क्रिस्पी सेसमी प्राँस इन लेट्युस कप्स

साहित्य क्रिस्पी सेसमी प्राँससाठी: १०-१५ कोळंबी साफ करु घेणे पाऊण वाटी मैदा (ह्यातील थोडा बाजूला काढून ठेवा कोटींगसाठी) पाऊण वाटी भाजलेले पांढरे तीळ शेजवान सॉस / चटणी (चिंग्सची शेजवान चटणी भारतात सहज मिळते, मस्तचं लागते) मीठ तेल पाकृ: एका बाऊलमध्ये मैदा, शेजवान चटणी, थोडे मीठ (चटणीत मीठ आहे त्याप्रमाणे घालावे) व थोडे पाणी घालून बॅटर तयार करावे. एका प्लेटमध्ये भाजलेले तीळ पसरवून घ्या व दुसर्‍या प्लेटमध्ये बाजूला काढून ठेवलेला मैदा घ्या. पॅन / कढईत तेल मंद आचेवर गरम करायला ठेवा. कोळंबीला प्रथम मैद्याने कोट करा, मग तयार केलेल्या बॅटरमध्ये घोळवून तीळाने व्यवस्थित कोट करुन घ्या. गरम तेलात अलगद सोडून डीप-फ्राय करा. सोनेरी रंगावर क्रिस्पी तळून पेपर टॉवेलवर काढून ठेवा. साहित्य सॅलॅड: १/२ वाटी पातळ, उभे चिरलेले गाजर १/२ वाटी पातळ उभा चिरलेला कोबी थोडासा पातळ उभा चिरलेला कांदा बारीक चिरलेली कांद्याची पात १/४ टीस्पून लाल तिखट १/२ टीस्पून लिंबाचा रस मीठ चिमूटभर सगळ्याचे प्रमाण आपल्या आवडीप्रमाणे बसवावे. साहित्य सोया + शेजवान सॉस: डार्क सोया सॉस चिंग्स शेजवान चटणी / सॉस मध बारीक चिरलेले आले कांद्याची पात व भाजलेले तीळ सगळ्याचे प्रमाण आपल्या आवडीप्रमाणे बसवावे. पाकृ सॅलॅड: गाजर + कोबी + कांदा + थोडी कांद्याची पात + लिंबाचा रस + लाल तिखट + मीठ सगळे एकत्र करावे. पाकृ सोया + शेजवान सॉस: सोया सॉस + शेजवान चटणी + मध + चिरलेले आले एकत्र करुन फेटणे. त्यात कांद्याची पात व थोडे भाजलेले तीळ घालून आबंट , गोड, तिखट सॉस तयार. सर्व्हिंगः लेट्युसची पाने स्वच्छ धुवून, पुसुन घ्यावी. त्यात तयार केलेले सॅलॅड घालावे व त्यावर क्रिस्पी सेसमी प्राँस ठेवावे. थोडासा सॉस त्यावर घालावा किंवा सोया + शेजवान सॉस क्रिस्पी सेसमी प्राँस इन लेट्युस कप्सबरोबर सर्व्ह करा. हॅप्पी व्हॅलेंटाईंस डे !! :)