ही सारस्वत पध्दतीची आमटी शेवग्याच्या शेंगा घालून करतात... एक वेगळी चव! ४०० ग्रॅम सोललेली कोलंबी (धुऊन घ्यावी) अर्ध्या नारळाचे खोबरे १ वाटी नारळाचे घट्ट दूध १ मध्यम आकाराचा कांदा बारीक चिरलेला १ शेवग्याची शेंग (४'' चे तुकडे करावे) कैरीचा तुकडा - नाहीतर बोराएवढी चिंच पाव चहाचा चमचा धने ४ मिर्‍याचे दाणे ४ सुक्या मिरच्या हळद मीठ चवीप्रमाणे किंचित तेलात धने + मिरे + सुक्या मिरच्या परतून खोबर्याबरोबर वाटाव्या. कोलंबी, कांदा, कैरी किंवा चिंच, शेवग्याच्या शेंगेचे तुकडे व हळद थोडे पाणी घालून शिजवा. कांदा पारदर्शक झाला की घने-खोबर्‍याचं वाटण व मीठ घालून मंद आचेवर पाच मिनिटे उकळवा. नारळाचे दूध घालून एक मंद उकळी येऊ द्या. गरम भातावर तळलेल्या हलव्याच्या तुकड्यांबरोबर ही आमटी स्वर्गीय! ;) इथे पाककृती पहिल्यांदाच लिहितेय... आवडली तर कळवा. मला माहित असलेल्या सारस्वत रेसिपी लिहित जाईन.