उकरपेंडी

आम्ही ज्वारीचे पीठ वापरुन असेच 'ज्वारीच्या पीठचे उप्पीट' बनवितो. ताका मुळे मस्त चव येते.
आता कणिक वापरुन बघितले जाईल.

धन्यवाद !!!

जबरी... मला खूप आवडतो हा प्रकार.... :)

मस्त गं! फोटू आवडला. कांदा घालतात पण शेंगदाणे घालतात हे नवीन समजले. आता नक्की करणार.

मस्तं पाकृ
कणकेची असल्यामुळे नक्की बनवून बघणार :)

पाककृती आणि फोटो अगदी सुरेख. मागे इथे तांदळाच्या पीठाची उकड म्हणून एक पाककृती पहिली होती बनविण्याची पद्धत आणि जीन्नस थोडेफार सारखे वाटत आहेत. मी बनवून पाहीन सोप्पी पद्धती आहे.

पाक्रु इंटरेस्टींग वाटतेय. पण एक बेसिक प्रश्न कणिक म्हणजे काय? नक्की कशाचं पीठ?

आवडता पदार्थ. नाश्त्याला भरपूर खाल्ला तर संध्याकाळपर्यंत भूक न लागण्याची गॅरेंटी !!

माझा आणखी एक आवडता पदार्थ.

आमच्याकडे उकरपेंडी शेंगदाणे न घालता केली जाते. खाताना वरून बारीक चिरलेला कांदा व कोथिंबिर घातल्यास अप्रतिम चव लागते.

अनपेक्षितपणे 'उकरपेंडी' हा अत्यंत आवडीचा पदार्थ इथे बघून फार आनंद झाला. धागाकर्तीला अनेक धन्यवाद.
हा पदार्थ मध्यप्रदेशात, खास करून माळव्यात आवडीने केला जातो (वा जात असे) त्यासाठी (आता दुर्लभ झालेल्या) माळवी गव्हाचा जाडा आटा मुद्दाम दळवून घेतला जातो. ही परंपरा गेली छत्तीस वर्षे दिल्लीत राहूनही आम्ही अजूनही पाळली आहे. या जाड्या आट्याचे गाकर, धपाटे आणि बाट्या पण खूप छान होतात.
उकरपेंडी करताना पाणी वा ताक एकदम न टाकता हळूहळू थोडे थोडे शिंपडत गेले तर गिचका न होता उकरपेंडी मोकळी होते. कणीक पुरेशी भाजली गेली, की घरात खरपूस वास पसरतो. कढईत खाली लागणारी खरवड आवडत असेल, तर मुद्दाम खाली जरा लागू द्यावी. पाणी एक वाटी कणकेला साधारणपणे एक वाटी लागते.
आंबटशौकीनांनी वर लिंबू पिळून घ्यावे, वा लिंबाचे गोड लोणचे घ्यावे.
अहाहा... केलीच पाहिजे आजच उकरपेंडी.

चांगली लागते ही पाककृती .आमच्याकडे मोकळभाजणी करतात अशीच .चकली /थालीपीठाची भाजणी घेतात .शेंगदाणे हवेतच .

फारच छान.....
ह्ये कराया पन सोप्पं वाटतया.
आन् कामाच्या दिसाला तर..सकाळच्याला येक डाव कचकून हानलं,तर दुपारी चार वाजिपरेंत काय टेण्शण न्हाई. लै मस्त बगा.

झकास !! चावायची गरज नाही.

आम्ही कोकणी लोक तांदुळाच्या पिठाची उकड करतो. साधारण अशीच. आता ही पाकृ सुद्धा करून बघेन!

साधे पाणी घालायचे की आधणाचे? ताक तर साधेच घालायचे असेल.

चविष्ट दिसतोय. एकदा करुन बघायला पाहिजे. तांदळाच्या पिठाची 'उकड' आवडत नाहि त्याला हा पर्याय मस्त आहे.

खास करुन ग्रामीण भागात घरोघरी बनवल्या जाणारा पदार्थ..लहानपणापासुन अतिशय आवडता.
यात थोडीसी मसुराची अख्खी दाळ (रात्री भिजत घातलेली)तळुन घातली तर...व्वा व्वा..तोंडाले पानी सुटलं ना बे

सुके खोबरे वरती मुबलक पेरून वर एखादा चमचाभरून तूप...
अहाहा ...

झक्कास.

लहानपणी खूप वेळा खाल्ली आहे उकडपेंडी. आमच्याकडे उकडपेंडी किंवा फोडणीचं पीठ देखील म्हणतात. का कुणास ठाऊक पण मला उकडपेंडी वर्तमानपत्राच्या कागदावर घेऊन खायला जास्त आवडते (जशी गरमगरम साबुदाणा खिचडी हिरव्यागार केळीच्या पानावर थोडी जास्तच चविष्ट लागते). आणि सोबत तोंडी लावायला फोडलेलाच कांदा हवा. आणि ताजे दही सोबत असेल तर सोने पे सुहागा! मजा आ जाता है!

- उकडपेंडीसाठी तेल अंमळ जास्त लागते. डायेटवाल्यांसाठी हेड्स-अप.
- कणकेची उकडपेंडी पचायला थोडी जड असते. पोट गच्च भरते. काही थकवणारी कामे करण्याआधी खाल्लीत तर नो प्रॉब्लेम!
- ज्वारीच्या पीठाची उकडपेंडी पचायला हलकी असते.

लहानपणीच्या सुखद दिवसांची आठवण करून दिल्याबद्दल शतशः धन्यवाद :-)

फोटो पण छान आलेत गं!

या आठवड्यात करुन बघिन.

मस्त पाककृती आहे मधुरा..
.

दिसतेय पाकृ, करुन बघायला पाहीजे, कणकेचा गिचका व्हायला नको, पण चित्रगुप्त यांनी दिलेल्या टीपा उपयोगी पडतील.

लहानपणी खायचो पण खूप गोळा गोळा व्हायची म्हणून नन्तर करणे बंदच केले
आत्ता परत करून पाहीन :-)
धन्यवाद

करकू देखेंगी हां.

पाकृ छान.
पण आमचं घोडं उकरपेंडी की उकड्पेंडी वर अडलय. ते उकर पेंडी म्हणजे पेंड किंवा ढेप उकरौन काढणारा घोडा समोर येतोय.

नाव बरेचदा ऐकलं होत पण कधी खाल्ली नव्ह्ती, आता करुन बघेन.

माझी आई करते बर्‍याच वेळा हा पदार्थ. पण तिची उकरपेंडी ब्राऊन असते....आणि वर चिरलेला कच्चा कांदा आणि भरपूर कोथिंबीर.....वाह्ह!!

च्यामारी ह्यो काय प्रकार ? पहिल्यांदाच पाहिल्या / वाचल्या सारखे वाटले !
@मुवि :- नक्की... त्यावेळी मी देखील हजेरी लावण्याचा प्रयत्न करीन. :)