Skip to main content

मँगो केक (ईन प्रेशर कुकर)

लेखक दिपक.कुवेत यांनी रविवार, 25/05/2014 13:18 या दिवशी प्रकाशित केले.
Cake 1 साहित्यः १. मैदा - १ कप २. बटर - १२० ग्रॅम ३. ४ हापुस आंब्याचा पल्प ४. व्हॅनीला ईसेन्स - १ चमचा ५. बेकिंग पावडर - १/२ चमचा ६. बेकिंग सोडा - १/२ चमचा ७. मुठभर काळ्या मनुका ८. साखर (आंब्याच्या गोडिनुसार कमी/जास्त) कॄती: १. रिकाम्या कुकर मधे खाली तळाशी मीठ घाला व वरुन तरतं झाकण थेवुन मंद आचेवर प्रीहिट करत ठेवा. कुकरला शीटि अजीबात लावु नका. prehear cooker २. हापुस आंब्याचा रस मिक्सर मधुन काढा व गाळण्याने गाळुन घ्या जेणेकरुन खाताना रेषा/धागे तोंडात येणार नाहि ३. आता एका मोठ्या बाउल मधे बटर आणि साखर ईलेक्ट्रिक बीटर ने फेटुन घ्या ४. आता त्यात मैदा, बेकिंग पावडर, सोडा, व्हॅनिला ईसेन्स, काळ्या मनुका घालुन फेटत रहा ५. आता त्यात मँगो पल्प घालुन फेटा. मिश्रण अगदिच घट्ट वाटलं तर गरजेप्रमाणे दुध घालुन मिश्रण फ्लोंईंग कंन्सीस्टंटिचं करा batter ६. अ‍ॅल्युमिनियमच्या भांड्याला/टिन ला बटर चा हात लावा व त्यावर मैदा भुरभुरुन डस्ट करुन / सर्व बाजुनी कोट करुन घ्या ७. आता फेटलेलं मिश्रण भांड्यात घालुन भांड टॅप करुन घ्या जेणेकरुन मिश्रण सर्वबाजुनी सेट होईल before bake ८. प्रिहिट झालेल्या कुकर मधे एक ३५-४० मि. बेक करा. एक ३५-४० मि. कुकरचं झाकण उघडुन सुरी किंवा विणायची सुई खुपसा. जर ती क्लीन बाहेर नाहि आली तर केक अजुन बेक करा After bake ९. केक पुर्ण गार झाला कि हव्या त्या आकारात कापुन त्याचा आनंद घ्या अवांतरः ओव्हन आणि कुकर मधे बेक केल्यावर केकच्या टेच्क्शर मधे नक्किच फरक पडतो. माझा हा केक आतुन थोडा मॉईस्ट राहिला. उरलेलं थोडं मिश्रण जेव्हा बेक केलं तेव्हा केक पुर्ण गार झाल्यावर कापला पण मधली लेयर थोडि दाठरलेली झाली. एवी वे पण विदाउट ओव्हन आणि केक खायची दांडगी हौस ह्यापुढे सगळं विसरलो. Final cake टिप: १. ह्या केक मधे मँगो पल्प एवजी अननस + अक्रोड, केळि कुस्करुन + मनुका, खजुराचा पल्प + बदामाचे काप, कोको-ड्रिकिंग चॉकलेट पावडर घालुन वेगवेगळ्या फ्लेवर्सचे केक बनवु शकतो.
वाचने 26821
प्रतिक्रिया 50

प्रतिक्रिया

कवितानागेश रविवार, 25/05/2014 15:01
कित्ती शहाणा माणूस! ओव्हन नसताना केक करायची सोपी कृती. :) शिवाय अंडं न घालताच... ;)

सस्नेह रविवार, 25/05/2014 15:11
अन याखेपी दीपभौंनी सगळ्या स्टेप्स रीतसर दिल्यायत त्याबद्दल त्यांचे विशेष आभार !

मुक्त विहारि रविवार, 25/05/2014 15:02
झक्कास... आता तू भारतात आलास की, सगळी सूट्टी आमच्या डोंबिवलीतच रहा. आपण मस्त पैकी खाद्य पदार्थांचा क्लास चालू करू या.तेव्हढेच ४ पैसे तुझ्या गाठीला अन उत्तम पदार्थ आमच्या उदरांत... आम्ही डोंबिवलीकर तसे खवय्येच. (एक २/४ दिवस फक्त उरणला जावू या.इथे पण सुकी मच्छी मिळत नाही.तेव्हढी घेऊ, अन परत येवू.)

भाते रविवार, 25/05/2014 15:39
दिपक, तुझ्या डोंबिवलीतल्या शिकवणी वर्गाला मुविंबरोबर माझेही नाव राखुन ठेव. बाकी विद्यार्थी मिळतीलच तुझ्या शिकवणीसाठी. धन्यवाद, केकची पाकृ विकांताला टाकल्यापद्धल.

