Skip to main content

मिपा दिवाळी अंक २०१४ - सूचना.

लेखक दिवाळी अंक यांनी रविवार, 24/08/2014 12:13 या दिवशी प्रकाशित केले.

राम राम मंडळी. :)

मंडळी... कळविण्यास अतिशय आनंद वाटतो की गेल्या वर्षीच्या यशस्वी दिवाळी अंकानंतर आपण याही वर्षी आपल्या मिपाचा दिवाळी अंक काढणार आहोत. तेव्हा आपल्या कविता, व्यंगचित्र, कथा, माहितीपूर्ण लेखन, चुटकुले, विनोदी लेखन, अशा सर्व प्रकारचे लेखन दिनांक २०/०९/२०१४ पर्यंत वर्ड फाईल असेल तर mipa.sampadak@gmail.com या स्वतंत्र ईमेल आयडीला ईमेलद्वार किंवा दिवाळी अंक या मिपावरच्या आयडीला व्यनिद्वारे पाठवा. जास्त चित्रे असतील तर शक्यतो gmail आयडीला पाठवावे ही विनंती. कारण व्यनिद्वारे आलेली फाईल अंकात समाविष्ट करणे जरा जिकिरीचे काम आहे. अन्यथा जणू धागाच प्रकाशित करतो आहोत अशा रितीने मिपा एडिटरमधे (इमेज टॅग्जसकट) लिहीलेली पोस्ट तशीच्यातशी एचटीएमएल टॅग्जसहित चोप्य पस्ते करुन टेक्स्ट फाईल (नोटपॅड) जीमेलवर अटॅच करुन पाठवली तरी दिवाळी अंक संपादकांचे काम सोपे होईल.

१. कोणकोणत्या साहित्यप्रकारात लेखन अपेक्षित आहे.
कविता, व्यंगचित्र, कथा, माहितीपूर्ण लेखन, चुटकुले, विनोदी लेखन, कादंबरी, अन्य ललित लेखन, पाककृती,चित्रे, छायाचित्रे, व्हिडिओ इ. प्रकारचे साहित्य पाठवावे. अंक पीडीएफ स्वरूपातही काढायचा आहे त्यामुळे मल्टिमिडिया फाईल्स असतील तर त्या पीडीएफ अंकात फक्त लिंक या स्वरूपात येतील, तरी दिवाळीच्या निमित्ताने स्वतंत्रपणे प्रकाशित करायला हरकत नाही.

२. कोणत्या प्रकारचे साहित्य स्वीकारता येणार नाही (बंधने -विषय, आकार इत्यादिबाबतची)
नेहमीचे म्हणजे अगदी एकोळी दोनोळी साहित्य पाठवू नये, तसेच उत्सवी अंक असल्यामुळे दु:खी, सणाच्या दृष्टीने अप्रिय, किळसवाणे, मृत्यूशी संबंधित, थेट ट्रॅजेडीने भरलेले असे प्रकार कृपया न पाठवल्यास बरे.

३. साहित्य पाठवण्याची अंतिम तारीख : २०/०९/२०१४

४. इतर अटी:
साहित्य दिवाळी अंकात प्रसिद्ध करण्याच्या बाबतीत दिवाळी अंक संपादक मंडळाचा निर्णय अंतिम राहील. दिवाळी अंकात समाविष्ट न होऊ शकलेलं साहित्य तुम्ही नेहमीप्रमाणे मुख्य बोर्डावर प्रसिद्ध करू शकताच!

५. साहित्य पाठविण्याचा पर्याय.
वर लिहिल्याप्रमाणे mipa.sampadak@gmail.com या जीमेल आयडीला पाठवल्यास उपकृत राहू. पण काही कारणाने ते शक्य नसेल तर दिवाळी अंक आयडीला मिपावर व्यनि करावा.

६. अंकासाठी पाठवलेलं साहित्य पूर्व प्रकशित असू नये. आणि मिपा दिवाळी अंकात हे लिखाण प्रकाशित झाल्यावर निदान ३० दिवसांपर्यंत ते लेखन अन्यत्र प्रकाशित करू नये.

