ऑरेंज कुकिज | मिसळपाव

साहित्यः अडीच वाट्या मैदा ३/४ वाटी साखर २२५ ग्राम बटर किंवा दोन स्टीकस बटर (रुम टेम्परेचरला असलेले) १ अंडे १ टेस्पून संत्र्याचा रस १ टेस्पून किसलेले संत्र्याचे साल १/२ टीस्पून किसलेले आले १/४ टीस्पून मीठ

पाकृ: मिक्सींग बाऊलमध्ये बटर व साखर एकत्र करुन फेटून घ्या. त्यात किसलेले संत्र्याचे साल. किसलेले आले, मीठ व फेटलेले अंडे घालून चांगले फेटा. त्यात थोडा-थोडा करुन मैदा घाला व मिश्रण फोल्ड करा. संत्र्याचा रस व थोडा मैदा घालून एकत्र करा.

मिश्रण चांगले मळून क्लिंग फिल्ममध्ये गुंडाळून फ्रिजमध्ये एक तास ठेवा. एका तासाने मिश्रणाचा थोडा भाग काढून, थोड्या मैद्यावर जाडसर लाटून घ्या व कुकी कटरने कातून घ्या. ओव्हन १८० डिग्री सें प्री-हीट करायला ठेवा. बेकिंग ट्रेवर बेकिंग पेपर लावून घ्या व त्यावर कातलेल्या कुकिज थोड्या अंतरावर रचून ठेवा. १८० डिग्री सें वर १०-१२ मिनिटे कुकिज हलक्या सोनेरी रंगावर बेक करुन घ्या. बेक झाल्या की ट्रे बाहेर काढून ५ मिनिटे ठेवा व नंतर कुकिज कुलिंग रॅकवर काढून ठेवा. पूर्ण गार झाल्या की हवाबंद डब्यात भरुन ठेवा.

ह्या कुकिज तुम्ही कॉफी, चहा, दुधाबरोबर सर्व्ह करु शकता. नुसत्याही खायला छान लागतात. आवडत असल्यास आल्याचे प्रमाण वाढवू शकता. ह्या पाक्रुत सटल हिंट येते आल्याची.

वाचन संख्या 10926

प्रतिक्रिया 37

प्रतिक्रिया

मी पैला

अत्रुप्त आत्मा सोमवार, 21/04/2014

मी पैला :D सगळी भिस्कुटं माजी... बाकिची परतिक्रीया भिस्कुटं संपल्यावर! :D

ये आतुम्स, मला येक ध्ये न?

स्पंदना सोमवार, 21/04/2014

ये आतुम्स, मला येक ध्ये न? ये द्ये ना! चिमणीचा घास? तेव्हढ तरी? ये दे ना!

बचपन याद दिला दे!!!

मनिष सोमवार, 21/04/2014

बचपन याद दिला दे!!! :) खरंच काय मस्त दिसतात आहे! ऑरेंज आणि आले म्हणजे चवही खासच असणार...बेकिंग मधे उडी घ्यावी का?

@ये आतुम्स, मला येक ध्ये न?

अत्रुप्त आत्मा सोमवार, 21/04/2014

@ये आतुम्स, मला येक ध्ये न? ये द्ये ना! चिमणीचा घास? तेव्हढ तरी? ये दे ना!>>> :D .. :D .. :D

http://www.sherv.net/cm/emoticons/eating/eating-cookie.gif

वरती खाल्ली तेवडी माजी... :D आणि ही खाली गरम/गरम काडलीयेत ती तुमची! :D

http://www.sherv.net/cm/emoticons/eating/cookies-smiley-emoticon.gif

अपर्ना तै. मलापन एक देताव का?

बालगंधर्व सोमवार, 21/04/2014

अपर्ना तै. मलापन एक देताव का? सनिका तैचया कुकिझ चान अहेत.सुघरन

आह्ह... मस्तच !

मदनबाण सोमवार, 21/04/2014

आह्ह... मस्तच ! :)

जबरा!

किसन शिंदे सोमवार, 21/04/2014

जबरा!

अहाहा! कसल्या दिसताएत कूकीज !!

अजया सोमवार, 21/04/2014

जीव वेडावला!

मस्त

नंदन सोमवार, 21/04/2014

खल्लास पाकृ!

जीव गेला...

दिपक.कुवेत सोमवार, 21/04/2014

ऑरेंज असलेलं काहिहि आवडत. कुकिज फारच जब्राट दिसत आहेत. पण चहाबरोबर खाण्यापेक्षा मी नुसत्याच खाईन अर्थात अआ आणि अपर्णानी शील्लक ठेवल्या तर!

३/४ वाटी साखर म्हंजे साधारण

कवितानागेश सोमवार, 21/04/2014

३/४ वाटी साखर म्हंजे साधारण किती ग्रॅम? जणू काही मी लगेच करुन बघणारेय.. :P

मस्तच दिसतायत.