दिपक.कुवेत रविवार, 25/05/2014 19:43
अरे शीकवणी वर्ग / ते पैसे राहौदे बाजुला. डोंबीवलीत आलो कि रोज कट्टा करु (घरच्या घरी). मिल बैठेगें तीन यार....आप, मै और भात्या!!!

मुक्त विहारि रविवार, 25/05/2014 21:34
आता येतोस केंव्हा ते सांग.. मला ७/८ दिवस सूट्टी पुढे-मागे करता येईल.

दिपक.कुवेत सोमवार, 26/05/2014 13:04
आता नेक्स्ट ईयर जुन-जुलै मधे येणार आहे. मस्त धो धो पावसात कट्टा करुया.

मुक्त विहारि रविवार, 25/05/2014 19:08
स्मायलीचीच वाट बघत होतो.. जय स्मायलीवाले बाबा

मदनबाण रविवार, 25/05/2014 19:57
जबरा ! :) काळ्या मनुका मस्तच लागतात ! ;)

कंजूस रविवार, 25/05/2014 19:58
हौशी शेफना घाबरवण्याचा उद्देश नाही परंतू माझा अनुभव सांगतो . एक शंका .ते कुकरच्या तळाशी मीठ घालणे याबद्दल आहे .{ओले}मीठ आणि अॅल्युमिनिअम शत्रू आहेत .भोके पडतात .मी पूर्वी खारे दाणे करायचो .दोनचारदा केल्यावर कळले दाणे पाचशे रुपये पाव किलो पडले (कढई बाद) . एखादा न वापरायचा कुकर तरी घ्यावा अथवा मिठाला पर्याय हवा .

दिपक.कुवेत सोमवार, 26/05/2014 13:06
मिठामुळे अ‍ॅल्युमिनियमला भोक पडतात हे अधुंकस ठाउक होतं पण आता परत हिम्मत करणार नाहि. तसाहि ओव्हन घायचाच आहे तो ह्या निमित्ताने घेउन होईल. माहितीसाठि थँक्यु.

पैसा रविवार, 25/05/2014 20:02
दीपक, मिठाऐवजी वाळू घातली तर काय होईल?

इन्दुसुता रविवार, 25/05/2014 21:16
मीठापेक्षा बारी़क वाळू हा जास्त चांगला पर्याय आहे, कधीही / कुठलेही भांडे वापरताना. वाळूची अधिक वेळ गरम राहण्याची क्षमता बेकिंग साठी उपयोगी ठरते. अ‍ॅल्युमिनियम पात्रं बेकिंग साठी एक वेळ ठीक पण, कूकर वापरण्याऐवजी लोखंडी तव्यावर वाळू ठेवून केक करणे अधिक उचित! त्यावर मोठे कुठलेही भांडे झाकता येते. ह्या केकची कन्सिस्टंसी साखर किती घातलीय आणि किती वेळ बटर आणि साखर फेटली आहे ह्यावर आणि बाहेरील ( वातावरणाचे ) तापमान काय आहे यावर अवलंबून असेल. लाइट केक हवा असेल तर मात्र अंड्याला पर्याय नाही. सर्व्ह करताना हा केक थंड सर्व्ह करावा. व्हिप्पड क्रीम वर ताज्या आंब्याचे लहान काप घालून सर्व्ह करावा. ( मनुका नकोत). खाली दिलेल्या टीपेत अननस व अक्रोड हे क्लॅशिंग फ्लेवर्स आहेत ते एकत्र नकोत, बाकी पर्याय ठीक आहेत. चांगला प्रयत्न!!!

दिपक.कुवेत सोमवार, 26/05/2014 13:09
अगं आधी वाळुच घालणार होतो आणि मिठाएवजी तीच योग्य आहे पण तु नळित एका प्रतिथयश शेफ नी मीठ घातलेलं बघुन मी हि ट्राय केलं. ईन्दुसुता ने दिलेल्या टिप्सहि अतीशय उपयुक्त आहेत. पुढिल वेळेस योग्य ती खबरदारी घेईन.

अनन्न्या रविवार, 25/05/2014 23:04
फ्रायपॅनमध्ये छान होतो. एवढा खटाटोप पण नाही. फ्रायपॅनला तुपाचा हात लावून मंद गॅसवर भाजा. मस्त होतो केक! रव्याचा पण मँगो केक छान होतो.cake

दिपक.कुवेत शुक्रवार, 30/05/2014 20:10
एक वाटी रवा, एक वाटी दही , एक वाटी साखर , अर्धी वाटी आमरस, दोन छोटे चमचे लोणी, अर्धा चमचा खायचा सोडा, मीठ. दही, साखर, आमरस, लोणी फेटून घ्या. त्यात रवा मिसळून तासभर झाकून ठेवा. तासाभराने त्यात सोडा आणि चवीपुरते मीठ घालून मिश्रण ढवळा. फ्रायपॅनला तुपाचा हात लावून मंद गॅसवर डायरेक्ट ठेवा. पंधरा मिनिटात मस्त केक तयार होतो. यात आमरसाऐवजी व्हॅनिला, स्ट्रॉबेरी असा इसेन्सही चांगला वाटतो. पहा करून, छान लागतो.

