लिव्ह इन रिलेशनबद्दल मार्गदर्शन हवे आहे

ख
खटासि खट यांनी
 ·  लेख
लेख
सभ्य गृहस्थहो आणि अनाहितायन्स हो हल्लीच एका धाग्यावर प्रतिसाद देत असताना आमची गोची जाहली. धाग्याचा विषय होता लिव्ह इन रिलेशन(एस). यावर एक लंबुळका विद्वत्ताप्रचुर प्रतिसाद देण्याचे मनी आले असता "आधी केले मग सांगितले " हे तुकावचन आठवोन हात बधिरले. तरी याकारणाने अंतरात जो न्यूनगंड उसळी मारू पाहतो आहे तो शमविण्याचा कंड म्हणोन आपणास या विषयीचा अनुभव घेतला पाहीजे असे वाटू लागले आहे. तरी जाणकारांनी खुलासा करावा. (शिवकालीन मोड ऑफ) १. लिव्ह इन रिलेशनसाठी काय पूर्वतयारी करावी लागते ? २. यासाठी जोडीदार शोधण्यासाठी कुठे नाव नोंदवावे ? ३. लिइरि साठी दोघेही अविवाहीत असावेत अशी कायद्यात अट आहे काय ? ४. लिएरि साठी जोडीदार मिळाला असता रीतसर हॉल घेऊन , बँडबाजा बोलावून, घोड्यावरून वरात काढून लोकास जेवणाचे आमंत्रण द्यावे लागते काय ? (त्यांनीही अशा समारंभासाठी आहेर काय आणावा ?) ५. यात मानपानाचे कसे काय ठरवावे ? ६. मंगळसूत्र करावे की न करावे ? पोषाखाचा खर्च कुणाकडे लागला असे ठरलेले आहे ? ७. पत्नीस कल्पना द्यावी काय ? ८. लिइरि ला मराठीत प्रतिशब्द काय ? (आत राहण्याचे नाते ?) ९. इतर शंका हळू हळू
वर्गीकरण
लेखनविषय (Tags)
राहणी
लेखनप्रकार (Writing Type)
चौकशी
25731 वाचन
💬 प्रतिसाद (126)

प्रतिक्रिया

सूड
Wed, 03/04/2015 - 14:15 नवीन
हो नं!!
↩ प्रतिसाद: सांजसंध्या

अत्रुप्त आत्मा
Wed, 02/25/2015 - 16:46 नवीन
@गर्दभनाते'>>> =)))))
↩ प्रतिसाद: सस्नेह

खटासि खट
Wed, 02/25/2015 - 23:13 नवीन
नाव नका काढू त्या सहकाराचं, राजू शेट्टीच आठवतात डायरेक्ट ! इथं पण घुस्ले म्हणजे ?
↩ प्रतिसाद: कॅप्टन जॅक स्पॅरो

नाखु
Wed, 02/25/2015 - 17:17 नवीन
मराठीत माहेत नाही पण अकाऊंट भाषेत "हायर परचेस" म्हणू शकता. आवश्यक व आवाक्यातील वाटल्यासच शेवटचा हप्ता भरलावर वस्तू मालकी हक्क प्राप्त होतो "हायर" हे फायर व लायर ला फक्त इथेच समानार्थी आहेत.

