Skip to main content

पाल्हाळ (देवद्वार)

लेखक लिखाळ यांनी रविवार, 09/11/2008 00:51 या दिवशी प्रकाशित केले.

धोंडोपंतांच्या लेखावरून स्फुर्ती घेउन...

वाचतो क्वचित
त्यातून ललित
घुसते डोईत
कधितरी

लिहितो मधेच
त्यातून तात्विक
विचार सात्विक
करितो मी

ठरवितो मग
लिहावी कविता
सुखदु:ख बाता
जमेचिना

पुरे झाले आता
डोके खाजवणे
कविता रचणे
चेष्टा नोहे

पहा मिपावर
असा हा लिखाळ
लावितो पाल्हाळ
पुन्हा पुन्हा

--लिखाळ.

विशेष
छंदशास्त्र
वाचने 4041
प्रतिक्रिया 14

प्रतिक्रिया

घाटावरचे भट रविवार, 09/11/2008 02:42

=)) अगदी माझ्या मनातले विचार........
झकास कविता...आपलं सॉरी, पाल्हाळ...

-भटोबा

सहज रविवार, 09/11/2008 11:25

नावाचा लिखाळ
स्वभाव मवाळ
थोडासा खट्याळ
लिहीतसे

नियमीत येतो
तो लागता भुक
तर्रीवर ताक
त्याला हवे

दिवस अपुर्ण
भासे खरतर
झाली ना चक्कर
मिपावरी

सार्थक होतसे
थांबा पळभर
मोद भरपुर
मिपावरी

स्वाती दिनेश रविवार, 09/11/2008 16:25

पाल्हाळ आवडले आणि सहजरावांची प्रतिक्रियाही..
स्वाती

लिखाळ रविवार, 09/11/2008 23:35

>येवो मिपावर
असा हा लिखाळ
कल्पना रसाळ
पुन्हा पुन्हा

धन्यवाद अरूणराव.

>नावाचा लिखाळ
स्वभाव मवाळ
थोडासा खट्याळ
लिहीतसे

नियमीत येतो
तो लागता भुक
तर्रीवर ताक
त्याला हवे

अगदी पहिल्या स्वाक्षरीपसून सर्व ! :) प्रतिसादाबद्दल आभार !

भटबुवा, बेला, धोंडोपंत, बाळकराम, तात्या, स्वातीताई, प्रतिसादाबद्दल धन्यवाद.

-- लिखाळ.

चतुरंग सोमवार, 10/11/2008 00:07

वाचतो खचित
त्यातून कोलित
मिळते हातात
पहातरी

उसवी लगेच
ओळ येकयेक
शब्दांची हो फेक
करितो मी

ठरवितो आता
विडंबन नाही
सरळच काही
जमेचिना

पुरे झाले आता
बोरु खाजवणे
कविता चरणे
छान वाटे

पहा मिपावर
असा हा 'रंगा'री
चालवितो आरी
पुन्हा पुन्हा

चतुरंग

लिखाळ सोमवार, 10/11/2008 20:56

>ठरवितो आता
विडंबन नाही
सरळच काही
जमेचिना

हा हा हा.. विडंबन छान आहे... :)
प्रतिसादाबद्दल धन्यवाद.
-- लिखाळ.

प्राजु सोमवार, 10/11/2008 23:58

केला लिखाळाने
काव्याचा प्रयास
जमविला खास
ओवी छंद

पहा मिपावर
आला हा लिखाळ
सदासर्व काळ
लिहितसे

- (सर्वव्यापी)प्राजु
https://praaju.blogspot.com/