मंडळी, आपल्या सहकार्याशिवाय कोणताच उपक्रम यशस्वी होऊ शकत नाही. आपले सर्वांचे सहकार्य अपेक्षित आहे. अजून साधारण २५ दिवस बाकी आहेत. तरी सर्वांनी भरभरून प्रतिसाद द्यावा ही विनंती ! आम्ही आपल्या लेखनाची वाट पाहात आहोत, धन्यवाद !!!

वाचने 36345
प्रतिक्रिया 97

प्रतिक्रिया

प्रभाकर पेठकर रविवार, 24/08/2014 14:27

धन्यवाद आणि मिपाच्या पाठीवर एक कौतुकाची थाप.

नक्कीच, दिवाळी अंकास एखादा लेख, एखादी पाककृती पाठवून सक्रिय सहभागाचा प्रयत्न करेन.

पैसा सोमवार, 25/08/2014 12:56

पेठकर काका, स्वॅप्स, धन्यवाद! लेखाची वाट बघत आहे.

सुहास झेले, अजून जरा मोठ्या शुभेच्छा पाहिजेत, एक पानभर! :P

आदूबाळ सोमवार, 25/08/2014 14:43

त्याचबरोबर आतिवास, स्नेहांकिता, गवि, रामदास, जयंत कुलकर्णी, रणजीत चितळे, जैक डेनियल, अभ्या, इ. नियमित न लिहिणार्या मंडळींनीही लिहायचं मनावर घ्यावं ही विनंती.

मोजी आणि मकले यांनाही आग्रहाची विनंती ;)

पैसा सोमवार, 25/08/2014 15:15

त्याशिवाय टवाळ कार्टा, आदूबाळ, सौंदाळा आणि स्पा याम्च्या लेखाच्या प्रतीक्षेत.

(स्पा यांनी गेली २ वर्षे कबूल करून कल्टी मारली होती याची झाईर आठवण करून देत आहे.)

सस्नेह सोमवार, 25/08/2014 15:50

ज्योती, यशोधरा, प्यारे १, मस्त कलंदर व मोदक यांनाही आग्रहाची लेखन विनंती चित्र उपलब्ध नाही

भाते सोमवार, 25/08/2014 15:00

दिवाळी अंकासाठी समस्त मिपाकरांना लिखाणासाठी हार्दिक शुभेच्छा!

दिवाळी अंकाची वाट पाहतो आहे.

रेवती बुधवार, 27/08/2014 01:59

तसं कुठं ल्हिलय वर? पाकृ चालतील असा उल्लेख केला नसल्याने आम्ही माघार घेतली होती ना पैतै!

पैसा सोमवार, 25/08/2014 22:38

दिवाळीच्या पहाटे प्रकाशित करू असा विचार आहे! आगे भगवान आणि नीलकांत की मर्जी आणि क्रिपा! :D

मुक्त विहारि मंगळवार, 26/08/2014 00:03

क्रिसमसच्या वेळी जरी प्रसिद्ध झाला तरी, त्याचे स्वागत दिवाळी सारखेच केल्या जाईल.

(मिपाभक्त) मुवि...

प्रभाकर पेठकर मंगळवार, 26/08/2014 01:22

माझ्या लहानपणी एकदा वर्तमानपत्रात बातमी छापून आली होती.
'हवामानखात्याच्या अंदाजानुसार यंदाही ७ जून रोजी पावसाळा सुरु होईल'
ह्या बातमीचा संदर्भ देऊन दुसर्‍या दिवशी आचार्य अत्रे ह्यांची टिपण्णी आली होती,
'एक तारखेला पाऊस सुरु झाला तरी जनतेने, 'पावसाळा सुरु झाला आहे' असे मानू नये.'

नगरीनिरंजन सोमवार, 25/08/2014 22:04

दिवाळी अंकाला हार्दिक शुभेच्छा!
संपादकांच्या निवडीच्या उमेदवार पानांमध्ये आम्हीही एखादं पान सरकवण्याचा प्रयत्न निश्चितच करु.

सस्नेह मंगळवार, 26/08/2014 12:26

आश्वासन हवे.
ननि तुम्ही मागच्या दिवाळीअंकानंतर मिपासाठी काहीच लिहिले नाही. लिहिते व्हा..