डॉ सुहास म्हात्रे
Wed, 02/25/2015 - 19:10 नवीन
लिईरि म्हणे लिईरि, ह्याँ... शालिवाहन काळात भटकत भारतात नशीब काढायला आलेल्या एका युरोपियनाने एक पुरातन संस्कृत ग्रंथ चोरून नेला. त्यात दहा प्रकारचे विवाहविधी लिहीलेले होते... वैदीक, राक्षस, गांधर्व, इ इ इ. त्यातला गांधर्वविवाह त्याला फारच आवडला आणि त्याने युरोपमध्ये एक भूमीगत "गांधर्वसर्कल" स्थापन केले. ते उघडकीस आल्यावर तो जीव वाचविण्यासाठी कोलंबसच्या जहाजाच्या वाणसामान ठेवण्याच्या खोलीत लपून अमेरिकेला गेला आणि तेथे त्याने सिसिली माफियाच्या सहकार्याने "जागतिक (अमेरिकेत पहिल्यापासून जे काय असतं ते सगळं जागतीकच असतं) अंडरग्राऊंड गांधर्वसर्कल" स्थापन केले. ते कोणाच्या नजरेत येऊ नये म्हणुन त्याने आपल्या संघटनेचे नांव तिथल्या कॅलिफोर्नियामधिल मूल अमेरिकन (रेड इंडियन) भाषेत भांषांतरीत करून ते सांकेतीक नाव म्हणून वापरायला सुरुवात केली, ते असे होते: जागतिक = लिव, अंडरग्राऊंड = इन, गांधर्वसर्कल = रिलेशन; म्हणुन त्या जीवन पद्धतीला "लिव इन रिलेशन" उर्फ "लिईरि" असे नाव पडले. ही चलाखी सुरुवातीला कोणाच्याच ध्यानात आली नाही आणि जेव्हा ते उघड झाले तेव्हा ते लोकांना इतके आवडले की त्याला विरोध करण्याऐवजी त्यांनी लिईरि ला कायदेशीर गोष्ट करून टाकली (कॅलिफोर्नियामध्ये असे खूपदा होते). तोच प्राचीन भारतिय गांधर्वविवाह आता पाश्चिमात्य देशांतून परत भारतात (योग चा योगा होऊन आला तंस्सांच्चं अग्दी) आल्यावर ही नविन शिंगे आलेली नविन पिढी त्याला डोक्यावर घेऊन त्याचे आचरण करायला लागली आहे... आणि आचरण न जमणारे आचरट धागे टाकून दुधाची तहान ताकावर भागवताहेत :) ;)

सुबोध खरे
Wed, 02/25/2015 - 19:45 नवीन
एक्का साहेब धंद्यात भागीदारी घेणार काय ? जसे लग्नपूर्वक चाचणी आणि समुपदेशन (premarital counselling) असते तसे सहजीवन पूर्व(pre LIR counselling) समुपदेशनचे दवाखाने काढू या. पुण्यात तुम्ही आणि मुंबईत आम्ही.( आमची कोठेही शाखा नाही हा प्रतिवाद नको). प्याकेजेस पण देता येतील. गरोदरपण असेल तर वेगळे. आजार झाले तर वेगळे प्याकेज. ब्रेक अप झाल्यास मानसिक समुपदेशनाचे वेगळे. त्यातून गर्भपाताचे पैसे वायले इ इ. वर जमले तर SME चे फायदे घेत येतील का ते हि पाहू.
↩ प्रतिसाद: डॉ सुहास म्हात्रे

टवाळ कार्टा
Wed, 02/25/2015 - 20:28 नवीन
_/|\_ मला मार्केटिंग साठी घेणार का? :)
↩ प्रतिसाद: सुबोध खरे

कॅप्टन जॅक स्पॅरो
Fri, 02/27/2015 - 10:03 नवीन
ह्या साठी जुनी नोकरी बदलायची आवश्यकता नाही. असलेल्या नोकरीमधली २-४ प्रकर्णे हाताळता येतील. माउथ टु माउथ (द्वयार्थ नं काढणे) प्रसिद्धीमुळे धंदा आपोआप वाढेल. त्यामुळे मार्केटींग जॉब पहाण्यापेक्षा एखादी फ्रांचायझी घेउन टाक की. हाकानाका..
↩ प्रतिसाद: टवाळ कार्टा

