मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

मावा केक

स्वाती दिनेश · · पाककृती
साहित्य- १५० ग्राम मैदा १५० ग्राम मावा/खवा (मावा उपलब्ध नसल्यास रिकोटाचीज चा मावा बनवावा.) १२५ ग्राम तूप/लोणी २०० ग्राम साखर ४ अंडी १ चहाचा चमचा वॅनिला इसेन्स १ चहाचा चमचा बेकिंग पावडर पाव कप दूध १चिमूट मीठ कृती- मावा पुरणयंत्रातून मो़कळा करुन घ्या. मैदा,बेकिंग पावडर व मीठ एकत्र करुन घ्या आणि मोकळा केलेला मावा हलक्या हाताने त्यात मिक्स करा. तूप/लोणी फेटून घ्या. त्यात साखर घालून फेटा. अंडी घालून बिट करा. वॅनिला अर्क घाला ,२ मोठे चमचे दूध घाला. मैदा व माव्याचे मिश्रण थोडे थोडे घाला व हलक्या हाताने फेटा. मिश्रण घट्ट वाटले तर एखादा चमचा दूध घाला. सर्व मिश्रण एकजीव झाले पाहिजे. अवन १८० अंश से. वर प्रि हिट करुन घ्या. १८० अंश से. वर ३० ते ३५ मिनिटे बेक करा. (नेहमीसारखेच)केक झाला की नाही ते (त्याच्या)पोटात सुरी खुपसून पहा. नंतर जाळीवर घालून थंड झाला की स्लाइस करा. मावा केक खूप स्पाँजी होत नाही पण चवीला फार सुरेख लागतो. मोठ्या केकपॅन ऐवजी पेपरकप्स मध्ये केकचे मिश्रण घालून मावा कपकेक्स सुध्दा करता येतील.
.
वाचने 13685 वाचनखूण प्रतिक्रिया 43

स्वाती दिनेश Sat, 07/19/2014 - 17:13
रिकोटा चीजचा मावा केला ग, नाहीतर इथे कुठला मावा मिळायाला.. आणि कधीही ये की खायला.. फोन करुन तू येईपर्यंत केक तयार.. :) स्वाती

स्पंदना Sat, 07/19/2014 - 17:16
ही रेसेपी फार म्हणजे फार शोधत होते. जवळ जवळ २० वर्षापुर्वी एकदा केला होता, पण लिहुन नव्हती ठेवली. आता मात्र ही चुक करणार नाही. फंटास्टिक चव असते. अन स्लाईसेस काय दिसताहेत स्वातीताई!! सल्युट!!

स्वाती दिनेश Sat, 07/19/2014 - 17:29
एका नॉनस्टीकपॅनमध्ये रिकोटा चीज घाला व मध्यम आचेवर परता. सारखे परतावे लागते. साधारण २५-३० मिनिटे तरी लागतात.आधी चीज पात्तळ होते ,निराश न होता ढवळत रहा. नंतर हळूहळू घट्ट होऊन खवा होतो. साधारण जेवढे चीज असेल त्याच्या निम्मा मावा होतो. स्वाती

स्पंदना Sun, 07/20/2014 - 23:23
गुलाबजामसाठी मी इव्हॅपोरेटेड मिल्कमध्ये मिल्क पावडर मिसळुन खवा करते. अगदी थोड अन्सॉल्टेड बटर मिसळायच अन मावेत १२ मिन्ट गरम करायच. दर २ मिनिटांनी ढवळायच.

रेवती Sat, 07/19/2014 - 18:29
फोटूत केक इतका लुसलुशीत दिसतोय की लगेच करावा असे वाटतेय. नेहमीप्रमाणेच पाकृ आवडली. रिकोटाचीजच खवा मी एकदा केला होता. चांगला झाला होता.

अत्रुप्त आत्मा Sat, 07/19/2014 - 20:14
ते म्हायत्ये हो........! :-/ पण माझ्यासारख्या अट्टलास असें वांटतें..कीं.. अंड्याशिंवायच्या क्येंकाची चंव ही आत्म्याशिवायच्या देंहां इतकिंच बेचंव असणार.................कसें........अंsssssssssss????? *biggrin* म्हणून म्हटलें..कंरावेंच एकदां पाप! =))

सानिकास्वप्निल Sat, 07/19/2014 - 23:09
कसला लुसलूशीत दिसतोय केक ..यम्मी!!!! मावा केक खूप आवडतो आणितो मावा तू रिकोटा चीज वापरुन बनवलास हे उत्तम म्हणजे आता आम्हाला ही रिकोटा चीज वापरून हा केक बनवता येईल :)

नंदन Sun, 07/20/2014 - 02:30
'काफे उंड कुकन'साठी परफेक्ट! :) (अलीकडेच बंद झालेल्या 'मेरवान'च्या आठवणी पुन्हा छळून गेल्या.)

उदय के'सागर Tue, 07/22/2014 - 21:14
व्वा मस्तं दिसतोय केक. हाच केक मायक्रोवेव मधे करता येइल का? सोलो मायक्रोवेव मधे? मी साधे केक बनवतो तेंव्हा पाच किंवा सात मिनिटे हाय मोड़ वर केक बेक करतो आणि केक मऊ स्पौंजी होतो. तसाच हां मावा केक होउ शकेल का मायक्रोवेव मधे?

