Skip to main content

गोवंशाला अभय द्या : नागपुरी तडका

लेखक गंगाधर मुटे यांनी मंगळवार, 03/02/2015 02:40 या दिवशी प्रकाशित केले.
गोवंशाला अभय द्या...!!

बाता नोको फ़फ़लू बापू, दुभतं करुन पाह्य
तवा तुले माहित पडंन, काह्यले म्हंते गाय....!!

शेणपुंजा, दूध-दोह्यनं, मनके कड़कड़ करते
गोधन चारु चारु राज्या, मांड्या- पोटर्‍या भरते
तरीबी अमुच्या भगुण्याले, तुमचा देव पावत नाय...!!

फुक्कट चोखू, ढोंगी म्हणती, “गाय आमुची माय”
सस्त्यामंधी दूध मागती अन फुकटामंधी साय
लेकरु माह्य उपाशी; अन थ्ये तुपाशी खाय...!!

गोभक्तांनो! विकत घ्याव्या, तुम्हीच भाकड गायी
कसाब देतो त्याच्या दसपट, करुनिया भरपाई
गोवंशाला ‘अभय’ द्यावया, ह्यो एकच इलाज हाय...!!

                                      - गंगाधर मुटे ‘अभय’
---------------------------------------------------------



काव्यरस
अभय-काव्य
नागपुरी तडका
लेखनविषय:
वाचने 3631
प्रतिक्रिया 13

प्रतिक्रिया

चुकलामाकला मंगळवार, 03/02/2015 07:49
मर्मभेदी!

पिवळा डांबिस बुधवार, 04/02/2015 02:33
सर्वच कविता सुरेख पण त्यातही,
गोभक्तांनो! विकत घ्याव्या, तुम्हीच भाकड गायी कसाब देतो त्याच्या दसपट, करुनिया भरपाई
जबाब नही!!

हाडक्या गुरुवार, 05/02/2015 23:27
दसपट नाही तरी तेवढीच किंमत द्यावी गाई आणि बैलांनापण. तेवढे देखील पुरे.

विशाल कुलकर्णी गुरुवार, 05/02/2015 16:03
पटलं :)

बोका-ए-आझम शुक्रवार, 06/02/2015 20:04
आता समजलं! उद्या माणसं भाकड झाल्यावर त्यांना कुठल्या कसाबाकडे नेणार ते पण सांगा!

गंगाधर मुटे रविवार, 08/02/2015 00:03
काही भाकड माणसांना सरकारी तिजोरीतून पेन्शन वगैरे असते. गायींना केव्हा पेन्शन लागू करणार ते आधी सांगा! ;)

शैलेन्द्र रविवार, 08/02/2015 12:29
मी काय म्हणतो, जो न्याय गाईला तोच कोंबडी- बकराला व पाना-फळांना व झाडांनाही का नसावा? संवर्धन हे झालच पाहिजे..

शैलेन्द्र रविवार, 08/02/2015 12:31
फुक्कट चोखू, ढोंगी म्हणती, “गाय आमुची माय” सस्त्यामंधी दूध मागती अन फुकटामंधी साय लेकरु माह्य उपाशी; अन थ्ये तुपाशी खाय...!!
आपलच नाही, या गडबडीत गाईच लेकरुही उपाशीच मरत साल..

खंडेराव मंगळवार, 24/03/2015 14:35
आवडली.. फुक्कट चोखू, ढोंगी म्हणती, “गाय आमुची माय” सस्त्यामंधी दूध मागती अन फुकटामंधी साय लेकरु माह्य उपाशी; अन थ्ये तुपाशी खाय...!! हे बेस्टच