डॉ सुहास म्हात्रे
Wed, 02/25/2015 - 20:33 नवीन
आमचे एक जुने सहाध्यायी म्हणायचे तसे, "प्रयोग करून पाहण्यासारखा आहे" :) पुण्यात तुम्ही आणि मुंबईत आम्ही.( आमची कोठेही शाखा नाही हा प्रतिवाद नको). छे,छे. व्यवसाय सुरू केलाच तर "आमची इतर कोठेही शाखा नाही." अशी कूपमंडूक प्रवृत्ती आजाबात दाखवायची नाय. केवळ पुण्यामुंबैत केवळ इनमिन दोन शाखा ?? ह्या, ह्या, ह्या... हे आमच्या स्ट्रॅटेजिक थिंकींग विरुद्ध आहे. अहो सर्व भारतातच नाही तर आलम दुनियेत फ्रँचायजी सिस्टिमचे जाळे उभारू. पॅकेजेसची त्सुनामी तयार करू, एकावर दोन फ्री देऊ (फक्त पहिल्याची किंमत चारपाच पट ठेवली म्हणजे झालं ;) ). आख्ख्या होल दुनियेत टीव्ही-बिव्हीवरून जाहिरांतीचा भडीमार करू, सेमिनार घेऊ, आपण तयार केलेल्या तज्ञांची फौज जगावर सोडू, जगाला पळता भूई थोडी करून सोडू. लिईरि मध्ये न राहणार्‍या एकदम भारी न्युनगंड आला पायजेल... मग ते आपल्या समुपदेशन-शिक्षण-उपचार यापासून दूर पळूच शकणार नाहीत ! :) . आख्खी होल बिलियन डॉलर विंटरन्याशनल विंडष्ट्री हाय सायेब ! आमची प्राचीन आयड्या चोरतात काय ? दाखवूच त्या गोर्‍यांना विंढेन हिस्का, ढिष्कॅंवsss !!! =)) (गुप्त बातमी : सांगू नका कोणाला. बोहोनीसाठी कन्फूsssस झालेले पहिले चार पाच बकरे या धाग्यावरच हेरून ठेवले आहेत ;) )
↩ प्रतिसाद: सुबोध खरे

सूड
Wed, 02/25/2015 - 21:22 नवीन
नो चीटींग, कितलें फावट चेंज करतां!!
↩ प्रतिसाद: डॉ सुहास म्हात्रे

डॉ सुहास म्हात्रे
Wed, 02/25/2015 - 21:59 नवीन
म्हंजे काय ?
↩ प्रतिसाद: सूड

सूड
Wed, 02/25/2015 - 23:04 नवीन
किती वेळा बदलताय तो प्रतिसाद? नवीन म्हणून उघडून पाह्यलं तर, जुन्याच प्रतिसादावर नवीनचा टॅग दिसला. आयदर काहीतरी चेंज झालंय किंवा मिपा गंडलंय. जुन्या मिपावर प्रतिसाद बदलता येऊ नये म्हणून उपप्रतिसाद देऊन ठेवायची पद्धत होती, तेच केलं. ;)
↩ प्रतिसाद: डॉ सुहास म्हात्रे

डॉ सुहास म्हात्रे
गुरुवार, 02/26/2015 - 00:48 नवीन
फक्त स्पेलींग / व्याकरण चुका दुरुस्त केल्या हो :) ही विनंती करून कोणीही करू शकते !
↩ प्रतिसाद: सूड

खटासि खट
Wed, 02/25/2015 - 23:15 नवीन
पुना ओक विद्यापीठाचे विद्यार्थी इकडे पण ? काय खारं नाय ब्वॉ !
↩ प्रतिसाद: डॉ सुहास म्हात्रे

संदीप डांगे
गुरुवार, 02/26/2015 - 03:19 नवीन
१. लिव्ह इन रिलेशनसाठी काय पूर्वतयारी करावी लागते ? २. यासाठी जोडीदार शोधण्यासाठी कुठे नाव नोंदवावे ?
तुम्ही अजून प्रेषित प्रगो यांच्या पोप संप्रदायाचे सदस्य झालेले दिसत नाही आहात? लौकर दिक्षा घ्या म्हणजे वरिल दोन्ही प्रश्न चटकन सुटतील. मग पुढच्या प्रश्नांची काही आवश्यकता वाटणार नाही कारण पुढची उत्तरे आपोआप निर्माण होतात.

