Skip to main content
लेखक मिसळलेला काव्यप्रेमी यांनी बुधवार, 10/12/2014 19:59 या दिवशी प्रकाशित केले.

तुझ्यापासून दूर होऊन
अमाप काळ लोटला
दु:ख हलकं नाही झालयं
पण सहन करण्याची ताकद वाढलीये..
बस्स इतकेच..
----
आता दारावरचा पारीजात ओसंडून बरसला
तरी त्याचा हेवा वाटेनासा झालायं
फक्त एक हलकिशी कळ आली काल छातीत
जेव्हा त्याचे एक फुल पायाखाली आले
बस्स इतकेच..
----
परवा अलमारी उचकतांना
तुझे एक पैंजण हाताला लागले
छन्न झालं एकदम
आपल्या जोडीदाराअभावी
एकाकी,केविलवाणे वाटले
बस्स इतकेच..
----
तिथेच बाजूला आपला एक अल्बम सापडला
'त्या' तस्बिरीतले
तुझे डोळे
आणि त्या डोळ्यातले ते काजळ..
बघता बघता कां कोण जाणे
टचकन डोळ्यात पाणिच तरारले एकदम
बस्स इतकेच..
----
तुझी आठवण आजही येते
अगदी नित्यनेमाने
काही ठोके चुकतात
परत मार्गी लागतात
बस्स इतकेच..
पण तू गेलीस तेव्हाचे चुकलेले
चुकार ठोके अजुनही परतलेले नाहीत
बस्स इतकेच..
----
हम्म.. दु:ख हलकं नाही झालयं
पण सहन करण्याची ताकद वाढलीये..
बस्स इतकेच.. इतकेच...

|- मिसळलेला काव्यप्रेमी -|
(१०/१२/२०१४)

लेखनविषय:
वाचने 6777
प्रतिक्रिया 31

प्रतिक्रिया

मदनबाण बुधवार, 10/12/2014 23:12

तुझ्यापासून दूर होऊन
अमाप काळ लोटला
दु:ख हलकं नाही झालयं
पण सहन करण्याची ताकद वाढलीये..
बस्स इतकेच..
वाह...क्या बात हयं... :)

मदनबाण.....

आजची बदलेली स्वाक्षरी :- Chamak Cham Cham... { Sitaron Mein Tu Hi :-Yesudas }

मुक्त विहारि बुधवार, 10/12/2014 23:48

परत एकदा, एका संवेदनशील मनातून उतरलेली, जबरदस्त कविता.

(वाचतांना, काही विधूर नातेवाईक, डोळ्यासमोर आले, अन अक्षरेच अंधूक झाली.)

आतिवास गुरुवार, 11/12/2014 00:37

आवडली .
अवांतरः ''इतकेच' ऐवजी 'इतकंच' शब्द अधिक परिणामकारक वाटेल असं वाटतंय.

स्पा गुरुवार, 11/12/2014 16:17

पेस्शाल मिका टच

चायला हे असले काही वाचले म्हणजे जीव हैराण होतो

असो

एकदम खास उतरलंय
जियो !!!!!

कवितानागेश शुक्रवार, 12/12/2014 22:12

उघड्या पुन्हा जहाल्या, जखमा उरातल्या....
याची आठवण आली.
पूर्वी साधारण अशाच अर्थाच्या २ ओळी लिहिल्या होत्या मी,....
खुश थे के खत्म हो गयें, आँसू, आहे, और यादेभी,
कल अचानक लबोंने पुकार लिया, तो चौंक गये।