साती सोमवार, 21/04/2014

मस्तच दिसतायत. बेकिंग बर्याचदा पार गंडलंय माझं त्यामुळे करायची हिंमत होत नाही. पुन्हा सगळी कॉस्ट बाजारात मिळणार्या पदार्थांच्या तुलनेत दुप्पट तिप्पट जास्त होते.

मस्त

सखी सोमवार, 21/04/2014

मस्तच दिसत आहेत बिस्कीटं, पटकन एक उचलावसं वाटतं. साती बेकींगसाठी काटेकोरपणा फार महत्वाचा असे म्ह्टले जाते, सगळ्या गोष्टी अगदी मोजुनमापुनच घ्याव्या लागतात. अर्थात मी यातली एक्सर्पट नाही, पण हे खुप शेफकडुन नेहमी ऐकत आली आहे. ओवनचे तापमान बरोबर असावे लागते नाहीतर पदार्थ बाहेरुन झाल्यासारखा वाटले आणि आतुन कच्चाही राहु शकतो. आपण गॅसवरच्या स्वयंपाकात थोडेफार कमीजास्त झाले तर अ‍ॅडजस्ट करु शकतो तसं बेकींगच होत नाही कारण एकदा पदार्थ ओव्हनमध्ये गेला की झाल्यावरच बाहेर काढतो. शेवटची गार होण्याची पायरीपण महत्वाची असते. इथे अजुन टीपा आहेत.

नाद खुळाच!

प्यारे१ सोमवार, 21/04/2014

नाद खुळाच! आल्यावरुन एक विनोदः एका लग्नात एक माणूस आक्खा बॉक्स आलं घेऊन येतो नि स्टेजवर नवरा नवरीला देतो. नवरानवरी संभ्रमात. हे आलं कशाला म्हणे? आलं आणणारा अजून संभ्रमात. अहो पत्रिकेवर तुम्हीच तर छापलंय....'आहेर आणू नयेत पण आलंच पाहिजे' :) घ्या अजून एक कूकी घ्या! ;)

शेवटून दुसर्‍या फोटुतली ट्रे

अत्रुप्त आत्मा सोमवार, 21/04/2014

शेवटून दुसर्‍या फोटुतली ट्रे वरची बिस्किटं पाहिल्यामुळे मला मनोहर बेकरीची अठवण झाली. आपण तिथं जिन्नस नेऊन दिले,की दोन/तीन दिवसात बिस्किटं करून मिळायची. आपल्याला दिलेल्या टायमाला बेकरीवर गेलो की अशीच ट्रेच्या ट्रे भरलेली बिस्किटं समोर यायची..गरम/गरम.. (आपलीच असल्यामुळे लग्गेच १ उचलताही यायचं! ;) ..) आज हे सगळं आठवलं! त्यामुळे आज सांजच्याला मनोहर बेकरी शोधणे आले पेरुगेटाच्या फुडची...र्‍हायली असेल तर!

साहित्या मध्ये पिठ पण काय

पिलीयन रायडर सोमवार, 21/04/2014

साहित्या मध्ये पिठ पण काय स्टाईल मध्ये ठेवलय.. नाहीतर आम्ही .. २ चमचे भुताचे ओट्यावर सांडल्याशिवाय पदार्थ नीट होत नाही आमचा.. ही बाई दिवसेंदिवस तापदायक होत चालली आहे.. हिची सुपारी घ्या रे कुणी तरी..!!

>>>ही बाई दिवसेंदिवस तापदायक

प्यारे१ सोमवार, 21/04/2014

>>>ही बाई दिवसेंदिवस तापदायक होत चालली आहे.. हिची सुपारी घ्या रे कुणी तरी..!! कोणीतरी 'काहीतरी' म्हणतंय ब्वा..... पण आम्ही काही ऐकणार नाही आहोत. बोलणार तर नाहीच्च :) सानिकाजी, आपल्याला पाकृ बद्दलच्या प्रतिसादांशिवाय सेन्च्युरी चालेल का?

अगदीच कातिल आलाय पहिला नी

सूड सोमवार, 21/04/2014

अगदीच कातिल आलाय पहिला नी शेवटचा फोटो.

_/\_

सुहास झेले सोमवार, 21/04/2014

निशब्द... :)

करू का?

साती सोमवार, 21/04/2014

यात बेकिंग सोडा , बेकींग पावडर हे शत्रू नसल्याने (शत्रू म्हटलंय कारण हे घातलेले पदार्थं मी आत्तापर्यंत धड करू शकलेले नाही) करून पाहावं असे टेंप्टेशन होतेय. ;) संत्र्याचा जूस ताजा वापरला की विकतचा?