yadav-bhushans-letter-blows-up-in-kejriwals-face-duo-talks-of-undemocratic-ways-in-aap-2148073.html
नंतर राजेश गर्ग या माजी आमदाराने केजरीवाल आणि त्यांच्यातील एक संभाषण जाहीर केले. ( याची सत्यासत्यता पडताळून पाहणारी बातमी माझ्या वाचनात आली नाही. )
त्यानुसार ६ काँग्रेस आमदारांनी आपल्याला सपोर्ट केले पाहिजे असे केजरीवाल या तथाकथित स्टिंग मध्ये म्हणत आहेत.
https://economictimes.indiatimes.com/news/politics-and-nation/arvind-kejriwal-tried-to-poach-6-cong-mlas-last-year-claims-ex-aap-mla/articleshow/46529379.cms
ही बातमी ऐकून अंजली दमानिया यांनी पार्टीचा राजीनामा दिला.
https://economictimes.indiatimes.com/news/politics-and-nation/anjali-damania-quits-aap-says-backed-kejriwal-for-values-not-horse-trading/articleshow/46528087.cms
संध्याकाळी आशिष खेतान यांची मुलाखत मी पहिली. त्यांच्या म्हणण्याचा उद्देश थोडक्यात असा: (चू. भू. द्या. घ्या)
सध्यापुरते असे समजून चालू की हि टेप खरी आहे. परंतु यात horse trading हा शब्द वापरता येणार नाही कारण कुणालाही मंत्री, चेअरमन वगैरे पदाचा लोभ दाखवला नाही. हे फक्त political realignment आहे, जे भारतामध्ये कायमच होत आलाय.

मला खरेच माहिती नाही कि हि टेप खरी आहे कि नाही आणि जर खरी असेल तर आप कडून वरचा प्रतिसाद येणार असेल तर मात्र कठीण आहे.
कुणाचा विश्वास बसेल कि या पक्षाने महिनाभरापूर्वी राजधानीत ७० पैकी ६७ जागा जिंकल्या होत्या.

कारण दिल्लीतल्या लोकाना कळाले पाहिजे फुकट गोष्टी किती महाग पडतात.

आज लोकसत्ता मध्ये आलेला अग्रलेख वाचला.

https://www.loksatta.com/sampadkiya-news/chaos-in-aap-1080091/

अगदी उचीत असा लेख आहे.
हा पक्ष संधीसाधूंचा पक्ष आहे हे परत एकदा सिद्ध झाले.
या बाबतीत बाकीचे 'आप्'टार्ड्स काय प्रतिक्रीया देतात त्याची उत्सुकता आहे...

आत्ताच झी टिव्ही जालीय बातम्यांवर (भारतातील Friday, March 13, 2015 - 00:47) वाचनात आल्या प्रमाणे केजरीवालांनी दिल्लीत मुस्लीमांना विधानसभेचे तिकीट देण्याचे नाकारले. मुस्लीमांना आप शिवाय पर्याय नाही, त्यामुळे ते मते देणारच आहेत, असे काहीसे त्यांचे विश्लेषण/राजकारण होते.

९० मिनिटाच्या दुसर्‍या स्टींग ऑपरेशनमधे ते आता उघडकीस आले आहे. गंमत म्हणजे इतरांचे स्टींग ऑपरेशन करण्यास उत्तेजीत करणार्‍या आप पार्टीचे नेते आषुतोष तावातावाने म्हणत होते की स्टींग टेप या शास्त्रिय पद्धतीने सिद्ध केल्या पाहीजेत. असो. चालायचेच. :(

.

आआपमध्ये ही काय सुंदोपसुंदी सुरू आहे ते समजत नाही. विधानसभेत तिकीट न मिळाल्याने किंवा नंतर मंत्रीपद न मिळाल्याने नाराज झालेल्यांनी आता ही जुनी स्टिंग बाहेर काढलेली दिसताहेत. इतकं प्रचंड बहुमत मिळूनसुद्धा आआपच्या नेत्यांना ही काय अवदसा सुचली आहे?

आआपमध्ये सध्या जी भांडणे सुरू आहेत त्यावरून जुन्या गोष्टी आठविल्या. १९७७ मध्ये जनता पक्षाला स्पष्ट बहुमत मिळूनसुद्धा जनता पक्षात विलीन झालेल्या तत्कालीन जनसंघाच्या नेत्यांवर कुरघोडी करण्याच्या उद्देशाने मधू लिमये, राजनारायण, जॉर्ज फर्नांडीस इ. नी दुहेरी सदस्यत्वाच्या मुद्द्यावरून पक्षात यादवी सुरू केली आणि परिणामी १९७९ मध्ये जनता पक्ष फुटुन सत्ता घालविली.

नंतर १९८९ मध्ये जनता दलाचे वि.प्र.सिंग पंतप्रधान झाले असताना आपल्या प्रतिस्पर्ध्यांचा काटा काढण्याच्या उद्देशाने सुरवातीला त्यांनी देवीलाल यांना हाताशी धरून गुपचूप योजना आखून चंद्रशेखर यांना पंतप्रधानपदाच्या स्पर्धेतून बाहेर जायला लावले आणि नंतर काही महिन्यातच देवीलालांचे खच्चीकरण करायला सुरूवात केली. शेवटी ११ महिन्यानंतर सरकार तर गेलेच पण पक्षाचेही तुकडे झाले.