मिसळलेला काव्यप्रेमी मंगळवार, 26/08/2014 13:21

कामाला लागतो...
(स्वगतः असं म्हणून कविता होत नाही, पण... बघू..)

प्रभाकर पेठकर बुधवार, 27/08/2014 01:16

>>>>(स्वगतः असं म्हणून कविता होत नाही, पण... बघू..)

कांहीतरी 'चुरण' घेऊन पाहा.

दशानन मंगळवार, 26/08/2014 23:49

यावर्षी माझा देखील सहभाग आहे, काही व्यक्तिगत कारणामूळे अनेक दिवस मिपावर मी उपलब्ध नव्हतो, पण आता असेन.

पैसा मंगळवार, 26/08/2014 23:52

चौथा कोनाडा, मिका आणि दशानन, लिखाणाची वाट बघते. पुढची आठवण कधी करू ते सांगा!

चौथा कोनाडा गुरुवार, 28/08/2014 12:19

उत्तेजनासाठी धन्यवाद, पैसाताई ! लिखाण चालू आहे.
अधून मधून आठवण करून दिली तरी चालेल.
असा पुश मिळाला की वेळेत होइल.

एस गुरुवार, 28/08/2014 14:17

१. कोणकोणत्या साहित्यप्रकारात लेखन अपेक्षित आहे.
कविता, व्यंगचित्र, कथा, माहितीपूर्ण लेखन, चुटकुले, विनोदी लेखन, कादंबरी इ. प्रकारचे साहित्य पाठवावे.

चित्र चालेल काय हो? फोटूबिटू? की 'वर्थ अ थाउजंड वर्ड्स' हे वर्ड्समध्येच पाहिजे?

चिगो सोमवार, 01/09/2014 11:27

दिवाळी अंकासाठी शुभेच्छा.. मागील दोन अंकांप्रमाणे हा दिवाळी अंकदेखील दर्जेदारच असणार ह्याबद्दल शंका नाही.. :-)

इशा१२३ मंगळवार, 02/09/2014 15:02

काहितरि लिहिण्याची इच्छा आहेच.पाककृती आणि कलाविभागातील चालेल ना!पण गणपती उत्सवाची गडबड संपल्यानंतर
जमेल.

प्रभाकर पेठकर सोमवार, 08/09/2014 16:10

दूरचित्रवाणीवरील जाहिराती.
वाचन संस्कृती मागे पडते आहे का?
स्त्रिचा सन्मान - मुलांवर करायचा संस्कार.
ऐहिकतेचा प्रभाव आणि मनःस्वास्थ.
आरोग्यदायी जीवनपद्धती.
व्यायामाचे महत्व.
बचतीचे महत्व आणि मार्ग.
ऋतु हिरवा.
पावसाळी सहल.
पर्यावरण रक्षण.
कौटुंबिक विनोदी प्रसंग.
कुटुंबप्रमुख.

प्यारे१ सोमवार, 08/09/2014 16:32

एकदम गावामधलं 'ढ' झाल्यासारखं वाटलं. गा आणि व मध्ये ढ.

थॅन्क यु, 'काका'.

माम्लेदारचा पन्खा सोमवार, 08/09/2014 16:25

चला...ह्या निमित्ताने का होईना .... श्रीगणेशा करावा म्हणतो

माम्लेदारचा पन्खा सोमवार, 08/09/2014 16:55

आम्ही "बा म वि प" नाही होऊ देत !!!

चौकटराजा शुक्रवार, 05/09/2014 05:53

एक पी डी एफ करून ती ई -मेलवर पाठवू का ?. त्यात मजकूर व चित्रेही असतील.
विषय - युरोपातील वास्तुकलेचा खजिना .

स्पंदना शुक्रवार, 05/09/2014 06:16

काहीतरी वेगळं पहायला मिळणार अस वाटतय.
पण पीडीएफ अ‍ॅक्सेस करता येणार नाही अस वाटतय मागच्या अनुभवावरुन.

स्पंदना शुक्रवार, 05/09/2014 07:43

हो. ते जास्त बर पडेल अस वाटतय. विशेष्तः चित्र लावताना लिंकाच बर्‍या पडतील.

