Skip to main content

प्रबंध

लेखक वेल्लाभट यांनी शुक्रवार, 25/07/2014 14:34 या दिवशी प्रकाशित केले.
चिरदाह वेदनेचा मजला अखंड व्हावा मन त्यातही रुळावे, अन दाह थंड व्हावा येऊनिया न यावा माझा प्रयास कामी नशिबासही कसा हा माझाच छंद व्हावा ते शब्द आठविता, जणु काळही थिजावा एका क्षणाक्षणाचा बघता निबंध व्हावा एकी अशी असावी, निश्चय असा असावा हातात हात यावे, अन मार्ग रुंद व्हावा झिरपावी या मनात एकेक गोष्ट ऐसी प्रत्येक भावनेचा न्यारा सुगंध व्हावा विश्वास या मनीचा, एकाकी मंद व्हावा आतून हाक यावी, अन तो बुलंद व्हावा माझेच मी पुसावे अश्रू असे हसूनी कसलातरी मनाचा माझ्या प्रबंध व्हावा - अपूर्व ओक
काव्यरस
अभय-गझल
लेखनविषय:
वाचने 3890
प्रतिक्रिया 20

प्रतिक्रिया

psajid शुक्रवार, 25/07/2014 14:42
"एकी अशी असावी, निश्चय असा असावा हातात हात यावे, अन मार्ग रुंद व्हावा" हे जमायला हवं !

वेल्लाभट शुक्रवार, 25/07/2014 15:39
नाही..; काफिया जुळत नाही. स्पष्ट पेक्षाही अर्थाने रुंदच अभिप्रेत आहे. थिन लाईन ऑफ डिफरन्स. :)

प्यारे१ शुक्रवार, 25/07/2014 15:03
वाह!

मिसळलेला काव्यप्रेमी शुक्रवार, 25/07/2014 15:41
एकी अशी असावी, निश्चय असा असावा हातात हात यावे, अन मार्ग रुंद व्हावा
सुंदर!!

अजया शुक्रवार, 25/07/2014 16:00
आज छान कवितांचा दिवस आहे मिपावर!

अत्रुप्त आत्मा शुक्रवार, 25/07/2014 18:44
माझेच मी पुसावे अश्रू असे हसूनी कसलातरी मनाचा माझ्या प्रबंध व्हावा >>> अत्तीशय सुंदर!

आयुर्हित शुक्रवार, 01/08/2014 22:06
एकी अशी असावी, निश्चय असा असावा हातात हात यावे, अन मार्ग रुंद व्हावा झिरपावी या मनात एकेक गोष्ट ऐसी प्रत्येक भावनेचा न्यारा सुगंध व्हावा जबरदस्त आशावाद प्रकट झाला आहे! आपले मनातले स्वप्न पुरे होवो. फक्त विश्वास या मनीचा, कदापि न मंद व्हावा आतून हाक यावी, अन तो बुलंद व्हावा हे जास्त योग्य होइल असे वाटते.