आठवण (देवद्वार छंद)

माझ्याकडुन एक प्रयत्न

मन हे कातरं
होई संधिकाली
प्रेमाची सावली
हरवली ||

भुक ना तहान
होइ जीव वेडा
विरहाची पिडा
ह्रुदयात ||

तुझी आठवण
भान हरपते
मन ना लागते
कशातच ||

नित्याचि चाहुल
कानात साठते
गळा दाटवते
नित्यनेमे ||

लागे हुरहुर
आता नाही भेट
दाखव तु वाट
अंधारात ||

थांबले स्पंदन
उर हा फुटला
विरह दाटला
सर्वदुर ||

तेवतो प्रकाश
मंद गाभार्‍यात
पेटवुन ज्योत
समईची ||

सुंदर ते ध्यान
डोळे साठवती
मिळे मनःशांती
काही वेळ ||

पुन्हा दिनक्रम
पुन्हा संध्याकाळ
मिळे पाठबळ
नामासंगे ||

अवांतर : धोडोंपंताकडुन बरचं काही शिकायला मिळणार तरं :)