पैसा शुक्रवार, 05/09/2014 09:25

धाग्याप्रमाणे लेखन करून जी फाईल तयार होते (टेक्स्ट फाईल) ती जीमेल वर पाठवा.

चौथा कोनाडा रविवार, 14/09/2014 22:43

लेख पाठवला आहे (हुश्श्य ! झाला बाबा मुदतीत पुर्ण लिहून ! कॉलेज सबमिशनचे दिवस आठवले) ७ एमबी ची वर्ड फाईल पोहोचली असेल ना जीमेलने ? काय म्हणतायत संपादक ?

पैसा रविवार, 14/09/2014 23:05

लेख छान आहे! मात्र उत्तर पाठवलंय तशी टेक्स्ट फाईल पाठवा प्लीज! इतकी चित्रे असतील तर आम्हाला पुन्हा मिपावर अपलोड करायला फार त्रास होईल.

चौथा कोनाडा सोमवार, 15/09/2014 19:04

अभिप्रायासाठी मनापासून धन्यवाद !

कुठे "दिपावली" या विभागातच लेखन करायचे ना ?
मला Insert Picture असा पर्याय कुठे दिसला नाही.
स्क्रीन वर दिसणारा "Add a New File" " Browse" आणी "Upload' हाच तो पर्याय का?
याने केले व पूर्वपरीक्षण ला क्लिक केले तरी कृपया सविस्तर मार्गदर्शन कराल का ?

आदूबाळ सोमवार, 15/09/2014 16:33

तुम्ही मोजींचे फ्यान दिसत नाही. नाहीतर ही तक्रार केली नसतीत.

काउबॉय सोमवार, 15/09/2014 18:49

यावर दुमत नाही पण तो एक स्वतंत्र साहित्य प्रकार आहे.

मी कथानक रहस्यमई असणार्या कथाबिजाबाबत बोलत आहे.... नुसतेच रहस्यमयी शब्द असणार्या कथांबाबत न्हवे :)

एस बुधवार, 17/09/2014 11:33

अर्धा टंकून व्यनि करायला गेलो स्वतःला आणि मिपा बंद पडले. :-( पुढच्या दिवाळीच्या आत लिहून पूर्ण करण्याचे आश्वासन देतो. :-)

एस शनिवार, 20/09/2014 19:05

हुश्श्...

ग्वॉड मानुन घ्या जी. आसलं काय ल्हायची पयलीच कोशिस हाय आमची. लय तरास झाला काय सांगू! :-P

आदूबाळ शुक्रवार, 19/09/2014 21:53

काय की!

पण लिहिल्यास मुद्रितशोधनाविना ते लेखन पाँस व्हावं ही विनंती.

प्रभाकर पेठकर बुधवार, 24/09/2014 14:00

दिवाळी अंक २०१४ ची साहित्य स्विकारण्याची तारीख उलटून गेल्यामुळे दिवाळी अंक २०१४ चे दरवाजे आता बंद झाले आहेत का? कि किलकिले उघडे आहेत?

मिसळलेला काव्यप्रेमी मंगळवार, 30/09/2014 17:48

मलाही हाच प्रश्न पडलाय.
मला माहीत आहे आता फारच उशीर झालाय पण काय करणार माझी कविता फारच लहरी आहे.

झकासराव शुक्रवार, 31/10/2014 13:59

दिवाळी अंक उत्तम झाला आहे.
:)

गवि, रामदास काका, प्रभु सर, जेपी, जॅक डॅनियल्स ह्यांनी देखील लेखणी सरसावयला हवी होती असं वाटलं.
अजुन मोठा अंक वाचायला आमची ना नाही :)

मदनबाण मंगळवार, 04/11/2014 10:12

मूळ विषया पासुन जराचे अवांतर :-
आपले मिपा आयबीएन लोकमतच्या "वाचाल तर वाचाल" कार्यक्रमात दिसले. :) इतर मराठी संकेतस्थळे सुद्धा दिसली. :)

मदनबाण.....

आजची स्वाक्षरी :-
अमरापूरकरांचे जाणे
पडद्यावरील खलनायक, सामाजिक क्षेत्रातील 'नायक'
मातीत रमणारा अभिनेता!
अंत्यदर्शनासाठी कलाकारांना वेळच नाही ! :(
Maharaani :- { Sadak }