Skip to main content

आवरताना काल मिळाल्या काही कविता...

लेखक अनिरुद्ध अभ्यंकर यांनी बुधवार, 29/10/2008 18:16 या दिवशी प्रकाशित केले.
आवरताना काल मिळाल्या काही कविता लिहिलेल्या मी सार्‍या होत्या तुझ्याच करता लिहायचो मी पत्र तुला दररोज पानभर जपुनी ठेवली ती सारी मी न पाठवता तुझ्या संगती घालवलेले क्षण सोनेरी आले नाही कधीच पण ते मज गोठवता दिलेस तू ते फूल आजही वहीत आहे गंध तुझा मज करतो वेडा वही उघडता अजून येती डोळ्यांमध्ये अश्रू अवचित वाट वेगळी करणारा तो क्षण आठवता कधी एकटा असलो की मी रडून घेतो सवयीने मग येते आता हुकुमी हसता खूप ठरवले सारे सारे विसरायाचे कुणास आले सांगा पहिले प्रेम विसरता? -अनिरुद्ध अभ्यंकर
लेखनविषय:
वाचने 4958
प्रतिक्रिया 18

प्रतिक्रिया

छोटा डॉन बुधवार, 29/10/2008 18:30
आज पुन्हा एकदा चतुरस्त्र प्रतिभा भरभरुन वाहिली आहे ... :)
लिहायचो मी पत्र तुला दररोज पानभर जपुनी ठेवली ती सारी मी न पाठवता तुझ्या संगती घालवलेले क्षण सोनेरी आले नाही कधीच पण ते मज गोठवता
वाह, क्या बात है !!! अगदी "ह्रॄदयाच्या नाजुक व हळव्या भागातुन" म्हणतात ते ...
खूप ठरवले सारे सारे विसरायाचे कुणास आले सांगा पहिले प्रेम विसरता?
खल्लास !!! एकदम टची कविता .... छोटा डॉन [ अपने अड्डे पे जरूर आना http://chhota-don.blogspot.com/ ] बाकी अपनी किसी "गँग" के साथ सेटिंग नही है .....

शाल्मली बुधवार, 29/10/2008 18:38
मस्त कविता. आवडली. अजून येती डोळ्यांमध्ये अश्रू अवचित वाट वेगळी करणारा तो क्षण आठवता कधी एकटा असलो की मी रडून घेतो सवयीने मग येते आता हुकुमी हसता ह्या ओळी मस्तच.. --शाल्मली.

बिपिन कार्यकर्ते बुधवार, 29/10/2008 18:44
खूपच छान.
तुझ्या संगती घालवलेले क्षण सोनेरी आले नाही कधीच पण ते मज गोठवता
हा क्षण गोठवण्याचा वेडेपणा तरी थांबत नाही. बिपिन कार्यकर्ते

रामदास बुधवार, 29/10/2008 19:05
मनोगताच्या दिवाळी अंकात वाचली होती. सुंदर कविता आहे.आवडली.रेग्यांच्या कवितेची आठवण झाली.आठवणीच्या भरवशावर चार ओळी लिहीतो आहे कुणास आले सांगा पहिले प्रेम विसरता? पहीले प्रेम कळत नाही कळून ते टळेल का पहीले मर टळत नाही टळून तेही कळेल का? कळो टलो मरो उरो पहीला लाभ शून्याचा माझ्या लेखी एकच एक मरण तेच प्रेम तेच.

आजानुकर्ण बुधवार, 29/10/2008 20:55
फारच सुरेख कविता आहे. किती तरी वेळा वाचून झाली पण समाधान झाले नाही. आपला, (चाहता) आजानुकर्ण

चतुरंग बुधवार, 29/10/2008 20:55
अतिशय हळवी आणि भावगर्भ आहे. दिलेस तू ते फूल आजही वहीत आहे गंध तुझा मज करतो वेडा वही उघडता अजून येती डोळ्यांमध्ये अश्रू अवचित वाट वेगळी करणारा तो क्षण आठवता कधी एकटा असलो की मी रडून घेतो सवयीने मग येते आता हुकुमी हसता कमाल आहेत ह्या ओळी! (कालच मनोगताच्या दिवाळी अंकात वाचली तिथली प्रतिक्रिया प्रतिक्रिया अनुमतीच्या बासनात अडकली होती!) चतुरंग

विसोबा खेचर गुरुवार, 30/10/2008 00:57
(कालच मनोगताच्या दिवाळी अंकात वाचली तिथली प्रतिक्रिया प्रतिक्रिया अनुमतीच्या बासनात अडकली होती!) अच्छा, म्हणजे तिथे लगेच प्रसिद्ध झाली नाही म्हणून मग इथे प्रतिक्रिया लिहिलीत होय? बरं बरं! :)

चतुरंग गुरुवार, 30/10/2008 01:06
तात्या, तुला सगळीकडे वाकडंच कसं दिसतं रे? असो असतो एकेकाचा गुण! चतुरंग

लिखाळ बुधवार, 29/10/2008 20:59
सुंदर कविता--पुन्हा पुन्हा वाचावी अशी.. --लिखाळ.

प्राजु बुधवार, 29/10/2008 21:15
सुरेखच.. गझल.. प्रत्येक ओळ न् ओळ.. खास. - (सर्वव्यापी)प्राजु http://praaju.blogspot.com/

सर्वसाक्षी बुधवार, 29/10/2008 22:07
आज बरेच दिवसानी तुमची गजल वाचली, आवडली.

विसोबा खेचर गुरुवार, 30/10/2008 00:34
आवरताना काल मिळाल्या काही कविता लिहिलेल्या मी सार्‍या होत्या तुझ्याच करता ह्या पहिल्या ओळीच अल्टिमेट आहेत..! जियो.. अवांतर - साहित्य अन्य संस्थळावरचं उष्टं आहे खरं, पण तरीही चांगलं आहे हे मान्य करावं लागेल..! :) आपला, (मिपाकर) तात्या.

विसोबा खेचर गुरुवार, 30/10/2008 00:58
हेच साहित्य मिपावर प्रथम प्रकाशित झालं असतं तर मनापासून आनंद वाटला असता..! असो, मिपावर नव्याकोर्‍या, शिळ्यापाक्या - कुठल्याही लेखनाचं यथोचित स्वागतच होईल..! (मिपाकर) तात्या.

अनिरुद्ध अभ्यंकर शुक्रवार, 31/10/2008 08:30
आमची उष्टी बोरं गोड मानुन प्रतिसाद देलेल्या आणि प्रतिसाद न दिलेल्या सर्वांचे मनापासून आभार!! (आभारी)अनिरुद्ध अभ्यंकर

सर्किट (verified= न पडताळणी केलेला) शुक्रवार, 31/10/2008 08:33
सख्या रे घायाळ मी शबरी !!! (जरी असे जबरी, मनोगताची खबरी, चाक जरी रबरी, गूळ अन खोबरी, मस्जिद मी बाबरी इत्यादि इत्यादि) -- सर्किट (जालकवींच्या कविता:http://www.misalpav.com/node/2901)