उदय के'सागर Tue, 07/22/2014 - 21:14
व्वा मस्तं दिसतोय केक. हाच केक मायक्रोवेव मधे करता येइल का? सोलो मायक्रोवेव मधे? मी साधे केक बनवतो तेंव्हा पाच किंवा सात मिनिटे हाय मोड़ वर केक बेक करतो आणि केक मऊ स्पौंजी होतो. तसाच हां मावा केक होउ शकेल का मायक्रोवेव मधे?

तुषार काळभोर Wed, 07/23/2014 - 11:39
मला काही दिवसांपुर्वी मिपावर मिळालेली ही काही उत्तरे: १. मायक्रो मोड(हा एकच मोड आहे) मध्ये कोणते पदार्थ करता येतात?>>> या मोडमधे पदार्थ गर्म करण्याखेरीज रवा/ शेंगदाणे भाजणे, साबुदाण्याची खिचडी, गाजर हलवा वगैरे पदार्थ करता येतात. 'अन्न शिजवणे' या प्रक्रियेसाठी मायक्रोवेव मोड असतो. २. खूप पाककॄतींमध्ये ओवन ठराविक तापमानाला प्रीहीट करावा लागतो. आणि ठराविक तापमानाला ठराविक वेळ पदार्थ शिजवावा लागतो. पण या ओवन मध्ये तापमानाचं ऑप्शन नाहीये. २ मेकॅनिकल कंट्रोल आहेत. एकः पॉवर-min(२०% ), ४० (=डिफ्रॉस्ट), ६०, ८० आणि max(१००%=८०० Watts). दोनः टाईमर "१८० ला ३० मिन बेक करा" -हे या मायक्रोवेव्ह मध्ये कसं करावं?>>> हे यात होणार नाही. त्यासाठी मायक्रोवेवला कन्वेक्शन मोड असणे आवश्यक असते. ३. रोजच्या कोणत्या गोष्टी मायक्रोवेव्ह मध्ये करता येतात?(भाज्या, भात, वरण, चहा, पापड, अंडी, चिकन, मटन)>>> पापड मस्त एकसारखे भाजले जातात. अंडी मायक्रोवेवमधे उकडायला ठेवू नका, मायक्रोवेवमधे अंड्यांचा स्फोट होतो. चहा/ दूध गरम करता येईल. भाज्या करताना कडधान्ये, फ्लॉवर, गाजर, फरसबी, तोंडली इत्यादी भाज्या मायक्रोवेवमधे शिजवून घेऊन मग गॅसवर फोडणीला टाकता येतील. मायक्रोवेवमधे कमी वेळात भाज्या शिजतात. ४. इन्पुट पॉवर १२०० वॉट्स आहे. म्हणजे फुल्ल पॉवरला अंदाजे तासाला १.२ युनीट वीज=१०रुपये. सवलतीबाहेरच्या ९३० रु च्या गॅसच्या तुलनेत कितपत किफायतशीर आहे?>>> या प्रश्नाला पास (श्रेयाव्हेरः हसरी )

उदय के'सागर Wed, 07/23/2014 - 13:03
धन्यवाद पैलवान.
"१८० ला ३० मिन बेक करा" -हे या मायक्रोवेव्ह मध्ये कसं करावं?>>> हे यात होणार नाही. त्यासाठी मायक्रोवेवला कन्वेक्शन मोड असणे आवश्यक असते.
मला हे फारसं पटलं नाही कारण वर म्हंटल्याप्रमाणे, मी ज्या काही केक च्या रेसेपी आहेत त्या सोलो मायक्रोवेव मधे हाय मोड वर ५-७ मिनीटे बेक करुन उत्तम केल्या आहेत, त्यामूळे ते अगदीच होणार नाही असं वाटत नाही. अर्थात कन्व्हेक्शन असल्यास ते अजून उत्तम दर्जाचं होत असेल ह्यात शंका नाही.

स्वाती दिनेश Wed, 07/23/2014 - 13:10
मायक्रोव्हेव -मायक्रोवेव + कनव्हेक्शन असेल तर कन्वेक्शन मोड वर ठेवून साध्या अवन प्रमाणे वापरणे.म्हणजेच साध्या अवन मध्ये जितका वेळ लागतो साधारण तितकाच वेळ त्यातही लागतो आणि केक उत्तम होतो. साध्या मायक्रोवेव (बिना कन्व्हेक्शनचा) मध्ये जर केक केला तर त्याला ब्राऊनिंग येत नाही आणि कधी कधी केक आतून होतो पण बाहेरुन सॉगी रहातो.(वाफ धरल्यामुळे) साध्या मायक्रोव्हेव अवन मध्ये केक करताना साधारण ८०० वॅट वर ६ मिनिटे वेळ लागतो. वॅटेज कमीजास्त असेल त्या प्रमाणात वेळ अ‍ॅडजस्ट करावा लागेल. अधिक माहितीसाठी हे वाचावे. स्वाती