अत्रुप्त आत्मा
गुरुवार, 02/26/2015 - 06:55 नवीन
@प्रेषित प्रगो >>> =))))) योग्य! अगदी योग्य शब्दरचना! =))
↩ प्रतिसाद: संदीप डांगे

टवाळ कार्टा
गुरुवार, 02/26/2015 - 11:36 नवीन
Image removed.
↩ प्रतिसाद: संदीप डांगे

गवि
गुरुवार, 02/26/2015 - 12:01 नवीन
एकदा सर्व ठरले की लि.री.चा बस्ता मात्र लिरिल सारीज अ‍ॅड कटपीस सेंटर, लाजरा रोड, अंमळनेस या ठिकाणीच. तीन पिढ्यांपासून विश्वासाचं अतूट नातं.

पिशी अबोली
गुरुवार, 02/26/2015 - 12:13 नवीन
तीन पिढ्यांपासून विश्वासाचं अतूट नातं.
१.या तीन पिढ्या लिइरि मधून जन्मलेल्या पुण्यफळांच्या का? २.कधीही तुटू शकतं हा लिइरिचा विश्वास आहे. तो तुमच्याकडे अतूट कसा काय?
↩ प्रतिसाद: गवि

खटासि खट
गुरुवार, 02/26/2015 - 12:22 नवीन
तीन पिढ्यांपासून ? आशिर्वाद द्यावा सर जी.
↩ प्रतिसाद: गवि

गवि
गुरुवार, 02/26/2015 - 12:26 नवीन
अहो अतूट नातं कापडखरेदीविषयक आहे हो.. आशीर्वाद आहेतच. बिलातही सूट देऊ. लिरीचे ठरले की जोडीने या.
↩ प्रतिसाद: खटासि खट

विजुभाऊ
गुरुवार, 02/26/2015 - 12:26 नवीन
नवे गाणी " निघाले आज.....लिव्हीन च्या घरी " " लेक लाडकी या घरची.होणार लिव्हीन मी त्या घरची "

तिमा
गुरुवार, 02/26/2015 - 19:22 नवीन
मग तिची आई हे गाणं म्हणेल, ओटीत घातली मुलगी लिव्हिण बाई!
↩ प्रतिसाद: विजुभाऊ

सूड
गुरुवार, 02/26/2015 - 19:32 नवीन
हो!! तसंही, लिव्हिणबुवाच असला पाह्यजे असं काही नाही ना. फक्त, 'लाडकी लेक ही माझी पहिली वहिली, भाग्येच तियेच्या ??? आपली झाली'
↩ प्रतिसाद: तिमा

विजुभाऊ
गुरुवार, 02/26/2015 - 12:27 नवीन
आणखी एक. नेसली....ईईईईईईईईईई लिव्हीन ची साडी.......

खटासि खट
गुरुवार, 02/26/2015 - 12:39 नवीन
बरं अजून एक आठवले जर लग्न गावाकडे किंवा मुलीच्या घरी झाले तर शहरात पोहोचल्यावर रिसेप्शन द्यावे लागते का ? मंगळागौर, हळदीकुंकू करावे लागते का ? झालंच तर डोहाळजेवणाचं कसं काय करतात ?

सूड
गुरुवार, 02/26/2015 - 14:19 नवीन
झालंच तर डोहाळजेवणाचं कसं काय करतात ?
डोहाळजेवण चांदण्यातलं करायचं!! दोघांनीही पांढरे कपडे घालायचे. पदार्थही पांढरे...उकडीचे मोदक, दहीभात, दूधभात. नारळीभात, बासुंदी केली तरी त्यात केशर घालायचं नाही. मुळा, पांढरा कांदा हे भाजीत वापरायचं आणि सगळी चांदण्याशी संबंधित गाणी ऐकत बसायचं!! ;)
↩ प्रतिसाद: खटासि खट

नाखु
गुरुवार, 02/26/2015 - 15:27 नवीन
लिव्ह इन रिलेशनबद्दल मार्गदर्शन हवे आहे मार्गदर्शन ला हसवाफसवी मधला शब्द "मागल दर्शन " वापरून लिहा आनि मग बघा.... कशी रांग लागेल. . . . . . . . . . . . . . . . . . . . . . . . . . . . . . . . . . दर्शन नव्हे सल्ला देणार्यांची..

