Skip to main content

तिची साधीशी कविता

लेखक प्रसाद गोडबोले यांनी मंगळवार, 25/11/2014 19:28 या दिवशी प्रकाशित केले.

तिची साधीशी कविता
माझा अर्थाचा गोंधळ
काळेसावळे ते ढग
तिचा सखा घननीळ |

तिची साधीशी कविता
शोध अंतरीचा घेई
खोल विरहाचे दु:ख
अलगद वर येई |

तिची साधीशी कविता
म्हणे तुझी माझी भेट
आज वसंत बहर
पुढे वैशाखाची वाट |

तिची साधीशी कविता
थोडे डोळे पाणावती
दोन मोतियांचे अश्रु
तिच्या गाली ओघळती |

तिची साधीशी कविता
माझ्या गळा एक मिठी
शब्द विरुनिया गेले
अर्थ एक दोघा ओठी !!

( पुर्वप्रकाशित )

लेखनविषय:
वाचने 5617
प्रतिक्रिया 30

प्रतिक्रिया

गणेशा मंगळवार, 25/11/2014 20:10

सखा घननीळ

अ हा हा.. काय मस्त शब्द . या दोन शब्दांनीच मस्त वाटले.
संपुर्ण कविताही छान.

एखादी माझी पण पुर्वप्रकाशीत कवितादेवु म्हणतो.. हि कविता वाचल्याने आठवण झाली जुन्या कवितांची

नाखु बुधवार, 26/11/2014 10:02

तिची साधीशी कविता

थोडे डोळे पाणावती
दोन मोतियांचे अश्रु
तिच्या गाली ओघळती |

हे खास जबराट

डॉ सुहास म्हात्रे बुधवार, 26/11/2014 12:02

साध्या शब्दांतली पण अर्थपूर्ण आणि भावगर्भ कविता... खूप भावली !

प्रसाद गोडबोले बुधवार, 26/11/2014 13:17

आधी कविता सुचायची... रादर आधी बरेच काही सुचायचे
डु आयडी १ ने लेखन
डु आयडी २ ने लेखन

पण नंतर नंतर लोकं माझे डु आयडी अगदी सहज पकडायला लागली म्हणुन मग लेखन कमी केलं :D

नीलमोहर सोमवार, 02/11/2015 15:19

प्रगोंचे मानसशास्त्राशी संबंधित लेखन आवडते, हा पैलूही आवडला.
नवीन रचनेच्या प्रतिक्षेत..