निवडणूक उमेद्वाराबाद्द्ल अपेक्षा

वरील बाबीबद्दल आपल्याला कायबी आशेप नाय. *wink* उमेदवाराने एकतर नोटा द्याव्या नायतर आमी NOTA वापरु

चांगलाच निघेल कशावरुन ? नारळासारखं अस्तय त्ये बेनं !

एक तरी भाषा शुद्ध बोलता लिहिता यावी म्हंजे ? मह्या डोक्यातनी त ह्या प्रेश्नानंच झाकट पल्डेल हाय भाऊ!!!, मले जरासक खुल्लं करुन सांगजा बरं बयाजवार थुमाले म्हानावचं का व्हय थे . :)

किमान पदविका /पदवी हा निकष लागु व्हायला हवा. हल्ली बहुतेक ज्यांना शिक्षणात गती नाही आणि घरी जमीन विकुन आलेला पैसा आहे ते लोकं स्कॉर्पियो उडवत राजकारणात उतरत आहेत. किमान राजकारणात जायचं म्ह्णुन तरी शिकतील.

माझ्या कसल्याही अपेक्षा नाहीत. सगळे च चोर आहेत.

तुम्ही अजूनही उमेदवारांबद्दल अपेक्षा बाळगून आहात?

शिकून फार तं आयटीत नोकरी पकडतेत लोकं. शिकून का व्हनारे?

कुठल्याही गंभीर स्वरुपाचा गुन्हा नसावा. ही पहिली अट. वार्षिक उत्पन्न, व्यवसायाचे स्वरूप आणि स्तावर जंगम मालमत्तेत मेळ असावा. अशी माफक अपेक्षा. अशा माहितीचा अंदाज इथून घेता येऊ शकेल. http://103.23.150.139/VSAffidavits/VS2014.aspx

आणखी माफक अपेक्षा........ प्रचार करताना सेनेच्या उमेदवाराने " दळभद्री " हा शब्द वापरू नये भाजप च्या उमेदवाराने " जनादेश" हा शब्द वापरू नये राष्ट्र वादी च्या उमेदवाराने " सहकाराच्या माध्यमातून" हा शब्द वापरू नये कोग्रेस च्या उमेदवाराने " जातीयवादी शक्तिंना दूर ठेवण्यासाठी" हा शब्द वापरू नये मनसे च्या उमेदवाराने " परप्रान्तीय" हा शब्द वापरू नये

आणखी महाराष्ट्र मागे- पुढे, करुन दाखविले-वरुन दाखविले, शिक्षण्-सम्रुद्धी, रस्ते, पाणी, वीज वगैरे पण नको.. वीट आलाय सगळ्याचा..