एस शनिवार, 31/05/2014 17:22
धन्यवाद दिपकभौ अनन्न्यातैंनीपन दिली पाकृ पाठवूनशान. वी आर ऑल सेट. (नीट जमल्यास) उद्या फोटू लटकवतो इथे.

सुहास झेले रविवार, 25/05/2014 23:59
धाग्याच्या सुरुवातीलाच जीवघेणा फोटो टाकलात.... एकदम खल्लास :)

इरसाल सोमवार, 26/05/2014 10:58
आवडला केक त्यातल्या त्यात हापुसचा म्हणजे बोलायलाच नको. पन वो अ‍ॅल्युमेलके भांडेसे उल्टाकरके उस्को बाहर निकालना कित्ता डिफीकल्ट मालुंग ! उपरका डिजायन मोडता हय !

दिपक.कुवेत सोमवार, 26/05/2014 13:13
अरे कुच डिफिकल्ट नय है. भांडा गार होनेके बाद हि उल्टा करनेका. पहेले किया तो हात भाजेगा और डिजाईन का भी वाट लगेका. गार होने के बाद वो आपसुक हि बार आता हय.

सखी मंगळवार, 27/05/2014 22:45
इरसालः शिजताना दम निघतो, निवताना नाही हेच खरं! दिपक: केक एकदम भारी दिसतोय त्यात हापुसचा म्हणजे मस्तच लागेत असेल. इन्दुसुताने दिलेल्या अधिक टीपापण आवडल्या.

यशोधरा सोमवार, 26/05/2014 13:18
सुंदर! वा! वा!! ते क्लास वगैरे काय ते सुरु करा. पदार्थ चाखून पहायला मेर्कू बुलाव.

इशा१२३ सोमवार, 26/05/2014 13:26
मस्त दिसतोय केक...ओव्हन शिवाय करता येतोय हे फारच छान..आता ते अ‍ॅल्युमिनियमच भांड कुठुन आणायच..त्याला काही पर्याय नाही का?

दिपक.कुवेत सोमवार, 26/05/2014 13:56
वर अनन्न्या ने म्हटल्याप्रमाणे तु फ्राय पॅन मधेहि (फ्राय पॅनला तुपाचा हात लावुन) केक करु शकतेस. त्यासाठि मंद आचेवर एका लोखंडि तव्यावर वाळु तापली कि त्यावर फ्राय पॅन ठेवुन बेक कर. ऑल द बेस्ट!

त्रिवेणी बुधवार, 28/05/2014 12:44
माझे सगळे कुकर Hawkins contura चे आहेत त्यात केला तर चालेल का की कोटींग खराब होईल. इथल्या बल्लवाचार्यांनी ओवेन चे सेटिंग दिले तर करून बघेन.

एस शुक्रवार, 30/05/2014 17:18
ही पाककृती 'एगलेस' आणि 'शुगरलेस' कशी करता येईल? आंब्याचा अंगभूत गोडवा तितपतच चालेल. उद्या करून पाहणार आहे. रच्याकने - 'मधुमोहा'पायी 'मधुमेह' झालेल्यांच्यासाठी कायतरी पर्याय सुचवा राव कोणीतरी.

दिपक.कुवेत शुक्रवार, 30/05/2014 20:12
वरिल पाकॄ हि एगलेसच आहे, जरा साहित्य आणि पाकॄ नीट पहा बरं. शुगरलेस साठि मध हा पर्याय ठरु शकतो.

Prajakta२१ शुक्रवार, 30/05/2014 21:51
आत्ताच मी आंब्याचा शिरा विथ गुलकंद करून बघितला ठीक ठाक झालाय आत्ता हे करून बघेन शुगरलेस साठी शुगर फ्री ची पावडर मिळते ती पण चांगला पर्याय ठरू शकेल मैद्याऐवजी कणिक वापरली तर चवीत फरक पडेल का?

कंजूस शनिवार, 31/05/2014 06:23
मीठ कसे वापरायचे ते सांगतो ।एक अॅल्युमिनिअम फॉईल दुहेरी करून खाली ठेवून त्यात मीठ ठेवायचे .शक्यतो जुनाकुकर अथवा निर्लेपथर उडत आलेले पैन वापरायचे . कोकणच्या किनाऱ्यावर एकसट्रा वर्जिन वाळू मिळणे कठीणच आहे .त्यामुळे वाळूऐवजी मीठ रेकमेंड केले असेल .

निवेदिता-ताई सोमवार, 23/06/2014 21:22
रव्याच्या केकबद्दल धन्यवाद...

सविता००१ सोमवार, 30/06/2014 12:12
बास. एवढच म्हणणार मी आता... दीपक, तू कर आणि मला बोलाव खायला. मी एकतर्फी ठरवलंच आहे तसं.