Skip to main content
लेखक भिंगरी यांनी शनिवार, 05/07/2014 15:15 या दिवशी प्रकाशित केले.
झटपट दहीवडे साहित्य ... बटर (चहात बुडवून खातात ते.) गोड दही चिंच खजुराची चटणी जिरे पावडर लाल तिखट मीठ कोथिंबीर कृती............. दह्यामध्ये साखर व चवीपुरते मीठ टाकून चांगले फेटून घ्यावे. बटर कोमट पाण्यात बुडवून लगेच बाहेर काढून प्लेट मध्ये ठेवावे. एक मिनिटाने त्यावर फेटलेले दही टाकून त्यावरआवडत असल्यास चिंचेची चटणी टाकावी. वरून लाल तिखट,जीरा पावडर,चवीनुसार मीठ टाकावे कोथिंबीर टाकून खाण्यास द्यावे. थोडावेळ फ्रीज मध्ये ठेवल्यास थंडही छान लागते.
वाचने 32013
प्रतिक्रिया 111

प्रतिक्रिया

मुक्त विहारि शनिवार, 12/07/2014 19:20
साहित्य : १. कुठलीही कं. २. कुठलीहा शाखा ३. कुठलाही प्रदेश अथवा राज्य ४. महाराष्ट्र सोडून इतर कुठल्याही प्रदेशातील मॅनेजर आणि ५. बाकी सगळे मराठी कामगार. क्रुती. एकदम साधी आहे. मॅनेजरने ज्याला अजिबात अक्कल नाही अशा मराठी माणसाला, पगार वाढ द्यावी.त्यानंतर मराठी माणसांत आपापसात जे काही घडेल त्याला खेकड्यांचे लोणचे म्हणतात. बादवे, ह्या लोणच्याचा आस्वाद इतर परप्रांतीयच घेतात, हे सांगायला नकोच.

भिंगरी रविवार, 13/07/2014 15:57
धन्यवाद मिपावाले, माझ्या मिपावरील प्रवेशाच्या पहिल्याच पाककृतीवर इतका प्रतिसाद मिळाला. अजून काही प्रतिसाद आले कि शतक पूर्ण होईल आणि ही सारी किमया माझ्या नजरचुकीमुळे गळपटलेल्या प्रतिसादामुळे. जो भी होता है अच्छे के लिये होता है

इरसाल मंगळवार, 15/07/2014 09:47
दह्यातला खेकडा......मिपाकर कित्ती कित्ती ते आंबटशौकीन !!!!!!

ज्ञानोबाचे पैजार शनिवार, 02/08/2014 12:19
कालच नरकोंडम बेटावरुन परत आलो. काय मस्त साखरेसारखी गोड केळी मिळाली म्हणुन सांगू? अमावस्येच्या आधि उतरवल्या मुळे चांगली भरलेली होती. मग काय चांगली ४०-५० डझन केळी पाठीवर बांधुन घेतली आणि मारली समुद्रात उडी तिकडून बंगालच्या उपसागरातुन पोहत पोहत, कृष्णा, भीमा, मुळा-मुठा मार्गे पुणे गाठले. उद्या म्हणजेच रविवारी नरकोंडम बेटावरची केळी, भरलेले खेकडे, आणि बटर दहिवडे यांचा आस्वाद घेण्यासाठी एक कट्टा रायगडाच्या टकमक टोकावर आयोजीत केला आहे. सर्वांना सस्नेह निमंत्रण. पैजारबुवा,

भिंगरी शनिवार, 02/08/2014 14:58
उद्या टकमक टोकावरून कुणाकुणाचा कडेलोट होणार आहे? माझा तर आधीच झालाय,चुकीच्या ठिकाणी प्रतिसाद देऊन.