पौष्टिक मेथी धिरडे

साहित्य मेथी धिरडे पीठः ६ वाट्या तांदूळ २ वाट्या तूरडाळ २ वाट्या चणाडाळ २ वाट्या उडीदडाळ २ वाट्या ज्वारी १ वाटी गहू १ वाटी धणे १/२ वाटी मेथीदाणे वरील सर्व जिन्नस न भाजता एकत्र दळून आणा. (प्रमाण आईचे आहे, त्याप्रमाणे मी पिठ दळून आणते व हवे तेव्हा ही धिरडी बनवते) साहित्यः २ वाट्या तयार धिरडे पीठ १०-१५ लसूण ठेचून (भरपुर लसूण घालावा, मेथी+लसूण भन्नाट चव लागते) १/२ टीस्पून हळद १-१/२ टीस्पून लाल तिखट मीठ चवीनुसार २ चमचे तेल पाकृ: पिठात हळद, लाल तिखट, ठेचलेले लसूण, मीठ व दोन चमचे तेल घालावे. एक वाटी पीठ असल्यास २ वाट्या पाणी असे प्रमाण आहे, त्याप्रमाणे पाणी घालून , नीट मिक्स करावे. नॉन-स्टीक तवा गरम करुन घ्यावा व मंद आच करून थोडे तेल ब्रश करुन, वाटीने पीठ ओतावे. थोडे तेल सोडून एका बाजूने छान होऊ द्यावे मग उलटवून दुसरी बाजू शिजु द्यावी. गरम-गरम धिरडे नारळाच्या चटणीबरोबर सर्व्ह करावे.