ऋषिकेश
गुरुवार, 02/26/2015 - 16:12 नवीन
१. लिव्ह इन रिलेशनसाठी काय पूर्वतयारी करावी लागते ?
यात सगळ्यात मोठी अडचण आहे जागा. एकदा का 'खोली' गावली का नाय मंग पार्टनर मिळुनच जायेल!
२. यासाठी जोडीदार शोधण्यासाठी कुठे नाव नोंदवावे ?
कुठेही चालेल. आजकाल मुंबईत यासाठी लोकलचे डब्बे, बसमधील फुडल्या शीटांची पाठ यांची फुल्ल चलती हाय. जरा वेगळ्या प्रकारचे पार्टनर हवे असतील तर सार्वनजिक मुतार्‍यांच्या भितीही ट्राय करू शकता.
३. लिइरि साठी दोघेही अविवाहीत असावेत अशी कायद्यात अट आहे काय ?
नाय बा! काय कल्पना नाय!
४. लिएरि साठी जोडीदार मिळाला असता रीतसर हॉल घेऊन , बँडबाजा बोलावून, घोड्यावरून वरात काढून लोकास जेवणाचे आमंत्रण द्यावे लागते काय ? (त्यांनीही अशा समारंभासाठी आहेर काय आणावा ?)
हात साला! जे काय करायचा हाय त्याला खोली पुरते. उंगाच कशाला होल बिल!
५. यात मानपानाचे कसे काय ठरवावे ?
तुझ्या षौकावर डिपेन् हाय! नैतर हव्वी ती लाँज्री नाय म्हनून पन मानापमान होतात म्हने!
६. मंगळसूत्र करावे की न करावे ? पोषाखाचा खर्च कुणाकडे लागला असे ठरलेले आहे
नकोच ते.. ते मदे मदे येत अस्नार! पोशाक टांगायला खिल्ला पण पुरतो, नैरत र्‍हावू दे की जमिनीवर!
७. पत्नीस कल्पना द्यावी काय ?
कोनाकोनाच्या?
८. लिइरि ला मराठीत प्रतिशब्द काय ? (आत राहण्याचे नाते ?)
लिव्ह मंजी र्‍हाणे, इन म्हंजी आत नी रिलेशनशिप म्हंजी संबंद आसं मास्तुराने शिकवलेला! म्हणून मी तरी वरची माहिती "आत राहून (ठेवलेल्या) संबंधा"ची दिलेली हाय!! बरुबर अर्थय ना!?

खटासि खट
गुरुवार, 02/26/2015 - 19:53 नवीन
अभ्यास अभ्यास !! नतमस्तक हो ! एक दडवत घ्यावा..
↩ प्रतिसाद: ऋषिकेश

काळा पहाड
Fri, 02/27/2015 - 13:26 नवीन
अशा प्रतिगामी लोकांच्या सल्ल्यामुळेच असे नवीन उपक्रम बंद पडतात.
↩ प्रतिसाद: कॅप्टन जॅक स्पॅरो

कॅप्टन जॅक स्पॅरो
Fri, 02/27/2015 - 14:44 नवीन
=)) उपक्रमास सक्रिय पाठिंबा दिला असता हो. पण काय करणार युज अँड थ्रो वृत्ती नाही. :)
↩ प्रतिसाद: काळा पहाड

बॅटमॅन
Fri, 02/27/2015 - 15:08 नवीन
अगदी अगदी =)) =)) त्रिदंडानुभवी त्रिगर्तगामी पंथ =))
↩ प्रतिसाद: कॅप्टन जॅक स्पॅरो