१९९६ मध्ये पुन्हा एकदा जनता दलाला सत्तेची संधी मिळून देवेगौडा पंतप्रधान झाल्यावर नशीबाने मिळालेले पंतप्रधानपद उपभोगायचे सोडून सर्वात प्रथम त्यांनी आपला राजकीय शत्रू असलेल्या रामकृष्ण हेगडेंना पक्षाबाहेर काढले व नंतर पवारांशी जवळीक साधून काँग्रेस फोडायचा प्रयत्न केल्यावर त्यांना आपली खुर्ची गमवावी लागली.

आता आआप त्याच मार्गावर जातोय का अशी शंका येतेय. सत्ता मिळाल्यावर ती टिकविण्याऐवजी आपल्या पक्षातील हितशत्रूंना बाहेर काढणे व पक्षातल्या नेत्यांची आपापसातली भांडणे यामुळे आआपसुद्धा जनता पक्ष, जनता दल यांच्याच मार्गावर जाणार का अशी शंका येऊ लागली आहे.

आत्ताच एक मार्क व्टेनचे वाक्य वाचनात आले... असो.

सध्या गाजत असलेल्या स्टिंग ऑपरेशन्सबद्दल कुमार विश्वास यांचे मत.
https://www.youtube.com/watch?v=05rsIalrPNU

माझ्यासारख्या आप समर्थकांचा अर्ध्याहून जास्त वेळ भक्तांच्या बिनबुडाच्या आरोपांना उत्तर देण्यातच निघून जातो.

मी : आपचे हे रिपोर्ट कार्ड बघा. इतर पक्षांना ५ वर्षं कमी पडतात, ते यांनी ३० दिवसात करून दाखवले. काम करण्यासाठी इच्छाशक्ती लागते.

भक्त : ‘आप’ला फोर्ड फाऊंडेशन पैसा मिळतो. ही संस्था आतंकवाद्यांना पैसा पुरवते.
मी : ‘आप’ने यांच्याकडून एकही पैसा घेतलेला नाहीये. उलट गुजरात सरकारच्याच काही संस्थांना फोर्ड फाऊंडेशनकडून मदत मिळते.

भक्त : आपच्या संस्थापकांपैकी एक आणि सिनिअर लिडर असलेले आश्विनी उपाध्याय यांचा इंटरव्ह्यू बघितला नाही का ?
त्यात त्यांनी सांगितले आहे की आपच्या दिल्ली ऑफिसमध्ये आतंकवादी केजरीवालला भेटायला यायचे आणि काहीतरी प्लॅनिंग करायचे.
मी : एक तर अश्विनी उपाध्याय सिनिअर लिडर वगैरे काहीही नव्हते, आपच्या लिगल सेलमध्ये एक साधे स्वयंसेवक होते. आणि केजरीवाल जेव्हा आतंकवाद्यांसोबत प्लॅनिंग करायचा तेव्हा हे महाशय झोपले होते का ? यांनी पोलीसांना का कळवले नाही ?
बरं, आत्ता हे महाशय भाजपमध्ये गेले आहेत. केंद्रामध्ये यांचे सरकार आले आहे. यांनी सरकारला सगळे पुरावे देऊन केजरीवालला फासावर लटकवल्या जाईल अशी व्यवस्था करावी. कारण त्यांनी लावलेला आरोप साधासुधा नाहीये, देशाचा प्रश्न आहे आपल्या.

भक्त : अरे पण केजरीवाल तर भगोडा आहे ना.
मी: अरे, आप आणि केजरीवालने आत्तापर्यंत हजारवेळा माफी मागितली आहे याबद्दल.
तो भगोडा असता तर दिल्लीच्या जनतेने दुसर्‍यांदा कशाला निवडून दिले असते त्याला ? तेसुद्धा ७० पैकी ६७ सिट्स देऊन ?

भक्त : दिल्लीची जनता फुकटी आहे, सगळे फुकटचे पाहिजे त्यांना.
मी : फुकट फक्त पाणीच देत आहे आप सरकार.
कर्नाटकमध्ये भाजपवाले फ्री लॅपटॉप आणि १ रूपयाला २५ किलो तांदळाचे आश्वासन देत होते तेव्हा कर्नाटकी लोक फुकटे होते का ?

भक्त : चल, नंतर बोलू. काम आहे थोडे.
मी : अरे, सगळे प्रश्न तर तूच विचारले. आता मला चान्स दे ना.
मी विचारतो भाजपबद्दल थोडेसे. उत्तर देशील अशी अपेक्षा आहे.
काळजी करू नको. राम मंदिर, अडवाणी, PDP बद्दल काही विचारणार नाही.

भक्त : ऑफिसमध्ये खूप कामं पेंडिंग पडली आहेत, माझ्याकडे वेळ नाहीये आत्ता.
मी : निरूत्तर !

थोड्या वेळानंतर......

भक्त : अरे, नवीन स्टिंग ऑपरेशन पाहिले का केजरीवालचे ? मुस्लिमांबद्दल काय काय बोलतोय, कसले घाणेरडे राजकारण करतोय.
मी : नाही रे, पाहिले नाही. काय झाले ? नेमके काय बोलला तो ?
भक्त : नेमके माहित नाही रे. मी फक्त हेडलाईन तेव्हढी पाहिली. पण बघ, हेसुद्धा निघाले की नाही इतरांसारखेच !
मी : मी अजून पाहिले नाही हे स्टिंग. माहिती घ्यावी लागेल.

मी (स्टिंग ऑपरेशन आणि संबंधित इतर बातम्या पाहिल्यानंतर) : "लोकसंखेच्या आधारावर मुस्लिमांना जास्त सिट्स देण्याची गरज नाही. आपण कोणत्याही सिटकडे मुस्लिम सिट वगैरे म्हणून का बघतोय ? कॉंग्रेस दिल्लीतून संपली आहे आणि मुस्लिम भाजपला मत देणार नाहीत. त्यांच्यासाठी आम आदमी पार्टी एक आशेचा किरण आहे."
केजरीवाल हे बोलला आहे ^^ त्या टेपमध्ये.
यात काय चुकीचे आहे ? किंवा हे सांगण्यासाठी ज्योतिषाची गरज आहे का ?
आणि केजरीवाल हे ३०० लोकांच्या सभेमध्ये बोलला होता, याला स्टिंग ऑपरेशन कसे म्हणता येईल ?
तूसुद्धा सांग मिडियाला, ’केजरीवाल मला हॉटेलमध्ये जेवतांना दिसला होता आणि त्याने शेवटी वेटरला ५० रूपयांची टिप दिली.’
’केजरीवाल का नया स्टिंग ऑपरेशन’ सारख्या हेडलाईन्स येतील सगळ्या न्यूज चॅनल्सवर आणि तू फेमस होशील.

भक्त : पण केजरीवाल भगोडा आहे.
मी : परत तेच ?

मी : अच्छा, आता तुला वेळ असेल तर मी भाजपबद्दल काही विचारू का ?
भक्त : खूप काम आहे यार मला. नंतर बोलूया का आपण ?
मी : परत एकदा निरूत्तर !

------------------------------------

नेहमीचेच आहे हे.
मी भक्तांसोबत आप करत असलेल्या कामांची माहिती शेअर करत असतो, आणि ते विषयाची अशी वाट लावत असतात.

यांना याचा आनंद नाहीये की पहिल्यांदाच आपल्या भारताच्या एका राज्यामध्ये असे सरकार आले आहे जे जनतेसाठी काम करत आहे.
यांना याचे दुःख आहे की आमचा भाजप एक वर्ष होत आले तरी जनतेची अशी कामं का करत नाहीये, किंवा आमच्या कॉंग्रेसने कधी जनतेप्रती उत्तरदायित्व का दाखवले नाही.

चांगल्याला चांगले आणि वाईटाला वाईट म्हणणे खरेच इतके अवघड असते का हो ?

आप अथवा मोदी यांच्याकडून कोणतीही अपेक्षा नव्हती परंतु खूप सार्‍या मित्रांच्या यांच्याकडून असलेल्या आशा आणि विश्वास पाहून उत्सुकता होती.
सध्या जे काही चालले आहे ते पाहून एवढेच म्हणावेसे वाटते की माझ्या पिढीच्या लोकांचा भ्रमनिरास आणि विश्वासघात करायचे सुरु आहे (जे माझ्या वडिलांच्या पिढीत कदाचित व्हिपी सिंग आणि तत्समांनी केले असावे).
आता पुढची पिढी आम्हाला विचारत येईल की तुम्ही एवढे उदासीन का तेव्हा कमीत कमी हे घटनाक्रम दाखवता तरी येतील..
असो.

ही एक फुकटच्या पैश्यावर जगणारी जमात आहे. ह्याचा खरा चेहरा लक्षात आलेले एक एक जण आप मधुन बाहेर पडत आहेत.
लोकपाल सारख्या क्रांतीकारी मुद्द्यावर जनतेत वाढलेल्या आप ने आपले स्वःताचे लोकपाल अ‍ॅड.रामदास ह्याची केलेली हकालपट्टी सर्व काही सांगुन जाते. खेतान,आशुतोष,कुमार विश्वास किंवा सिसोदिया हे सर्व एन्जिओ चालवुन घर भरणारी माणसे,ह्याच्यावर किती विश्वास टाकायचा हे लोकांनी ठरवायला पाहिजे होते.
ह्या आपच्या नादात भारावल्यामुळे मात्र चांगले असणारे मित्र दुरावले ह्याचे दु:ख वाटते.त्यांना हे आपचे नेमके स्वरुप लौकर लक्षात यावे.

अब्राहम लिंकन यांनी म्हटले आहे--
You can fool some of the people all of the time, and all of the people some of the time, but you can not fool all of the people all of the time.